وربي احس بديت امل

ورده الجوووري

24-05-2022 - 05:18 am

السلام عليكم ورحمه الله وبركاته ...
فراشاتي الغاليات انا بجد ما عندي احد افضفض له واسولف له
غير ربي سبحانه
ثم انتم انا كثير كتبت لكم عن مشاكلي مع زوجي
اللي الحين صار طليقي من بعد ما تطلقت ارتحت ولله الحمد والفضل وتغيرت للافضل
بس ما دري وش فيني احس لقب مطلقه معقدني علما انه
للمره الثانيه مو الاولى او مره طلاق من غير مايدخل علي ولا طول
وهذا لا تقريبا باكمل سنه وللاسف مشاكل
وطمعان فيني
وحسبي الله على امه هي خرابه الله ينقم لي منها
المهم انا بديت امل وايأس بصراحه اشوف
كثير بنات اصغر مني واكبر مني يشكون ما تزوجوا للحين وانا اللي تزوجت وتطلقت
اجل كيف باتزوج مره ثانيه
والمشكله مادري ساعات افكر بطليقي انه فعلا كان يبيني بس امه دمرتنا الله يدمرها ياحي ياقيوم
وعشان كذا ابيك تدعوون لي وتشورون علي
اكلم خطابه او لا عشان اتزوج لاني احس امي قطعت الامل اني اتزوج
تقولي وش لك بزواج كملي دراستك وانسي شيء اسمه زواج
بجد يضيق صدري على كذا اذ جاني نصيب احسها بترفضه من غير مادري شوروا علي تكفوون
عمري الحين 26 سنه وخايفه اعنس وانا بعد مطلقه ولا عندي اطفال ولله الحمد بس ودي
بطفل اختي مشاء الله للي اصغر مني حامل .

التعليقات (9)

عطر أنثى

24-05-2022 - 08:53 am

حبيبتي أحمد ربك على الصحة والعافية
ترى في أمور ونعم حوالينا مانشوفها
وإذا لك رزق في الزواج والخلفة مافي قوة في الأرض تمنعها وتروي في الزواج الثالث
وأنت منتى كبيره في بنات في عمرك مابعد تزوجوا
الصبر حبيبتي

ورده الجوووري

24-05-2022 - 09:54 am

الله يجزاك لجنه يارب انا الحمد لله ما علي بس مادري
اشوف اللي حولي وحوالي وابي اتزوج انا ودي اني ما تطلقت والطلاق انا اللي طالبته
بس وش اسوي مابيدي حيله تعبت منه وتعقدت منه كثير
نفسي ارتاح مع انسان يفهمني وافهمه
ويحترمني واحترمه
بجد اتمنى الله يرزقني وجميع البنات اللي ما تزوجوا او تطلقوا او ترملوا

ღ.¸¸.وردة تئن.¸¸.ღ

24-05-2022 - 10:55 am

أختي مو صحيح ذا الكلام أبدا...
في بنات تطلقوا و تزوجوا لخمس مرات و أكثر بعد...
كيف تحكمين على نفسك بذا الحكم الظالم؟
في رجال كثير مطلقين حالهم نفس حالك و يرتبطون بمطلقات...
و في رجال متزوجين يتزوجون مطلقات...
وفي شباب بعد ماتزوجوا يتزوجون مطلقات...
بالذات إنك صغيرة وماعندك عيال...
صدقيني بيجيك نصيب أحلى من نصيبك كثير و تفرحين و ترتاحين...
فقط عليك الدعاء و إحسان الظن بالله و الإكثار من الاستغفار ...
صدقيني ربي يعوضك...
بس لاتنظرين هذه النظرة السوداوية أبدا...
الله يسعدك دنيا و آخرة...

ورده الجوووري

24-05-2022 - 11:56 am

الله يجبر بخاطرك ويسعدك وين ما تروحين يارب
ويوفقك
بجد انا احس امي تحطمني تخيلي تى اغراضي كلها بعد ما تطلقت يبون ياخذونها
اقولهم خلوها يمكن يجيني نصيب احسن
واخذها قالت لا تفكرين ربك فكك ارتحتي كملي دراستك وظيفتك وبس
ولو جاء اشتري غيرها احسها تحطمني اني مو مرغوب فيني او مني العيب ولا اقدر تحمل
بس الله يوفقك يارب ويسعدك دنيا واخره

شوكولاين جدة

24-05-2022 - 12:57 pm

يا سلام عليكي ، و الله انتي لازلتي شابه ماشاء الله تبارك الله وشكلك بنت ناس و الف من يتمناك
اللي اقولك هو يا حبيبتي ، انه ادرسي و كلمي خطابة و لا تخيري نفسك بينالاتنن
يعني الدراسة راح تشيلك من الفراغ و تملي وقتك و الزواج رغبتك فعادي
الله يوفقك يا رب

ورده الجوووري

24-05-2022 - 01:58 pm

الله يجزاك الجنه ويسعدك يارب ويوفقك دنيا واخره تسلمين حبيبتي
انا بجد ارتاح لكم وعشان كذا احب اسولف لكم واشاوركم
وانتم مثل خواتي واعز وربي
واثق فيكم واراكم
انا ليه متردده اني اكلمها عشان اخاف امي تسوي سالفه
دعواتكم لي ويارب يوفقك ويرزق الباقين بالازواج كلهم يارب ويجبر بخوطرهم
انا الحمد لله موظفه ياقلبي ولله الحمد وعشان كذا سبب الطلاق لانه كان يبي راتبي مني بالقوه مو بالطيب

دنتي غير

24-05-2022 - 02:59 pm

الله يوفقك ويفتح ابواب رزقك ويذهب همك ويجوزك واحد يموت على الارض الي تمشي عليها
اللهم امين
اختي انتي لسه صغيره وان شاء الله مابيخيب ضنك
عليك بالدعاء ولالستغفار ويارب ترزق كل البنات الي متجوزو والي تجوزو ترزقهم بالذريه الصالحه

ورده الجوووري

24-05-2022 - 04:00 pm

اللهم امين ويزاك الجنه يارب
ويسعدك دنيا واخره ويوفقك يارب ولكم المثل
من هالدعوت اللي تشرح الصدر
والله يتقبل منك يارب

خلود التركي

24-05-2022 - 05:01 pm

هلا فيك يالغلا
احمدي ربك تطلقتي وارتحتي من الهموم وصدقيني اللي تمرين فيه كل مطلقه او اي وحده متزوجه وتعاني من زوجها تحس فيه
احمدي ربك ان عندك وظيفه تغنيك عن الناس عن منتهم
انتي فكري بمستقبلك ووظيفتك انسي زوجك الاول لانه لو يحبك مايطلقك حتى لو انتي اللي بغيتي الطلاق
اكثري من الدعاء وخليك قويه واضحكي وانبسطي اشغلي نفسك ولاتفكرين باللي مضى فكري باللي قدام
وصدقيني اذا ربي كاتب لك رزق وزواج بتشوفينه بحياتك
انا بنت عمو تزوجت كبيره بالعمر والحين مبسوطه بزواجها وحياتها
واحنا اللي تزوجنا بدري اللهم لك الحمد على حال حياتنا مشاكل ...
واعرف وحده توفى زوجها وهي عمرها صغير عندها ولد صغير قعدت طول عمرها تربي ولدهي لما كبر وصار رجال
وبعدين جاها واحد متزوج عنده عيال بس زوجته توفت ,,,,, والحين هي مبسوطه ....
هذا شي مقدر ومكتوب لكي لاتيأسين
امك تبي مصلحتك يمكن هي من النوع الشديد بس مهما كانت هي امك اذا شفتي شي مو عاجبك ناقشيها
وعليك بقيام الليل وسورة البقره لها مفعل عجيب بعد الله سبحانه وتعالى

حكم ترديد آيات او قراءة سوره معينه لحصول امر معين←
ما خاب من استشار→