والله أحبك يشهد الله علي كامله

يعطيك العافية يا قلبي
بصراحة أحس القصة حلوة
بس
ام
بس الخط لك عليه شوي !!!
أنتظر البارت الجاي يا الغالية ,,,

متكحلة بدم عاشق
بصراحة أحس القصة حلوة
بس
ام
بس الخط لك عليه شوي !!!
أنتظر البارت الجاي يا الغالية ,,,
يسلمو يالغلا راح أكمل الروايه عشانك والخط أذا ماضبط نضبطه عشانك ولا يهمك وهذا البارت هديه لك
تحياتي

البارت الثاني في احدالاحياء عاشت زهره مع بناتهاببيت اخوهاخلف بعدطلاقهامن عبدالوهاب بنتها البكر واول فرحتها عايشه اجبرت على القبول بولد خالها الكبير عابد لخاطر ان امها وخواتها يعيشن ببيت الخال اللي خيرها بين ولده والشارع اختارت مرغومه على فاقد الشخصيه كما يسمونه عابد يعمل ميكانيكي وهذا ليس سبب رفض عايشه لانه لا يعرف القراءه والكتابه ويفقد الشخصيه امام المحركين الاساسين لحياته والديه اشتغلت بمشغل لتساعد في مصروف امها وخواتها أسيل اللي طموحها الطب وقف خالها بوجه مستقبلها وحلمها اجبرها تدخل تمريض اذا مارضت تشتغل مثل اختها بمشغل خضعت له مجبوره تعمل بمستشفى خاص نجد ونجود آخر سنه دراسيه قسم علمي نبدأأحداث مابعد18سنه..... نجد:رجعيه على القناة أمل(تهز راسها):لاء نجد:بتابع المسلسل رجعيه أمل:لاءهذابيتناوكيفي(اشرت عليها)واذا مو عاجبك طقي راسك بالجدار نجد(عصبت):أملوه رديه أحسن لك أمل(بأستهزاء)يمه يمه خوفتيني يعني ايش بتسوين نجد(نطت على أمل وسدحتها بالارض ومسكتها بشعرها)أوريك شنو اسوي أمل(تصارخ)يماه لحقيني يمه أم أمل(طلعت من المطبخ)نجيدوه وخري يا حماره عن بنتي نجد(بعصبيه)أنا قلت لها لاتغير القناة ليه تغيرها أناجيت قبلها أم أمل(رفعت الملعقه اللي بايدها وضربت نجد بظهرها)أوريك أنا يانجدوه نجد(تنط بمكانها من ألم)آآآآآآي الله لايبارك فيك ولاببنتك يالخايسه أم أسيل(نزلت مع عايشه)أيش فيكم أم أمل:امسكي بنتك أم أسيل:نجد يمه علامك نجد(تمسك ظهرهامن الالم)يمه ضربتني والله لاذبحها عايشه(تمسكها)نجد نجد عقلي نجود(نزلت)أيش حصل نجد:ضربتني وسميوه نجود(عصبت)وليه تضربك(لفت لهابعصبيه)ليه تمدين يدك عليها أم أمل(بعصبيه)خير خير البيت بيت ابونا والغرب حاسبونا(لفت لزهره)مسكي بناتك أم أسيل(تهدي الوضع)يابنات بس خلنا نطلع فوق عايشه(بعصبيه)وليه نطلع لا خلينا نحط حد لذي وبنتها أم أمل:أنتي لما يجي عابد بيتفاهم معكي عايشه(بأستهزاء)ياخليه يتفاهم مع نفسه بالاول في هذي اللحظه دخل الخال ومن شافنه البنات اهربن فوق.... الخال(بعصبيه)علامكن صوتكن واصل للشارع فضحتونا أم أمل (بدت تصيح)شف ياخلف بنات اختك ايش يسون بغيابك فيني وفي امل أمل (تصيح)يبه ضربني وانا ماسويت شئ آآآآآآه الخال(عصب ونزل عقاله)اوريكن يابنات زهره أم أسيل(تترجي)خلاص ياخوي تكفه سامحهن طلبتك الخال(بعصبيه)لا والله يتحاشمن على بنتي والله ثم والله لاخلي العقال يتحاشم عليهن صعد الخال واهو يتوعد وثواني ما ينسمع غير الصريخ والاستنجاد للبنات وأمل وأمها الأبتسامه والشماته ما فارقتهن والأم دموعها على خدها تسمع صوت البنات ولا تقدر تسوي شئ وفي هذي اللحظة دخلت أسيل راجعه من المستشفى أسيل(بتعجب)أأأأيش هالصراخ الأم (بترجي)أسيل يمه لحقي على خواتك راح يذبحهن خالك أسيل(صعدت بسرعه ودخلت شافت الخال طايح فيهن ضرب)خالي الخال:نعم أسيل(تسحب العقال)على هونك أيش تسوي الخال:لا ولاالله يعني أنتي المنقذه لا أجمعك معهن أسيل:وليه أن شاء الله تضربهن الخال:ليه يتعدن على بنتي و حرمتي أسيل:بنتك وحرمتك ما فيهن شئ مثل الحمير أقصد الحصن زينات الخال(بعصبيه)اخلصي الزبده أسيل(فهمت خالها الطماع) خذ الخال(يبتسم ويعد الفلوس)ايه ذي اللي تفهني سنعه يابنت زهره عايشه:ليه عطيتيه الطماع الجشع أسيل(تنزع عباتها والشيله)عادي دام يفكنا من شره وخالك حاسب المعاش يعرف يختار الاوقات(تجلس)إلا من المسؤوله عن الضرب اليوم نجد(تبتسم رغم الالم)أنا أسيل(تبادل اختها الابتسامه)فرحانه نجد:أيه الضرب ماجاء من فراغ مسكت لك أم كشه املوه وسدحتها بالأرض وهات ياضرب نجود(تصفق يد بيد)لاعزالله ماتغدينا الأم(تدخل)ياقلبي عليكن تتالمن يمه عايشه:عادي يمه موأول مره أنتي لا تحاتين أسيل(تغير الموضوع)يله يمه ننزل نتغدى يله بنات أنا أضبط وسميه الأم:يله ننزل نزلن البنات وأسيل سكتت وسميه ب50ريال تغدوا بعد ما جاء الكل بعد الغدا دق جوال أسيل أسيل(بهمس)ألو..هلا حبيبي مازن:هلا كيفك أسيل:بخير وأنت مازن:تمام أسيل:خلصت دراستك مازن:لا باقي كم شهر وأرجع للمملكه ومعاي شهادتي أسيل:ترجع بالسلامه مازن:وأول ما أوصل راح أخطبك أسيل:تظن أبوك يوافق بحكم أنا مو من المستوى مازن:لا يا قلبي ما يهموني دامك معي أسيل:أحبك يالواثق مازن:يا حلوها منك أوكيه قلبي أخليك أسيل:مع السلامه عبدالله(يدخل)أسوله أسوله أسيل:هلا وغلا بقلب أسيل عبدالله(يبتسم)إيش رايك نطلع للمزرعه أسيل(تطالع ساعتها)ألحين عبدالله:مشتاق للجارح ما تبين تشوفين الوضحه أسيل:إلا وربي يله ألبس وطالعه لك عبدالله:أشوف البنات وأمي زهره إذا يبن يروحن معنا طلعوا للمزرعه اللي شراها الجد من 15سنه الجد ما يحب المدن وإزعاجها وباع أكثر حلاله وترك 4خيول أصيله الشقراء والملكي له أهو والجارح لعبدالله والوضحه لأسيل من جدتهم لهم عبدالله وأسيل يرتبطون بأنهم أخوان بالرضاعه وحبهم للفروسيه بشكل غير طبيعي وصلوا للمزرعه الجد(يبتسم)ياحيا الله من جانا الكل:الله يحييك عبدالله:شلونك يبه الجد:بخير ليه ما دقيتوا و قلتو بتجون أسيل:حبينا نسوي لك مفاجئه الجد:أنتي وعبدالله عارف ليه تجون هنا مو لخاطري عارف الكل:ههه أسيل:شدعوه ياجدي غالي والله الأم:يبه شلونك ألحين الجد:الحمد الله عايشه:منت حاب تجي معنا للمدينه الجد:أعوذ بالله لا المزرعه أحسن والله الله يرحمها مريم(الجده)ما كانت تحب المزرعه كذا أحسن هوا طبيعي أزرع وأكل من خيري أسيل:لولا شغلي كان قعدت معك هنا نجد:مو لخاطره لخاطر الوضحه أسيل:فديتها الوضحه الجد:روحوا أركبوها أسيل:جدي نبي نطلع فيها بره المزرعه الجد:لا وأنا جدك أخاف عليك عبدالله رجال ويفتك أسيل(تنزع عبايتها الكتف)هاه أيش رايك الأم(تلف لعبدالله)أكيد فكرتك عبدالله:ههه لا والله يمه أهي دخلت وأخذت ثوب وشماغ عايشه:يمه الله يخليك ترى مرات تطلع معه بالرياض على أساس أنها ولد الأم(تمسك حصاه وتحذف أسيل)وجع أنا كم مره حذرتك أسيل(تتخبى ورى جدها)يا يمه مافيها شئ بعدين أنا طالعه مع أخوي عبود أسد عبدالله(يزأر مثل الأسد).....كح كح كح الكل:ههه الجد:ههه صار خروف ههه الكل:ههه الأم:أنثبري مافي طلعه أسيل:يمه شوي تكفين ما نبعد نجود:يمه معها عبدالله وأسيل عن10رجال عايشه:خليهم أهي متنكره و راح تتلثم بالشماغ الأم:لاحول ولاقوه إلا بالله روحو بس لا تتاخرون ولا تبعدون كثير فاهمين عبدالله:بنات ماتبن معنا البنات:لاء عبدالله:بسم الله علي طيب مايحتاج صراخ أسيل:ماتعرفهن ما يحبن الخيل الجد:لا والله كلكم تعلمتو الفروسيه ورى ما تركبنه عايشه:أنا احس اني كبرت على الخيل نجد:والله مال خلق ريحتهن وملابسي تتوسخ نجود:بصراحه كل ماركبتهن ظهري يعورني من كثر ماانقز على السرج أسيل وعبدالله طلعوا بالخيل يتمشون برى المزرعه بس مايبتعدون عن المزرعه هذي عادتهم عبدالله:تسابقين أسيل:سباق موافقه بس شنو الجائزه عبدالله:طلبي أسيل:إذا فزت عليك تعشينا الليله على حسابك بمطعم عبدالله:أوكيه بس إذا فزت تطبخين لنا العشى الليله أسيل:ماأعرف عبدالله:عادي أقول لعايشه تشرف عليك اوكيه أسيل:أوكيه أسيل(تصفر للوضحه متعوده عليها تصفر)يالله يا وضحه لا تخلين أخوي وأخوك(الجارح)يسبقونا عبدالله:جارح لا يغلبنك البنات تسابقوا كان الشارع فاضي وعبدالله سبق أسيل وأسيل تغلبه وتتقدم عليه ويرجع يسبقها ويطالعها و يمد لسانه لها أسيل(تصرخ)عبدالله أنتبه عبدالله(سحب لجام الجارح)أبك أبك هد عبدالله سحب اللجام وطاح وطاح الجارح فوقه والسياره حكت بريك قوي الله ستر ما أنقلبت أسيل(تنزل بسرعه)عبدالله فيك شئ عبدالله:رجلي توجعني أسيل(نزلت تلمس رجله)لا تحركها :فيكم شئ أسيل(توقف وتلف له)أعمى ماتشوف :أنتي بنت أسيل(أرتبكت)هاه أيش دخلك عبدالله:حصل خير الحارس:تكلمي عدل ما تعرفين من معه تتكلمين وقحه عبدالله(عصب)هيه أنت تكلم عدل :ميخالف حصل خير الحارس:ياسيد حمد حمد(يكتم غيضه من وقاحتها)ما عليش تحبون نوصلكم أسيل(بإستهزاء)لاوالله أحسن خلنا روح حمد(يخزها)هيه ترى ما أشتغل عندك أسيل:هيه أنت عبدالله(بصوت عالي)خلاص حمد:أبتعدي خلينا نرفعه حسام تعال معي حسام:أنا أرفعه سيد حمد خله أسيل:علامك أنت كأن أخوي نجس ليه ما يساعدك تراه نظيف مالت عليك حمد(عصب)أوه شنو أنتي عبدالله:أسيل سكتي حمد:سمعتي سكتي أسيل:أيش حشرك أسكت ولا لا كيفي عبدالله:شوفي الجارح فيه شئ أسيل(تلمس الجارح)لا الحمد الله عبدالله(يوقف مع حمد وحارسه)والخيل أسيل:أنا أركب الوضحه ومعي الجارح لا تحاتي حمد(يركب عبدالله السياره)كذا زين الحارس:سيد حمد العمه وصلت حمد:عن أذنك شوي أسيل(توقف عند عبدالله)وين راح عبدالله:مدري الحارس:يكلم والدته في ذيك السياره أسيل:طيب شوي وإلا حمد جاي مع بنت صغيره وأمه وأخته حمد عرفتوه ولد عم أسيل بس صار لهم 18سنه مو شايفين بعض وما يعرفون بعض الام:السلام عليكم عبدالله واسيل:وعليكم السلام الام:سلامات ياولدي عبدالله:الله يسلمك ياخاله الام (تلف على اسيل):ولدي يقول انك بنت اسيل(باحراج):ايه حمد(بصوت واطي):حشى مهي بنت شاذه والعياذ بالله اسيل(ترفع اصبعها بتهديد)احذرك لا تكرر الكلام هذا حمد(بعصبيه):احذرك لاترفعين اصبعك بوجهي اكسره الام:حمد عيب عبدالله:اسيل خلاص أسيل: أوف(ركبت الوضحه) ملاك:بابا حزان حزان حمد(يرفعها):المسيه مناير:واو يهبل حمد أسيل(تردعلى جوالها):الوهلا...هاه يمه...يمه تكفين لا تصارخين(تلف لعبدالله)كله منك الكل:ههه اسيل(ترجع تكلم)هلا ما فيه شئ............ يضحكون من.......أم شوفي عبدالله طاح من الفرس ولوى رجله......على هونك والله مافيه شئ..........لالالاام عبدالله لحظه(سكرت) عبدالله:علامها امي اسيل:خالي عبدالله:حلفي(لف لحمد)سيدحمد لو تكرمت ساعدوني أركب فرسي حمد:مايصير رجلك الام:يمه خلنا نوصلك حمد وصلوه لمزرعتهم عبدالله:ماقصرتو واسفين على الازعاج حمد:لالازم نوصلك يمه طلعن للمزرعه حسام وصل عبدالله(طالع اسيل بعدين لف لعبدالله)عبدالله عبدالله:هلا حمد:ممكن اركب فرسك اسيل(تهزراسها)لالا عبدالله(ابتسم)تفضل اسيل(عصبت وحركت لجام الفرس)انا بروح حركت السيارات واسيل على فرسها وحمد جنبها على الجارح حمد:فرسك حلوه.....ام تبيعينها اسيل(تخزه)شايف لافته للبيع حمد:وليه تخزين أسيل:كيفي حمد:طيب أنابدفع اللي تبينه أسيل:شفيك ماتفهم غبي حمد(عصب)حدك عن الغلط أسيل(توقف الوضحه)روح اسبقني ماأبي أمشي معك حمد:أنت الغبيه انت ماتعرفين أنامنو تكلمي بإحترام على شنو مغروره أسيل(رفعت راسها)ياربي هذا من شفته واهويقول أنامنو وأنامنو(لفت له)أذامنت عارفت انت منو روح لماما وأسألها حمد(قرب ومسك ايدهابعصبيه)شنوشايفتني بزر تقولين رح لماما اسيل(تحاول تفك يدها)هيه هدني حمد(بعصبيه)اعتذري أسيل(بإصرار)لاء حمد:ماراح اهد ايدك(وزاد الضغط) أسيل(رفعت يدها وعطته بقس على خشمه)تستاهل حمد(يمسك خشمه)يابنت اللذين أسيل(تبتعد بفرسها)احسن شنو شايفني حمد(يلحقها بفرسه وبصوت عالي وعصبيه)بس اصيدك يابنت اللذين هين أسيل قدرت انها تسبقه وتوصل للمزرعه قبله وسيده على البيت دخل حمدالمزرعه وكان واقف حارسه بانتظاره عند البوابه الحارس(مسك السرج )سيدحمدخير شنو فيك حمد:خير الحارس:انفك دم حمد(يلمس انفه ويطالع الدم عصب)بنت اللذين ايدها قويه عطني منديل عبدالله(بصوت عالي)سيد حمد حياك حمد:لا والله اسمحلي مستعجل الجد(يوقف من داخل بيت الشعر)حياك ياولدي قرب حمد(استحى يردالجد)السلام عليكم الجدوعبدالله:وعليكم السلام الجد:علامك ياولدي تونس خشمك حمد:لا ياجد هذي عاده يصب دم دوم عبدالله:أسيل تشتغل ممرضه إذا تحب تشوفك حمد:ممرضه الجد:إيه الله يخليها لنا الأم(تدخل)السلام عليكم الكل:وعليكم السلام الأم(تمد كيس ثلج)تفضل ياولدي حمد:شنو هذا ياخاله الأم:ثلج بنتي قالت وانتو رادين لاحظت أن خشمك دم والثلج يوقفه حمد(يوقف)تسلمين يله اسمحولي الجد:تو الناس اجلس ياولدي حمد:والله تارك اهلي بالمزرعه الجد:طريق السلامه انتهى البارت *هل لقاء حمد وأسيل سلبي أم إيجابي؟! *بيعرف انهابنت عمه ام لا؟! *ماذا يخبي المستقبل للبنات وامهن يلا أنتظر الردود عشان أكمل

غريبه 75 مشاهده ومافي ألا رد واحد الصراحه ماتشجعون اني اكمل الروايه>>
<<هذي حالتي بالتدريج

البارت الثالث
*************************
طلعن البنات بعد ما راح حمد
أسيل:عبود شلون رجلك
عبدالله:مدري أنتي شنو تشوفين
أسيل:نجود جيبي ثلج عبود ألتواء بسيط
عايشه:باين عليه ولد عز
أسيل(بعصبيه)المال ما يخفي عيوب الناس
الجد:إيش قصدك
أسيل:مغرور يا جدي
الأم:ليه قال لك شئ
أسيل(بارتباك) هاه.....وأهو يتجرأ كان ضربته
نجد:سيارته تهبل همر
عبدالله:علامك تقولينها كذا(يقلدها)همر
نجود:كبيره مره
عبدالله:وأنتتب بعد وعلامها سيارتي تهبل مره
أسيل:تهبل مره الله يخليها لك كم مره وقفت بالشارع علينا
الكل:ههه
عبدالله:طيب ما راح تركبينها راح أخذ أمي زهره وأرجع بروحي
أسيل:عادي أحنا راح نجلس مع جدي
نجد:اليوم الاربعاء و بكره عطله و بعده يجي عابد لما يشتاق لعايشه و يياخذها
عايشه:كركركركر بايخه
الكل:ههه
الجد:خلوكم اليوم عندي طفرت بروحي
أسيل:عشان خاطرك بس نجلس
الأم:الحمدلله أن عايشه جابت لكم غيارات كانت حاسه أنكم راح تجلسون هنا
الكل:الله يخليها لنا ماما عايشه
عايشه:شكرا يا أطفالي الحلوين
************************************************** ********
حمد اللي وصل لمزرعته
حمد:السلام عليكم
الكل:و عليكم السلام
فراس:أبو ملاك الحمد لله على سلامتك
حمد:الله مسرع ما عرفتوا
أحمد:خالتي ساره قالت للكل
حمد(يتلفت)إلا الشياب وين
أحمد:بعد وين في بيت الشعر
حمد:بهذا الحر
فهد:ما عندهم لا حر ولا برد
حمد:لا تحسدهم بس
زياد:حمد علامه خشمك خلني أشوفه
حمد(بعصبيه)بنت اللذين عطتني بقس على خشمي
العيال تسدحوا من الضحك: بنت ههه
زياد(يقرب منه)خلني أشوف خشمك لا تكون ههه كسرته
حمد:وخر عني تبي تطبق الطب علي
خالد:خله يشوفك ياحمد
حمد:زين شف وخلص
زياد(يلمس خشمه)لا ما فيه كسر
مشعل و راشد و جراح:السلام عليكم
الكل:وعليكم السلام
راشد:علامك حمد خشمك يوجعك
زياد:ههه وحده عطته بقس على خشمه
الكل:ههه
حمد(يطقه على يده)وجع هذولا ينشرونها
جراح(يقعد جنبه)أمانه قل لنا أيش حصل معك
حمد:يا ويلي شنو مغروره بنفسها أسمعوا أنا ما شفتها كانت متلثمه بشماغ عيونها حلوه ما شاء الله لما لوه أخوها رجله قلت فرصه أكلمها أقنعت أخوها أن يوصله السواق وأنا أركب فرسه
أحمد:أنت وين شفتها
حمد:يا أخي الظاهر أنها كانت تتسابق مع أخوها
مشعل:على شنو
حمد:يوه بقول لكم السالفه من الأول هذا وأنا جاي لكم طلع قدامنا شابين على الخيل واحد سابق الثاني حكينا بريك وواحد سحب لجام فرسه وطاح الفرس فوقه وألتوت رجله نزلنا نسأله خير شنو فيه قال حصل خير أنا بالأول ضنيت أنهم ولدين بحكم لابسين ثياب وشمغ نزلت تشوف رجل أخوها قلت فيكم شئ عصبت و قالت أنت أعمى ما تشوف قلت لها أنتي بنت صوتها حلو ردت علي بكل وقاحه و قالت أيش دخلك
فراس:قويه مهي هينه
خالد:كمل وبعدين
حمد(يكمل)قالها حسام تكلمي عدل معه هبت بوجه بغت تاكله قلت معليش حصل خير تحبون نوصلكم عصبت و قالت لا أحسن خلنا هنا و بدينا نتهاوش وسكتها أخوها بعدها وصلت أمي ولزمت عليه إلا نوصله و قلت فرصه
راشد(يغمز له)تطيح البنت
حمد(بإستهزاء) وليتني ما قلت لها إهي ما تعطي وجه أبدا
فهد:وليه تحسبن البنات كلهن مثل بعض كل من قلت لها أنا حمد بن فهد محسن ال...... تطيح في أحضانك و تولع في حبك
حمد(يحك راسه ويبتسم) إيه والله قلت يمكن إذأ أبعدتها عن أخوها تأخذ حريتها بالكلام
زياد:واللي صار العكس صح
حمد:صحين قلت بلطف الجو قلت لها الفرس للبيع
جراح:أكيد عطتك بقس
حمد:لا تونا
مشعل:أيش قالت
حمد(يقلد صوتها) شايف لافته مكتوب عليها للبيع
الكل:ههه ههه
فراس:أسكتو خلوه يكمل
حمد:قلت لها أدفع اللي تبينه بالفرس
خالد:أنا مو فاهم تبي البنت ولا الفرس
حمد(يأشر بأصابعه)الإثنين البنت باين حلوه والفرس آآآآآآآآآه أموت بالخيول تهبل
أحمد:الحمد لله والشكر
فراس:يوه بسكم تقاطعون كمل
حمد:قالت غبي ماتفهم بصراحه أنا عصبت كل مره تقول غبي وقفت فرسها قالت أسبقني قلت أنتي ما تعرفين أنا منو قالت كل مره تقول ما تعرفين أنا منو إذا ما تعرف أنت منو روح لماما تقولك من أنت
الكل:ههه ههه
ههه ههه
راشد:أكيد خليتها ورحت
فراس:ما أظن حمد مايستسلم أنا عارفه
حمد:عصبتني مسكت يدها وقلت أعتذري رفضت ضغطت على يدها وقلت أعتذري
أحمد:أكيد أعتذرت
فراس:أنا واثق حمد لما يعصب وربي يخوف
حمد(يمسك خشمه)لا والله عطتني بقس على خشمي
الكل:ههه ههه
فهد:و إيش سويت
حمد:إيش أسوي ما لحقت عليها بنت اللذين إنحاشت بس الظاهر طيبه خلت أمها تجيب ثلج لخشمي
الكل:ههه ههه
جراح:تجرح و تداوي شنو دكتوره
حمد:أخوها يقول ممرضه
زياد:وأخوها عرف عن اللي صار
حمد:لا بس وين تروح مني صايدها صايدها بغت تكسر خشمي
خالد:إذا عاجبتك خل خالتي تخطبها لك
حمد:لا أن شاء الله أنا أتزوج بعد المرحومه لا وألف لا
فراس(يهمس له)و زواج المسيار حالف بعد
حمد(يبتسم له)لا ذا حلو
حمد(دق جواله)ألو......هلا يا الغاليه.......إيه وصلت.......خلاص جايك ألحين
حمد(يوقف) بروح أشوف الوالده وأرجع
حمد(يتنحنح بيدخل الصاله) يا هيه السلام عليكم
الكل:و عليكم السلام
حمد(يحب راس جدته) شلونك جده
الجده:بخير وأنت زين
حمد:زين لله الحمد عساك مستانسه هنا
الجده:ما شاء الله مزرعتك حلوه
حمد:بوجودك(يلف لأمه)هلا يمه بغيتي شئ
أم حمد:إيه يمه الولد كيفه
حمد:بخير ما له شر
العمه أمينه:يمه بيرفع قضيه
حمد:ههه لا ما توصل كذا جت خفيفه
ملاك(تنط بحضن أبوها) بابا
حمد:هلا قلبي
ملاك:خشمك أح
حمد(يلمس خشمه دم) يوه ما يوقف
أمينه:لحظه أنادي لك روابي تشوفه
حمد(يوقف) ما له داعي ألحين أغسله يله تامرون على شئ
الجده:بحفظ الله
طلع حمد ووحده كانت قدامه وقف لما شافها
حمد(في نفسه) ما شاء الله عليك يا طيف أحلويتي
طيف(بدلع) كيفك حمد
حمد:زين وأنتي
طيف:بخير ما نشوفك تزورنا ليه (بدلع) نسيتنا
حمد:وأحد يشوف ذا الوجه وينساه أبدا بس مشغول
طيف:أوكيه دام كذا(بدلع زايد) عذرناك باي
حمد:باي
حمد(قبل يدخل المجلس رن جواله) ألو هلا هلا وغلا بهنوده كيفك.....لا زعلانه أراضيك.....طبعا أقدر على رضاك.....أهون عليك تزعلين مني.....بعد يومين رايح جده......لالا مو شغل عشانك يا جميل.....أذوب أنا بالضحكه يا بنت خفي علي.....أوكيه باي يا قلبي باي
:ليه ما تتزوج دامك تعرف تحب
حمد(خاف ولف) وجع خرعتني عبالي أحد عمامي
فراس:ههه طايح تغزل بمن
حمد(يبتسم) بأهل جده
فراس:أها وأهل الشرقية والرياض والطائف
حمد:لا أهل الطائف طلقتها والثانيات زينات لحد ألحين إلا أنت إيش مسوي
فراس:أهل جده يكفون بعدين أنا يالله قادر على وحده مسيار إذا طابت النفس منها أغيرها
حمد:كم مره تزوجت
فراس:خمسه في عين العدو
حمد و فراس:ههه
فراس:لو يدري عنا أبوي أو عمامي كان أذبحونا
حمد:الحمد لله دوم نتحجج بالصفقات و السفرات
محمد(طلع)أقول أقترحنا نلعب كوره قبل صلاة العشى ساعه كذا
فراس:أنا موافق
حمد:خلاص نشغل الكشافات خلونا ندخل ونقسم نفسنا
************************************************** ***********************************
عند أسيل........
نجود(تقطع بصل) يوه عماني البصل لازم عشى
نجد(تقطع سلطه) أحسن يمكن الدموع زايده عندك
نجود: جب
نجد: جب أنتي
نجود تقطع البصل قريب من نجد اللي دمعت عيونها
نجد:أح أح عمى عمى يا صخله ليه كذا
أسيل(تاكل خياره)نجد أمانه لا تطيح دموعك بالسلطه ما نبغيها مالحه
نجد و نجود(مع بعض) سكتي
أم أسيل:أسيل أكل و مرعى و قلة صنعه
عايشه(تشوف الرز أستوى)يا أختي سوى حاجه زينه
أسيل:يا ربي أروح عند عبود و جدي أحسن
أم أسيل(تمسك يدها)تعالي تعالي
أسيل:هلا
أم أسيل:غسلي المواعين أخلصي
أسيل: لا يمه وع قرف وع
أم أسيل:أخلصي يله
عايشه:أحسن
أسيل:ليه خليتوني على المواعين
نجود: تبادلين بالبصل
أسيل(تفسر عن يديها)لا لا هونت بصل وريحه خايسه لا المواعين أهون
************************************************** ****************************
بمزرعة حمد.................
في غرفه البنات يتبادلن البلوتوث والرسايل
شهد(تدخل فجأه) بنات الشباب مسوين مباراة
البنات:والله
شهد:على التشجيع
بنات:يله
فهد(يقسم)أنا وأعوذمن كلمت أنا وخالد وزياد ومشعل وسلمان(أخو تهاني) وخالدالحارس
أحمد(يأشر) وأنا وحمد وفراس وراشد وجراح وأنا الحارس
فارس:أنا الحكم يله نبتدأ
أما عند البنات وما أدراك ما البنات
كل وحده هيمانه مع الحب<<<< بنكتشف من تحب من ^_^
وجدان(تتنهد)آآآآآآآآه
شهد(تنفز وجدان) وجدان وجدانوه أصحي
وجدان:ياحلوه ياشوشو شوفيه
شهد(تهمس لها)عارفه أنه حلو مو أخوي بس أذكري الله عليه<<<< من تقصد خالد مشعل أحمد محمد بنكتشف
وجدان:ماشاء الله عليه بس ليته ليته يحس فيني
شهد:العم ولا داري عن هوى دارك أنسيه
وجدان(تطقها على كتفها)وجع لا تقولين انسيه عادي المهم أنا حاسه فيه
هيام(تلف لأختها)أيش اللي حاسه فيه
وجدان(بأرتباك):ولاشئ شنو قاطه أذنك هنا
هيام(بعصبيه)وجدان
وجدان:سوري
رنا:خلونا نبعد عنهن أحسن ونشجع
البنات :يله
هيام(تطالع بشاير بخبث)ياحلو أخوي فراس
روابي(تشد بحنيه على أيد بشاير)أهدي
طيف(فهمت بنت أختها)بسم الله عليه مزيون أنا موعارفه ليه رفعت الخشم أخضعو
هيام:صادقه والله مو عارفه
رشا:بنات خلاص
بشاير(توقف وبعصبيه)لا تقطن نغزات وكلمات خلاص تعبت
روابي(توقف جنبها) هدي بشوره ماعليكي منهن
بشاير:أف ذبحني أنا(وتأشر بأصبعها على راسها)كيفي كيفي كيفي فاهمات
شهد(من وراها) بشاير خلاص الكل قعد يطالع لك
بشاير(لفت وأنحرجت)أأأأأأأأسفه
روابي:بشاير وين رايحه تعالي
بشاير(بعصبيه) لجهنم
خالد(يطالع لاخته)شباب فايف منت بليز(لحق اخته ومسك يدها)أنتظري أنتظري بشاير ليه معصبه
بشاير(بنظرت حزن)ولا شئ
خالد:أنا أعرفهن إيش قالن لك
بشاير:سوالف بنات عادي أرجع ألعب
خالد:ماراح ألعب لين ترجعين وتشجعيني
بشاير(تبتسم)بس كذا عشان خاطرك برجع اشجع
خالد:وماعليك من هرجهن أوكيه
بشاير:أوكيه
وشجعو البنات كل وحده أخوها وفي قلبها من تحب وفاز فريق فهد2_1
******************
اليوم_ _ _الثاني
حمد:يله شباب أصحو بسكم نوم
أحمد:هم ياأخي فارق مانمنا إلا الصبح
زياد:أأنت أيش مصحيك بدري كذا
حمد:أأنت ناسي الشياب لازم أفطرهم يله عاد أصحو
فراس:أف طيب أيش دخلنا رح لهم
حمد:مالي خلق أروح بروحي كل ما جيتهم يبدون نصايح ليه ماتتزوج أخطب من بنات عمك تحت امرك وأن تبي من ترى كيفك ملاك محتاجه أم وأمك تبي تشوف لك ولد يوه يصدعون
أحمد:لا والله أحلف بس ماالحال من بعضه كلنا بالهوا سوى
حمد(بخبث)أدري أبي يحطون الحره فيكم وينسوني
فراس(رفع المخده وضرب حمد فيها) نذل
حمد:طيب مخصوم من راتبك على هذي الحركه
فراس(ينط ويحب راسه)لاأسف طال عمرك عمي حمد
الكل:ههه
فهد:وأنا أخوك أتركه وتعال معنا ليه المذله
فراس:معاه أطلع أروح على كيفي أما أبوي يحاسبني على الخروج والدخول
حمد(يلعب بحواجبه لفهد) شفت عارف قيمتي
خالد(توه صاحي) إلا ذليته
حمد(يحب راس فراس) ماعاش من يذل أخوي أبوحمد
جراح(يحط أيده على عينه) إهئ أهئ إهئئئ خليتو الدمعه تفر من عيني اقول قم أنت وياه كملو عواطفكم بره خلونا ننام
حمد:خلاص أروح أنا نامو زين
فراس(يوقف ويلبس ثوبه) معاك يابوملاك
فهد:وأنا ليه أجلس طيرت النوم من عيني أروح أفطر أحسن

البارت الرابع
عايشه:اسيل أسيل أصحي بسك نوم
أسيل(تحضن المخده)خليني ليه مصحيتني
عايشه:وليه ما أصحيك الساعه صارت 10
أسيل:أف أف أف ليه كذا عيوش عاد مازن كان توه بيلبسني الشبكة
عايشه:ههه طيب قومي لا تسمعك أمك
أسيل:طيب( ترجع تحضن المخده وتغمض) خليني أنام 10دقايق يلبسني الشبكة وأقوم
عايشه:منتي صاحيه ههه ( تتلفت حولها وأبتسمت وأهي تطالع لكوب ماي وتكته على أسيل) قومي
أسيل(تشهق) أهئئئئئئئئئئئئئ يا الخايسه عويش أوريك
عايشه(تنحاش من الغرفه للمطبخ ) يمه يمه
الأم:علامك
عايشه(تتخبى ورى أمها) شوفي أسيل
أسيل(غرقانه ماي)عويش يالخايسه
الأم(تطالع لأسيل وعايشه)غرقتيها ماي حشى بزارين مو حريم متى تكبرن
عايشه:عيت تصحى يمه شسوي
الأم:روحي بدلي ملابسك وبسك نوم
أسيل:ماأبي أبي حقي بالأول
الأم:أسيلوه روحي بدلي وياويلك إذا سويتي شئ
أسيل(تضرب برجلها بالأرض بعصبيه)ظلم ظلم ليه كذا
الأم(بعصبيه)ظلم يله ذلفي يارقدانه(نايمه)
نجود(تدخل بسرعه) يمه يمه خالي وصل ومعه عائلته الكريمه
أسيل(تتأفف)أف أيش جابهم
الأم:عيب يله طلعي غيري ملابسك
وسميه(تدخل)السلام عليكم
الكل:وعليكم السلام
وسميه:شلونك ياأم عايشه
أسيل: ينقال لها أم عبدالله
وسميه(تتصنع البسمه)أيه نسيت أم عبدالله
عبدالله أرضعته زهره مع أسيل ماعندها أولاد الكل يناديها أم عبدالله وأهو بار فيها وأكثر من أمه وسميه اللي مو معطيته أي أحساس بأنها أمه عكس دلوعتها عابد والحنان اللي فقده عند أمه وسميه حصله عندأمه زهره
ترفه:السلام عليكم(حبت راس عمتها)
الكل:وعليكم السلام
أسيل(تبتسم)تروفه
ترفه(تفتح أيديها)أسوله
أسيل تضم ترفه ويحبن بعض أهن بنات خال وعمه بس مكانة كل وحد بقلب الثانية فوق كل شئ
نجود:الحمد لله والشكر
عايشه:ياربي على هالحب ذا كله لترفه
أسيل(تمسك يد ترفه)تعالي عندي لك سالفه
ترف:يله معاكي
نجود:أنا بروح عند نجد
عايشه:نجود والغدا من يساعدني
وسميه(تبي تفتك) يوه ماسملت على عمي
عايشه:مالت عليك تحججي بشئ ينصدق جدي أول واحد سلمتي عليه تحسب بطلب مساعدتها
الأم(بحزم)عيب مهما يكون وسميه أم رجلك لازم تحترمينها
عايشه(ترفع أديها تدعي) ياجعلي للموت قبل أخذه حسبي الله عليك ياخال لو أبوي عايش كان مارضى باللي تسويه فينا
الأم(تضم بنتها بحنان) يمه لا لا تدعين خليها على الله
عايشه:سامحيني يالغاليه ضايقتك
نجد(تدخل ركض وأهي معصبه) يمه يمه
الأم:بسم الله عليك يمه فيك شئ
نجد(بعصبيه)خالي قال لجدي أن عايشه وعابد عرسهم بعد شهر
الأم وعايشه(بصدمه) شنو
الأم:أنتي متأكده
نجد:أيه والله يمه
عايشه(بصدمه) شهر شهر يمه حنى أتفقنا بعد 4شهور (لفت لنجد) عابد هنا
نجد:أيه موجود لا وراز عمره وشاقه حلقه هالأبتسامه
عايشه(بعصبيه) زين أنا رايحه له
الأم:عايشه عايشه تعالي يمه أهدي
نجد(ركضت لأسيل )أسيل أسيل
أسيل(طلعت بسرعه على صراخ نجد)خير شفيك
نجد:لحقي عايشه
ترفه(طلعت)أكيد عرفت عن العرس
أسيل(تلتفت لها وتعقد حواجبها)أي عرس
ترفه:أبوي حدد العرس بعد شهر
أسيل:شنو
نجد:وعايشه معصبه
أسيل(تلف لفتها) أنا أتصرف
نزلت والأصوت عاليه برى البيت والكل معصب
عايشه(بصوت عالي وبعصبيه)عابد
وسميه:قصري حسك
عايشه(تلف لها)رجاء أنا أتكلم مع عابد مو معك
الأم:عايشه أهدي يمه
عايشه:أعوذ بالله عابد أتفقنا العرس بعد 4شهور
عابد:أبوي وأمي يقولون كذا أحسن
أسيل:وليه وأنت ماعندك شخصيه تقرر وتشوف شنو الأحسن
الخال(بعصبيه)أسيلوه أنطمي
أسيل:شنو يا خال أيش تغير
وسميه:الولد كبر ولازم يعرس
أم أسيل:ما فيه فرق بين شهر و4شهور ننتظر
الخال(بحزم)لا بعد شهر
عبدالله(بعصبيه)عابد تكلم
عايشه:ليه كذا يا عابد يارب أموت وأفتك من كل هذا يا رب
نجد:لا تدعين على نفسك عساهم اللي يضايقونك
أم أسيل(بحزن)تعالي يمه خلينا ندخل الله يعين
نجود:الله على الظالم
الخال(بعصبيه)تدعين علي
أسيل:ليه أنت الظالم حشى لله
أسيل:أسمع يا خال أمي وخواتي داخل هذا أنا وأنت ومرتك وجدي وهذا ولدك عابد وعبدالله أخوي بتكلم وأشهدوا على كلامي له
الخال(بإستهزاء)خير يا بنت عبدالوهاب
أسيل:قلتها بنت أبوي عبدالوهاب أنت عارف من أبوي ومن عمامي والله بدقه يكونون هنا
الخال(بتعجب)تعرفين فين هو وأنه ما مات
أسيل:إيه عرفت صدفه قبل شهر
الجد:شفتيه
أسيل:لاء بس قريب
وسميه:يهب كيف عرفتي
أسيل(تأشر على خالها)من هذا
الخال:مني كيف
أسيل:لما تبي تسرق أسرق على حجمك
وسميه:وجع تقولين لخالك يسرق
الخال(عصب ووقف يبي يضربها) يا حيوانه
الجد(بعصبيه) حدك يا خلف
الخال:ما تسمع شنو تقول ما تحترمني
أسيل:أهدى يا خال أهدى
عبدالله:أسيل يعني أبوك مو ميت
أسيل:لاء عايش
الجد(يطالع ولده)ليه قلتو لنا أنه مات بحادث ليه
الخال(يبرر)لأن اللي سواه وسوه في أختي قوي شلون ترجع له ما نرضى على كرامتنا
أسيل:كذب أنت وخالي متعب رفضتو رجوعه لنا أكيد بس بعرف كيف ما اصر يأخذنا منكم
أم أسيل(بحزن) أنا بقولك
أسيل(تلف متفاجئه)عارفه أن أبوي حي
أم أسيل:إيه عارفه بس أنتي كيف عرفتي
أسيل:أنا أشتغل بمستشفى عمي محسن مع ترفه وفي يوم جانا رجال لفت نظري حسيت براحه لوجه ولما شفت ورقه التحليل لسكري عرفت أنه أبوي واستفسرت من الممرضات وأكدا ليه أنه عبدالوهاب محسن ال.....
الجد:زهره أنتي عارفه ولا قلتي ليه وأنا أبوك
أم أسيل(تدمع عيونها) يبه سامحني متعب وخلف هددوني أني إذا فكرت أرجع له راح يزوجوني غيره وبناتي أبوهن يأخذهن مني سكت مو رغبه مني غصب عني أبيه وأبي بناتي
الخال(يبرر)إحنا سوينا كذا عشان التهمه اللي أتهموك فيها
أم أسيل(بعصبيه)لا يا أخوي دام أنكشف كل شئ و عبدالوهاب عرف الحقيقه أني شريفه و عفيفه وأن أخته ومرته السبب وكان بيكلم أبوي
أسيل(بدموع على خدها)بيرجعك يمه
أم أسيل:إيه يمه بس طمع خوالك رفضوا وقالوا أن ولد خالتي سطام تزوجني وأنتقلت معه ومع بناتي للدمام ولأنه طيب وحنون ما حب يحرمني من بناتي وياخذهن وطلبوا منه يصرف على البنات وكان يدخل مبلغ ضخم بحساب خلف كل شهر ولكن أخواني وطمعهم كانوا يتقاسمون المبلغ بيناتهم
الخال(مصدوم من اللي يسمع) كيف عرفتي
أم أسيل: ياخوي ربك اللي كشفكم على حقيقتكم سمعتك من 10أيام تكلم متعب بالشرقيه تقوله بكره عبدالوهاب بيدخل المبلغ بحسابي تبي أسحبهن لك أو أحولهن لحسابك
وسميه(تلف لخلف) دوم أنت كذا تخرب كل شئ
عبدالله(انصدم من اللي سمع معقوله امه وابوه) حتى أنتي يمه مشتركه معهم
الجد:ماشاء الله طابخينها سوا
وسميه(بأرتباك) لا لا لا ما أعرف
الجد(عصب ورفع عصاه) قم قم أطلع من مزرعتي قم وخذ معك ذي السوسه وذا اللي بلا شخصيه يله
الخال: يبه أسمع
الجد(زادت عصبيته) أأأأأأطلعو
الخال(بعصبيه وقف) قومي نادي بناتك
أسيل(تصيح وحطت وجها بين أديها) الله لا يسامحكم الله لا يسامحكم
وسميه( رجعت لهم ومعها أمل) يله خلنا نمشي
الخال: وترفه
وسميه: تبي تجلس خلها تولي
الجد(بعصبيه) عساكم تولون أنتو يله
عبدالله: جدي هد الله يخليك لنا
أم أسيل: يايبه خلاص مضى 18سنه
الجد: 18سنه يغشون ويخدعون عبدالوهاب 18سنه والنفقة اللي ملككم
أم أسيل: أنا وبناتي مانبيها مو محتاجين لها
الجد: حرام يابنتي أول مانعرف بس ألحين لا هذا نصب
عبدالله: جدي صادق هذا نصب لازم يعرف ويوقف التحويل
أم أسيل: يبه كيف نوصل له
أسيل(بعد صمت) أناعندي رقم بس رقم الدكتوره روابي
أم أسيل: روابي من تقصدين لا تكون بنت أمينه
أسيل: أيه بنت عمتي أمينه
عبدالله: أنتي تشتغلين في مستشفى عمك محسن كيف ماأكتشفك أنك بنت أخوه أقصد الكارنيه(بطاقة العمل)
أسيل:دوم أخبيها خفت إذا عرفونا ياخذونا
الجد:مو لهذي الدرجه وأنا جدك
أسيل:جدي خفت بعد يعتقدون ان نبي فلوس
عبدالله:أسيل حججك مو مقنعه
أسيل:مو عارفه ليه أتجنبهم
أسيل(في نفسها)خايفه بدايه أرتباطي فأهل أبوي نهايه لأرتبطي بمازن دوم البنت عندنا مظلومه ياولد عمها ياولد خالها إذا جاء مازن و قرر يخطب ويرتبط ذيك الحزه أرجع كل شئ ماباقي شئ على رجوعه أنتظر
أم أسيل:أسيل أسيل علامك سرحانه
أسيل:هاه هلا
الجد:دقي وأنا أبوك عليه قولي له حرام يقط فلوسه كذا على متعب وخلف
أسيل:أروح أجيب جوالي بس ما كنه الوقت حزت غدا
الجد:ليه الناس يصلون قبل الغدا والصلاة توها
أم أسيل:إذا ما تقدرين أنا أكلمه
أسيل:لا أقدر خلاص بروح أجيبه بس ما نقوله أحنا وين زين
الجد:ليه ما تبين تشوفينه
أسيل:خلاص جدي بعدين أكلمه
أم أسيل:لا يمه ماراح نقول أحنا وين
أسيل(تبتسم) زين ثواني بس
*********
الشباب يلعبون بلاستيشن
أحمد:حده حده
فراس:أحمد أكسر عليه الطريق لا يسبقك
حمد:ياأبو عبدالوهاب لا يسبقونا
فهد:أنا أنحولت أي سياره لي
الكل:ههه ههه
حمد:الزرقا الزرقا الحمد لله والشكر ليه أخذتك بفريقي
جراح:قلتلك ألعب بداله تستاهل
روابي(جت تركض لهم أخذ نفس) ح..ح..ح..حمد
حمد(يوقف)روابي أيش فيك
روابي(تأشر على الجوال) خالي عبدالوهاب وين
حمد:في بيت الشعر علامك على الجوال
فهد:علامك روابي من اللي داق
روابي(تأشر لهم)بعدين بعدين
راحت روابي لبيت الشعر
فراس:علامها هذي
أحمد:تاشر على جوالها الظاهر مكالمه مهمه
فهد:خلونا نروح لهم
الشباب:بسرعه
روابي(تعطي الجوال لخالها)خالي كلم
عبدالوهاب:من
محسن:روابي من اللي متصل
روابي(تبتسم)كلم خالي وتعرف
عبدالوهاب: ألو
أسيل(بتردد) ألو
عبدالوهاب: روابي هذا صوت بنت
فهد: روابي تخلين أبوي يغازل
حمد(يدعي العصبيه) ليه روابي ليه كان عطيتيها أخوك حمد يكلمها
فراس:لازم الشياب لازم شنو فيهم الشباب كاهم حلوين ليه تخربين أبوي
أحمد: صادق علامهم الشباب
روابي(عصبت وبصوت عالي) بس( سكتت الشباب وأخذت الجوال من خالها) ألو
أسيل: هلا روابي
روابي(تطالع خالها وتبتسم) معاك خالي عبدالوهاب خذ خالي
عبدالوهاب: روابي علامك مو صاحيه
روابي:خالي خذ يله خذ
عبدالوهاب(بعصبيه) نشوف اخرتها..... ألو
أسيل(بلعت ريقها صوته معصب) يبه
عبدالوهاب(تفاجئ) يبه
الكل( بصدمه) يبه
أسيل(تحاول تتغلب على دموعها) أأأأأأأنا أسيل بنتك بنت زهره
عبدالوهاب:..............
محسن(يقرب من أخوه بخوف باين مصدوم) بسم الله عليك عبدالوهاب عبدالوهاب علامك
فهد( عصب ولف لروابي) روابي أيش سويتي بأبوي ومن ذي
روابي( بخوف) م........م...... ما سويت شئ
عبدالوهاب(بعيون دامعه) أسيل
*****************
أنتهى البارت
*مكالمة أسيل لوالدها ماذا ستترتب عليها
*هل سيكتشف حمد أن أسيل الفارسة هي أسيل بنت عمه
*هل سيتم زواج عابد وعايشه ولا ستختلف الخطط بظهور الوالد لحياتهم
*شنو سالفة حمد وفراس مع زواج المسيار وهل سينكشف سرهم وتتحول لزواج شرعي
*علاقة أسيل بمازن هل ستستمر أم تنتهي

معقوله يعني نزلت خمس بارتات ولاوحده ردت على....اجل الروايه مو عاجبتكم ....ابي رد واحد على الاقل عشان يحمسني اكمل ...
جاري الأنتظار

أهلين الصراحه انا مانويت اكمل تنزل الروايه .. لاني ماشفت اي رد يشجع اني اكمل...بس انا مو من طبعي اني إذا بديت شئ مأكمله.. عشان كذا راح أكمل .. واتمنى من جد احد يحمسني اكمل..