واخيرا عملت الفطير المشلتت وبالصور كمان

لأحلي فتيات المنتدي
حاولت علي قدي كده اعمل المشلتت وكانت اول مرة اعمله واكيد مش اخر مرة
عموماً مفيش مقادير معينه يعني : دقيق ابيض وعليهم رشة ملح وشويه ماء ( بنحط حبه حبه كل ما العجين يحتاج ) لحد ما تتجمع عندنا العجينه وماتلزقش في ايديكي الحلوة زي الصورة دي الظبط .
وبعدين نسيب العجينه ترتاح شويه يعني حوالي 10 - 15 دقيقه وبعدين نفردها لحد ما تبقي رقيقه جدا علي الرخامه المدهونه بالدقيق .
وندهنها بالذبده " انا كنت مقطعه الذبده مكعبات صغيرة " وتفركيها كويس جدا علي العجينه ولو حبيتي تحطي قشطه وتدهني بيها براحتك دي اختياريه " بس انا كنت حاطه قشطه " .
وبعدين نبتدي نلف فيها من الطرف بالشكل ده .
ونلف كمان .
ولما نخلص لف العجينه هيكون شكلها كده .
تاخديها وتحطيها في صينيه مش مدهونه وتلفيها علي شكل كحكه وطرفها الاخير يكون تحتها بالشكل ده .
ركزي شكلها هيكون كده .
وسيبيها ترتاح كمان 10 دقائق وبعدين افرديها بحجم الصينيه .
ودخليها فرن حار علي 180 .
وهتكون كده بعد حوالي 20-25 دقيقه .
سامحوني الطبق ده لملكه المشلتت المصري (( أم يوسف ))
وباقي الفطيرة ليكوا كلكوا 00 بالف هنا
ودي من قريب
للتعذيب
ممكن تدهني وشها بالذبده وهي في الفرن قبل ما تحمر عشان يبقي لونها كلها ذهبي " دي معلومه ماما قالتهالي بعد ما داقته " .
ام تجنن والله
قولولي اعمله تاني ولا خلاص تبقي اول واخر مره ؟
تقبلوا احترامي وتقديري
والف هنا وشفا ...
منقول