والله رجيم ابداع وصفة جابر القحطاني

السلام عليكم ورحمة الله وبركاته...
مرحبا ياحلوات هذا اول موضوع لي واتمنى اكون وفقت في كتابته بالقسم المناسب
اذا كان هذا مو مكانه ارجوا من اي مشرفة تنقله بالقسم المناسب...
ام
ماراح اطول انا باقول ع طول والله والله يابنات انه نزل وزني 3 كيلو ونصف في اسبوع وانا اكل اللي ابي
يعني بصراحه ما افطر لاني اسهر طول الليل مع بنتي توي والد قبل شهرين فبنتي تسهرني وانام بعد الفجر
بس اكل وجبة الغداء والعشاء واذا فيه حلى بعد المغرب والله ما اوفره طبعا انا مو دبا بس بعد الولاده
سمنانه وابي ارجع لوزني الطبيعي جربت هالرجيم اللي زوجي يحكي لي عنه سمع جابر القحطاني يقول
هالوصفه في محاضره هو حضرها شخصياوطلب مني ابداء اصلحه له
قلت اجرب معاه تعرفون بعد الولاده لسه بطني مارجع زي قبل يعني فيه كريشه وانا سمنت مع الحمل
المهم جربت الوصفه نزلت3كيلو ونصف في7 ايام وربي يشهد علي وانا اكل مامنعت نفسي من شيء بس ما
اكل حتى اشبع لا اكل اللي يسد جوعي اكيدو طفشتوا صح راح اقولكم على الوصفه
هذي الكميه لشخصين...
اخذ ليمونه وابشر قشرتها الخارجيه يعني اللي يهمنا القشره اللي برى
واحطه في قدر مع كاسين مويه واخليه تغلي شوي اما بقية اليمونه اشيلها لسلطه او اي شيء اهم
شيء لاترمينها هذي نعمه
وخذي حزمة بقدونس اعصريها حتى تجي لشخص الواحد مقدار فنجان قهوه اما الليمون يجيء مقدار كأس
وبعدها كل صباح ع الريق اشربي البقدونس(مقدار فنجان قهوه) وكأس الليمون
ام ترى طعمها مو حلو وبتحوم كبدك شوي بس راح تتعودين عليه ولما تشوفين الفرق
بتشربين وانتي ساكته والله يابنات كان عندي بنطلون قبل الحمل كان تمام علي وبعد الولاده مستحيل
ينقفل وبعد هالرجيم باسبوع والله انه صار وسيع
واللي تجرب تقول لي وش صار معاها
ياليت اللي تدخل لاتخرج كذا اقل شيء تدعي لي دعوه وحده تكفيني