وتمضي الايام في ذكريات صلاله جميع انواع الاستهتار والضحك دخلو وقروها ماراح تندمو

السلام عليكم
اخباركم بنات اريد احكيلكم حكايتي بعد عشرة دام 17 سنة
دخلنا الابتدائي مع بعض وتخرجنا من الثانوية معا بعض ودخلنا الجامعة ((السلطان قابوس)) تخصص واحد
وكنا ايد وحدة
تقاسمنا الاحزان والافراح
تشاركنى البسمة
ومسحنى الدمعة
والله لايمكن انسى احلا ايام عمري
انا نمار بنت وحيدة مابين 4 اخواني
اعرفكم على صدقاتي
(( حلا – ريناد- هاجر- لبنى- دانه ))
احلى شله في الكون
حلا:-بنت 17 سنة بنت شعرها بني عيونها عسلية ((مدري طالعة ع مين))
بيضة جسمها حلو معتدل
اما صفاتها حصلت ع جائزة اوسكار في الدحاسة بس طيوبة الدحاسه
قلبها كبير و مسمينها الشله ((وسواس الخناس))
دانة: عمرها 16 سنة شعرها طويل لونة اسود عيونها سود بيضة تلبس نظارات دبدوبة
تموت ع الالكترونيات وتموت ع القصص و تجذب الواحد بسوالفها
صح انها سمينة بس حلوة
ريناد :16 اخت حلا الصغرا تموت ع الاناقة شعرها اسود وعيونها سود
((باختصار ملكة جمال المدرسة))
واهي صديقة المقربة للبنى
واهي اجمل صوت في الشله
نمار :16سنة بنت ملعلعة ((ملسونة)) تموت ع الروايات وعاد شباصتها تقول مطب
كل يوم شكل
واكتشوف اني
سي ان ان
باختصار قناه الجزيرة
شعرها اسود كثيف عيونها سود وتتميز بغمازتها
لبنى : 16سنة غفل الشلة وتموت ع الكحل الاسود والماسكرا
حنطاوية البشرة حواجبها مرسومة رسم ((مايحتاج تعديل))
شعرها اسود كاريه وتتميز بغمازاتها اهي ونمار
جذابة
هاجر:17سنة وصفاتها عمود كهرباء ((يعني طويلة))
وتموت في القيل والقال تقولون حبوبة((جدة))
طويلة رشيقة شعرها أسود طويل وعيونها كبار وسود
تبدا القصة
&&البارت الاول&&
وين ايامنا وين ...
وين قضيناها ..
راحت في غمضة عين ...
يا ما احلا ذكراها ...
ابكي على الاحباب ...
دمعي على الخدين
والله يا اصحاب ...
ايامكو ما انساها ...
نمار تدخل الصف: السلام عليكوم كيفكوم .
من كثرة الحماس دعمت الطاولة تقول اكس فايف
هاجر: اصبحنى واصبحى الملك لله.
نمار: مادريتي خالي عبدالله.................
قاطعتها هاجر: جيت نمار قصة..
نمار:انزين احسن منش انتي ام الخبار .
(ترن ........ترن)
دخلت استاذة الرياضيات ام خماس :يالله يابنات طابوور.
شافتني اتعطر بعطر شانيل
ام خماس: الله ايده يانمار.
نمار: استاذة عطر.
ام خماس: اديني شوية اتعطر.
عطيتها العطر واني بتأفف عاد احنى المفروض مانحشم الاستاذة
خلصت العطر كله ...والعطر جديد امس اشتريته.
بعد ماخرجت ام خماس
نمار لهاجر:ذكريني اقول لخالتي تشتريلي عطر جديد.
خرجنا للطابور كنا الوحيدات من الصف تقولون مصريات
في الجهه الثانية عند المتاخرين عن الدوام
((حصلت ع المرتية الاوله حلا وريناد في التاخير عن الطابور وقدمت مديرة المدرسة
امام 500 طالبه ورقة استدعاء ولي امر
والمرتبة الثانية لبنى
والمرتبة الثالثة دانة وحصلت ع انذار))
لبنى :الله بالمعونة...اخر شي المديرة بتشوتنا برع المدرسة من التاخير
دانة: يش يش قفي.
حلا: عادي اذا طرداتنا ...هي الى طبقة بخلي اوبي يرجعنا.
لبنى: تكلمي عن نفسش...اني اوبي بايمسكني من شعاري ويسوي فيني شوارع.
دانة:انزين قسم بالله بيخرجني هيثم من شعاري للبيت.
دخلت اوباما مدرسة العلوم: يالله بسرعة كتبن اساميكن
ع ورقة وعطينها المديرة.
ودخلت غرفة المعلمات
ريناد: الله يشلها ما كفاية الاستدعاء اللي عطونا اياه
وعادو اسامينا عند المديرة
حلا: عاشوا عاشوا رحنا فيها
خلص الطابور الصباحي ودخلت كل الطالبات للصفوف
نمار: ها معد باقول ع البوض اللي فيني حتى يوقفونا في الشمس
اقتلبت عبدة
دانة :الحمدالله عرفتي نفسش
عطاتها نمارة نظرة
دخلت بنت من الصف( (دافورة)) :شت الاستاذة غايبة.
الكل:عاشوا...يس...خلينا نتمشي.
نمار: طبلة يالله طبلة.>> مستطربه من صباح الله خير
لبنى تطبل ع الطاولة: عاشوا عاشوا >> ماصدقت البنت
يالله 1 2 3
طاير من الفرحة طاير
وبد التلعلاع في القيل والقال .
هاجر : تعرفوا بنت انخطبت عندنا ............
نمار : قريتوا قصه (............) يالله بصراحه جنان
دانه : يعني تقوليلي اقريها
حلا: جننتينا الله يجننبكين ... عادكني ماتغيرتين
دانه : يش عطيها الذن السقعه
نمار : والله صدقش
حلا : يك يك
نمار : دندونه جبتي تيلفونش
دانه : ولا كيف ...... اعجبش
حلا : سمعتي الغنيه الجديده مال احلام العنب >> اوف والله لا قديمه
نمار : لالا
دانه : ايوه سمعتها اصلن الالبوم كله روعه
حلا : والله صدقش
نمار : وع .... ميامي وبس
دانه : من كثر ماتحطينه في السياره سايقنا حفظه (( لعلمكم اضطر لبعض الاحيان اروح مع دانه))
نمار : يالله اني رايحه عند اوباما
حلا : ليش
نمار : الامتحان قريب واريد اوراق مراجعه
دانه : يالمصريه جلسي
نمار : والله خواني يقتلوني اذا ماجبت درجه زينه >> مش عشان شي البنت مسكينه خايفه
دانه : خبي الورقه
نمار : هاهاهاها ...... نسيتي عندي اف بي أي يدورون في الغرفه كلها
حلا : الله يساعدش
لبنى لريناد : خلينا نتمشى
ريناد : ايوه صح نسيت اخبركم
الكل : أيش ؟؟؟
ريناد : دريتن بملكه جمال المدرسه
هاجر : متى طلعت هذي
ريناد : امس بنات الثانويه يقربن للبنت يريدون يشهرينها
ههه
نمار : خلينا نشوفها >> والله لا لجفه
(( دق الجلس الحصه الثانيه ))
لبنى : علينا عربي عطيها شرده
ريناد : اكره حصه العربي
حلا : اوف وعادو نحو
دانه : ونصوص
نمار: ولا حفظ
صرخت هاجر : اليوم تسميع
صرخن : الشرده
(( خرجنا متوجهات للطابق العلوي نهرب من الحصه))
هاجر: خلينا نرجع (( ع فكره هاجر اكبر خوافه ))
نمار : رجعي لوحدش
حلا : يمه والله صدقها خلينا نرجع >> انزين ليش تخرجين اذا بترجعين ؟؟
لبنى : يك يك والله ما رجع
نمار : اقول لا تزعجينا
هاجر : حلا خلينا نرجع
حلا: يالله
ريناد : ختي مصريه
لبنى :والثانية تونسية
نمار:شوفن كراسي خلينا نجلس.
لبنى: ان غبت عني حن جلبي وتشراء
نمار ودانة: وان جيتني جلبي حفظ كل تجدير
لبنى ورناد ونمار ودانة:لاشك في بعدك تغيب
المسررة ياسيدي ياسيد كل الغنادير
وقفت من الكرسي وجلست ارسم ع الجدار واكتب ارقام
ريناد: ايش بتسوين
نمار:بكتب رقم تيلفون.
البنات:أيش
دانة:رقم مين.
نمار:معرف.>> استعبطي
لبنى: الله يساعد صاحب الرقم.>> مسكين راحماته
نمار:ي كون له الشرف ....عادو مايحتاج يعذب نفسه
البنات بايجينه بالجاهز>> مسكين ..واذا كان ملتزم ؟؟
دانة: والله صدقش.
لبنى:لحقو لحقو المديرة.
البنات: وين
لبنى: في حمر عين ههه>> والله فاضيه
دانة: يطلع الله بنفسش.>> امين
نمار:يشتل نعشش....قولي امين.
دانة:امين.
لبنى:ها ماعد باقول تعاونتين عليي.
دخلن حلا وهاجر للصف
بلشر استاذة العربي سمينها بلشر لانها تخلص
حمرة الحدود كله في وجهها
بلشر:وين البقية.
حلا:عند الاستاذة.>> استغفر الله حرام الكذب
بلشر:روحي ناديهن.
حلا:انزين.
خرجت حلا وراحت تدور علينا وقفت في وجه المديرة
حلا في نفسها:الله بنعلكن من بنات
يجي اليوم يارب اسمع فية انكن ميتات.>> حاقده من قلب
المديرة:وين رايحة.
حلا تصرط بزاقها :اجاب اغراض الاستاذة.>> محترفه في الكذب
المديرة:اها...>> مسكينه ع وجهها صدقت
راحت وخلاتها
حلا:اوف
دورت علينا
وشافتنا جالسات نغني
حلا تصرخ :يا كلبات الله ينعلكن
لبنى:اعصابش لا تموتين.
جلست حلا وشلت غرشة( دبة) ماي من عند ريناد
وبعدها جلست تشرب و رجعته
ريناد: وع
حلا:ماحد غيرش وع.
ريناد:اني ماأحب احد يشرب من
غرشتي.
حلا:اني ختيش.
ريناد:حتى ولو.
دانة:سكتي منها.
ريناد:تشب تشب اني اكلم ختي.
دانة: سكتي لاتخليني اقحم فوقش.
لبنى :عشان تفهاط
نمار:ههه
حلا:ياليكن الاستاذة بلشر تريدكن.
دانة:ايش تريد
حلا:تسلم عليش
دانة: مستغنين عن تسلومتها((بوسة)) مانريدها.
حلا:وتريد تقوليش سلمي ع امش.
دانة:يوصل موش لازم انزل.
((ترن........ترن))
حلا:يمامي رحنى فيها.
ريناد:اني باسالش انتي ختي.
حلا:لا بنت الجيران.
لبنى:الصراحة حرام هذي اللسان الطويل
في هذي الشكل.
حطت حلا ايدها ع خصرها:ايش قصدش.
لبنى:ماقصدي شي.
حلا:ع بالي.
لبنى:روحي من وجهي لا شوتش.
دانة:اني رايحة المقصف.
ريناد:عادو مادق الجرس.
دانة: والله لاحجرت جرس الفسجة.
نمار:والله جيعانة...ماتفطرت.
لبنى:ليش ماتفطرتي.
نمار:قمت لبست و شربت حليب وكوكاو
وخرجت لخالد.
دانة:من وين توكل من شغالتهم
السيحرة.
نمار:ارجوش مسوية لنا رعب اني
وخواني.
ريناد:مع ان خوانيش كبار.
نمار:هم كبار بس عقلهم عقل اطفال
عمرش شفتي واحد عمره 23 سنة ينطنط فوق الكرفاية.
((ينطنط معناه يقفز))
البنات:ههه
نمار تهز راسها:طفولة متأخرة.
دانة:خلينا ننزل.
ولما وصلنا المقصف كان مرة زحمة وجميع
انواع البكس وشد الشعر داخل المقصف
البنت المعدلة المتكشخة تخرج
شعرها منفوش والكحل واخترب الماسكرا وبعدها
تروح الحمام وتعدل نفسها((من حقها))
نمار:اوف كيف زحمة.
حلا:هذي ايش.
لبنى: مجاعة الصومال,
ريناد:الحرب العالمية بدت.
حلا لنمار:نمورة اشتريلي.
نمار تتحالي فيها بنص عين: بكس
ع وجهش.>> ماعنها حل وسط
حلا:دانة ارجوش.
دانة:..........
حلا:دانة
دانة:.........
صرخت: دانة
دانة: حاد ناداني.
حلا:اشتريلي.
دانة:الصبح.
حلا: اوف...جيعانة.
نمار:مش وحدش.
لبنى:مسكين من ظرب الاستاذة
الكل:ليش
لبنى:تحالوا تكلم صاحبة المقصف
عشان تسكر المقصف.
دانة:يشتل نعشش.
نمار:يجيلش جلطة يارب
ريناد:يطلع الله بنفسش.
حلا:خلينا نروح للصف وبعدين
نشتري.
البنات:اوكي.
&&البارت الثاني&&
لا ياليت ان الزمن يرجع ورى ولا الليالي تدور
… ويرجع وقتنا الأول وننعم في بساطتنا
زمان اول احس انه زمانًًًًٍٍ فيه صدق شعور
… نحب ونخلص النيه وتجمعنا محبتنا
زمن ما فيه لا غيبه ولا حتى نفاق وزور
… ياليته بس لو يرجع ونسترجع طفولتنا
((دخلنا للصف))
هاجر:حلا واريش تأخرتي
حلا:مسكاتني المديرة الله يشلها
هاجر:انزين استاذة بلشر كتبت اساميكن
وعطاته المديرة
البنات:اوف
ريناد:نحن ناقصين عشان تودي اسماينا
لبنى:عطبنا
عند المديرة
بعد 5 دقايق
دخلت بنت :بنات المديرة تريد
نمار وحلا وريناد ودانة
ولبنى
نمار:عطبنا
دانة :خلينا نروح احسن لنا
روحنا ودخلنا عند المديرة
المديرة :انتن نمار وحلا وريناد ولبنى ودانة
البنات:ايوة
المديرة:ممكن اعرف سبب عدم حضوركن الحصة.
الينات:......................
المديرة:تكلمن
نمار تفلسف:الصراحة تعبنى كل يوم دراسة ونريد نرتاح.
((ياريتش ماتكلمتي))
داست دانة ع رجلي بقوة
نمار في نفسها:الله ينعلش ياكورة هواء
حلا:لا ماقصدها نمار كذا.
المديرة:وانتي رايحة تجابين اغراض الاستاذة ها.
حلا:انزين ماكذبت رحت انادي البنات.
المديرة:اها...تقدري تروحي.
نمار بنذالتي المعهودة:استاذة تراها تكذب
قالت لمن جيت تنادينى احسن شي ان الاستاذة
خلتني اناديكوم وجلست تشرب ماي
دانة وريناد ولبنى:صح كلامها.
حلا:استغفر الله الكذب حرام.
المديرة تكتب ع الورقة:اول شي
التاخير والثانيا عدم حظور الطابور
واخر شي التسرب من الحصص
كل وحدة تتصل في ولي امرها
نمار:استاذة هي كلها حصة الي طلعنها.
المديرة بحزم:كل وحدة تتصل في ولي امرها.
دانة:الحين.
المديرة:لا بكرة........ايوة الحين.
نمار:اوبي مسافر.
المديرة:خوش.
نمار:ماتوا
ظربتها دانة:ههه
نمار:خلاص باتصل فيه.
عطتني المديرة التيلفون
اتصلت في خالد
خالد20 سنة شعره اسود كثيف وعيونة سود
وفيه غمازات واهو في كلية التقنية
واهو المقرب لنمار
خالد:الو
نمار:الو
نمار:خالد
خالد:أيش.
نمار:انت وين.
خالد:ليش.
نمار:اجي عندك.
خالد:أيش
نمار:انت مبرمجينك ع ايش وليش.
خالد:خلصي.
نمار:تعال للمدرسة.
نمار:انت تعال.
خالد:خالي حامد يشلش
نمار:عشان ارجع البيت جثة
خالد: خلاص الحين باجي اشلش
نمار:فديت خوي
خالد : والله ماجيش بعدين
نمار: انزين ... يشلك مدفع
خالد عصب : نماار
خالد : والله تنصفعين (يعني كف)
نمار : يالله باي ..... لا تتاخر
خالد : اوكي
(( سكرت وعطيت حلا ))
حلا اتصلت في خالتها
حلا : الوو
خالتها زوجه ابوها : الوو
حلا : خاله سناء
سناء: حلا
حلا : أيوه
سناء : اشفيش اتصلتي
حلا : المديره قالت لازم ولي امري يجي المدرسه الحين
سناء : ايش سويتي
حلا تبراء نفسها : والله ماسويت شي هذيك ريناد
سناء : خلاص الحين باجي
(( سكرت وعطت التليلفون للبنى))
لبنى : اتصل في مين ؟؟
دانه : اخوش
لبنى : عشان يدفنوني
ريناد : اوبش طيب
لبنى : توكلت ع الله ...... الوو
ابو لبنى : الوو
لبنى : الو
ابو لبنى : الو
لبنى : بابا
ابو لبنى : لبنى !!!
لبنى : أيوه
ابو لبنى: انتي مش في المدرسه ؟؟!!
خافت لبنى : ايوه في المدرسه
ابو لبنى : انزين ليش اتصلتي
لبنى : المديره تريدك
ابو لبنى : ايش سويتي ؟؟
لبنى : والله ماسويت شي (في نفسها استغفر الله)
ابو لبنى : انزين الحين باجي
لبنى : مع السلامه
ابو لبنى : مع السلامه
(( سكرت وعطت دانه ))
دانه : والله يقتلوني
نمار : اتصلي في هيثم
دانه : هاهاهاها والله يعدمني
نمار : خلصي عاد
دانه : ياربي .... والله خوف ........... الوو
هيثم : الو
دانه : هيثم
هيثم : نعم
دانه : نعم الله عليك ..... احم احم ... تعال المدرسه
هيثم : ليش
دانه : المديره تريد تسلم عليك
هيثم : أيش قلتي
دانه : درتبك اني .... المديره عاقباتنا وقالت اتصلين في حد يجي
هيثم : اتصلي في اوبي يجي
دانه : هيثم خلي النذاله وتعال
هيثم : ماريد
دانه : طز فيك مو لازم تجي
((سكرت الخط في وجهه))
دانه : يجيك اسهال يارب >> وعع الله يقرفيش
البنات: يارب >> نذلات ايش بيجي منكين
المديره : وانتي اتصلي (( تكلم ريناد))
ريناد : هذي اختي (( وكانت تاشر ع حلا))
المديره : مشالله نفس الطينه
حلا : مو اصلن اختي
الديره : اش رايكن اجاب لكن كوب شاهي ...( صرخت) روحن الصف .
(فزن البنات وراحن الصف)
(( دخلنا الصف ))
هاجر : أيش صار
لبنى : لا تخافين ماحد مات
دانه : الله يشلك ياهيثم نذل ...... مدري طالع ع مين
نمار : ع اوبش ... ههه
دانه : ها ماعد باقول فيش ... اسكتي احسن لش
نمار : عطبت مع خالد بيخمس بي ويلات
دانه : نفس الطبع عسى هم من وين
البنات : صلاله
دانه : خلاص مايحتاج نتعب نفسنا
(( مرت الحصه وبعدها الفسحه وبعدها الحصه الخامسه))
دخلت اخصائيه المدرسه : مين دانه
وقفت دانه : نعم
الاخصائيه : اخوك جاء
((راحت الاخصائيه ))
دانه للبنات : صح انهم انذال بس طيبين
لبنى :شويه مش واجد طيبين
دانه: باي
البنات:باي
راحت دانه له:ياحيا
هيثم:وين المديره
دانه :انت ماتكون الا مستعجل
هيثم :دانه وبعدين معاش
دانه :خلاص ولا تعصب ...من هنا
((دخل عند المديره))
هيثم : السلام عليكم
المديره : وعليكم السلام
دانه : هذا اخوي الكبير
المديره : ابوش وين ؟؟
دانه : انتي قلتي اتصل في ولي امرش او أي احد وهذا اخوي
المديره : سكتي
هيثم : ايش سويت دانه
المديره : خلينا نجتمع مع اولاياء الامور بالاول
هيثم يكلم دانه في اذنها : والله ان دريت انش كسرتي شي او صفعتي مدرسه موتش ع ايديني
دانه : لا تخاف ماشي من هذي
هيثم : انزين ايش سويتي
دانه : تسربت من الحصه
هيثم : تسربتي يسون استدعاء ؟!
دانه : تسالني !! اسال الغورلا اللي في وجهك
هيثم : والله محد غورلا اللي انتي
دانه : شب شب
(( هيثم 20 سنه عازب شخص يحب المزاح بس في وقت الشدايد يعتمد عليه
بشرته بيضه عيونه سود كشيخ درجه اولى ))
دق ولد الباب : السلام عليكم
الكل : وعليكم السلام
الولد :انا خالد محمد اخو نمار محمد
المديره : تفضل .... الحين اناديها
(( جلس خالد بعد ماسلم ع هيثم ))
المديره : دانه روحي نادي نمار
دانه : انشالله
(( راحت دانه للصف))
دانه : نمار
نمار تاكل : خير
دانه : خالد خوش جاء
شرقت نمار بالطعميه(فلافل) : كح كح كح كح كح
ريناد تضرب ع ظهرها : هوف هوف