واو قصه مره تقهر ادخلوا بسرعه بسرعه

1. أنا عندي قصه خطيره وفي نفس الوقت تقهر لأنه بالفعل تحزنا سمعوا القصه

أنا عندي قصه خطيره وفي نفس الوقت تقهر لأنه بالفعل تحزنا سمعوا القصه

في بنت من قريه محافظه جدا جدا جدا وبدويه بالحيل ( يازين الأصاله)المهم البنت ايضا ما شا الله عليها متربيه زين وملتزمه في كلامها وفي حجابها المتكامل اللي يوم تمشي ما يبين منها شي وحافظه القرآن كامل وياحظ من ياخذها اسمها الله يسلمكم ساره..ساره من البنات الطموحات جدا في الدراسه وفي كل شي بس للأسف طموحاتها عند أهلها مستحيل تتحقق تدرون ليش ..؟لأنه عندهم البنت مالها الا بيتها وولد عمها (عايض)
المهم يوم خذت الإبتدائيه قالولها خلاص لين هنا يكفي وش تبين من الدراسه البنت عصبت وحاولت تفهم هم انها تبي على الأقل تا خذ المتوسط ويالله لين وافقوا وما شا الله عليها خذت المتوسط وبذكائها خلتهم يوافقون على انها تاخذ الثانويه وخذتها بامتياز ومن الأوائل بعد .....وبعدين اهلها حددوا مع عايض يوم الزواج وفي يومها كانت ساره تفكر كيف تقنعهم انها تيب تكمل الجامعه وجالسه المسكينه تفكر وماتدري شنو اللي قاعد يصير وراها المهم كانت ساره في جالسه تقرا القرآن في الغرفه...
وتجي امها وتقولها ترى الأسبوع الجاي زواجك على عايض وكان هالخبر بالنسبه لساره فاجعه قعدت ساره تصيح وتبكي وما خلت شي الا وكسرته(يمه مابيه تكفين انا بنتكم الوحيده وشلون تسوون فيه كذا ترموني على واحد عديم الأخلاق وقليل الدين يمه تكفين ) ويجي ابوها على صوت الصياح (وشفيتس ليه الصياح انا حددت مع الرجال موعد ومستحيل ارجع في كلمتي)وساره يبه حرام عليك انا بنتك الوحيد ومن هالكلام )قال بنتي الوحيده على عيني وراسي نسيتي اللي سويته معك وخليتك تكملين دراستك )ونسيت اقولكم ان ساره لها معزه ومكانه كبيره جدا في قلب ابوها وامها لأنها وحيدتهم المهم قالت ساره تبوني اوافق عليه بس على شرط وقولو تم طبعا ابوها اكيد بوافق على الشرط عشان مايتفشل قدام الريجيل وقال شنو يابنيتي قالت قولوله انها بتزوجك بس لين تاخذ الجامعه قال ابوها نعم وش كان اتفاقنا طلعه برى القريه لا والف لا ...ساره كانت في غاية الذكاء عارفه ان عايض لو درى بهالخبر ماراح يتزوجها ..المهم راح ابوها وقال لعايض رد ساره طبعا عايض كان رده (الله يستر علينا وعليكم ياكثر البنات في هالقريه روحوا دورو من بيرضى ياخذ بنت تطلع برى ديرتها وتدرس في المدينه )وكان عايض يقول في نفسه ياحسافه تروح علي ساره وجمالها اللي كل اهل القريه يتكلمون فيه..)وبعدين ماكان بيد اهلها حيله غير انهم يخلونها تكمل دراستها في الجامعه ...بس كان ابوها وامها يقولون وشلون بنسكن لو رحنا المدينة وانت عارفه ظروفنا يادوب ....قالت ساره ان الجامعه فيها سكن للي مانهم ساكنين في نفس المدينه وانهم يوفرولهم كل شي من اكل ومسكن وغيره... المهم مع بداية العام راح ابوها يوصلها وامها في بحر من البكاء وابوها وهو في طريقه يوصيها على نفسها وامها يابنيتي كلي زين وتلحفي لا جيتي تنامي ومن هالأمور المهم كان اليوم اول يوم تداوم ساره فيه وهي مستغربه من البنات ولبسهم وشياكتهم وطريقة تعاملهم مع بعض كان هذا الشي بالنسبه لساره عالم ثاني ساره بطبيعتها خجوله جدا قعدت اسبوع كامل ماتعلرفت على احد عقبها بأسبوع اخر تعرفت على وحده وياليتها ماتعرفت عليها كانت هذي البنت نت ادشر البنات في الجامعه كانت سمعتها سيئه جدا حقت مكالمات شباب وحقت صياعه ....مسكينه يا ساره الله يخلف عليك ...قالتلها من معايه ..؟قالت انا اسمي نور قسمي عربي ومستوى رابع...وانت..؟انا اسمس ساره وقسمي عربي ومستوى اول ....تشرفنا...
المهم بعد مرور الأيام كانت ام ساره كل يوم تتصل عليها وتتطمن ....وفي يوم من الأيام قالت ساره لنور ليش حجابك كذا ولبسك ومن هالنصايح ...صاحت نور في وجه ساره وقالت انتي لا تتدخلين فيني شوفي نفسك ولبسك القروي وشكلك ..وعبايتك وانت طالعه خرعتي البساس منك يحسبونك جني وتحطيم على كيف كيفك...انا احسن منك انا عايشه مو مثلك كاتمه على نفسك .......
ساره تحطمت مره وجالسه مع نفسها وطبعا الشيطان له دور ونور بعد وافكارها الشيطانيه جالسه تقنع ساره انها تترك العبايه على الراس وتلبس كتف .....ساره كانت ترفض وبشده بس مع مرور الأيام تغير ساره نهائيا تركت العبايه على الراس ولبست الكتف شوي شوي الأغاني ِوبعدها صارت تهرب من المحاضرات وتدنى مستواها (من عاشر قوم اربعين يوما صار منهم )يوم شافت نور النجاح اللي بذلته في نظرها قالت ليه ما اسحب ساره معاي واخليها تكلم شباب..قالت هالكلام لساره وكان ردها لا لين هنا وبس انت ضيعتيني ..
اتفقت نور مع واحد من شلة الشباب اللي تعرفهم انها بتقول لساره ان هالولد ازعجني..وابيك تنصحينه ...وراحت وقالت لساره نفس الكلام وساره على نياتها خذت الجوال وجالسه تنصح فيه..مع مرور الأيام ساره حست بميل قلبي نحو هالشاب وهو الذيب يتصل عليها كل يوم وينعم صوته ويتغزل فيها بعد مرور شهر طاحت ساره في حبه وهو الحيوان راح واشترالها جوال على أساس انه ياخذ راحته معها ...مره طلب منها صوره لها هي قالت لا وشلون حرام تشوفني ومن هالكلام قلها انت تؤمنين بالنظره الشرعيه قالت ساره اكيد هذا امر محتوم...قال خلاص انا ابي اشوفك نظره شرعيه لأني ناوي ازوجك ....طارت ساره من الفرحه وقالت تتزوجني ..؟!قال اكيد اصلا انت فتاة احلامي ,,,وضحك على هالمسكينه ...وهي طبعا صدقته ...وقالت بس ما عندي صوره قال مو مشكله اشوفك على الطبيعه .......قالت ها وشلون قال اخذك يوم في مكان هادي واشوفك ..قالت لا مستحيا انا وياك لحالنا ما اقدر ...قال انا ناوي على زواج ومستحيل اضر زوجتي ....قالت ساره أفكر...وكل يوم والثاني يستنى رد............. لين وافقت وفعلا خذها معاه وشافها وهو الأخ انبهر في جمال ساره ويوم بعد يوم كثرت خرجات ساره لين ماصارو يتقابلون في ***(شقق)***
يوم ماكانت ساره جالسه مع هالذيب قال لها عن اذنك بجيب لك شي بارد تشربينه ...وراح وحط لها في العصير حبوب منومه ونوم ساره وضيع شرفها ....وكانت بالنسبه لساره الهلاك لا محاله وصار ت تبكي وتذكره بالله قال ليه الخوف وانا بصير زوجك ...هدت ساره شوي ويوم بعد يوم وهو ياخذ ساره لشقه ...بعدين حملت ساره ....وضاعت وضيعت شرفها وراحت تتصل على حبيبها الخاين وقالت انا حامل يالله روح اخطبني لي متى قال لها انت مجنونه وشلون أرضى انك تكونين ام عيالي ..........زبكت ساره وانهارت وتذكرت الله وامهاوابوها واهلها وديرتها والعار اللي سوته...............راحت ساره تهاوش نور وتقولها انت السبب الله لا يبارك فيك ضيعتيني الله يضيعك قالت نور انا اصلا ضايعه وكنت انقهر يوم اشوفك محتشمه ومحافظه قلت لازم اهد مستقبلك عشان تصيرين مثلي .ساره (حصبي الله ونعم الوكيل)
راحت ساره لديرتها بالعار اللي حاملته ................
وهي ماتدري وش تسوي وهي تقول(هذي اللي تبي تكمل دراستها هذي اللي تبي ترفع راس اهلها انا رجعت ومنزله راس ابوي الأرض ياليتني خذيت عايض ياليت)
وصلت ساره القريه وقربت من بيت اهلها ...........
شوي شوي طقت الباب................
طق ...طق ...............
امها مين................
يوم فتحت الباب ............قالت ميو ميو ميو
وقالت الأم...مميو ميو ميو
ههه اتمنى تكون القصه اعجبتكم
ولا تزعلون مني حبيتها تكون فكاهيه وفي نفس الوقت عضه وعبره
ان شا الله ما طولت عليكم...