وربي قهر خلاص صممت وعزمت وشمرت بس بدون تشجيعكم

1. أمانة بنات شجعوني ي

سلام لكل دبدوبة حبحوبة ربروبة... بس واللي يرحم والديكم خلاص اتنازلوا عن هذا اللقب
تصدقوا انا من 3 سنوات في هالمنتدى،،، حبيبتي باربي السعودية لسة ذكرياتها على بالي، ياما سوينا انظمة وتحدينا بعض وهزأنا بعض بس خلاص وربي تعبت ياجماعة الين متى افضل دبدوبة خلاص خلاص مااقدر ---->احلفي..!
بقول لكم شيء، انا عمري 21 وبادرس في الجامعة وبعد شهر ونص بارجع البيت وفي خطاب منتظرين هم شافوني وخلاص بس هوا عريس الغفلة ماشافني (أنابعد ماشفته) بس اختي تقول انه حلو عاد انا قرت وصمت لمدة شهر ونص راح أسوي لنفسي نظام انشالله تطلع روحي بس حطبقه،،،، بعد الفجر باتمشى ساعة... بافطر... أروح الجامعة.. أرجع الساعة 3 ..أتغدى (طبعا باختار لي نظام تبع رجيم) وقبل الساعة 6 باتعشى لي زبادي او فواكه وبعدها باطلع اتمشى كمان ساعة... لمدة شهر ونصف ...

أمانة بنات شجعوني ي

ابقول لكم شيء، المتزوجات عاد نلاقي لهم عذر،، اتزوجوا وخلفوا يعني لما تزوجوا كانوا نحيفات بس نحن!! وربي عيب، اذا من دحين مو قادرين نسيطر بعد الزواج ايش بيصير؟؟ دايم نفسيتك محطمة، تعبانة قرفانة الدنيا والناس، لا وإذا في مناسبة عاد طامة كبرة تقعدي من شهرين تفكري ايش البس؟ انشالله لو عندك مية فستان وربي مايكون نفسك حتى تطلعي لمكان فيه ناس... خلاص ذاتس إناف((يعني انها تعرف انجليزي))
بنات.. ونسوان كمان... مو بس الشكل كمان الصحة، ترا الصحة لو راحت من ايدينا مانقدر نرجعها، يعني ايش نبغى اكثر من كدة عشان نقتنع انه لازم ننحف؟؟؟؟؟؟؟؟؟؟؟ حياتنا مالها طعم والدنيا سودا وأأأأأأقهر شيء لما تروحي السوق وتدوري على الفساتين اللي مقاسقك أأأأأأأأأأأأأأأأأأأأأأأأأأأأأأأأأأأه من القهر أكره السوق والمولات اللي في العالم كلها....
يالله طولت عليكم بس امانة قولوا لي ايش اسوي؟؟ وكل واحدة تدخل أمانة تنصح الدبدوبات وتراني في ورطة ،، لانه في عريس منتظرني أبغى اول مايشوفني ينهبل ((اكيد بينهبل على عمره لما يشوف دبة قدامه)) وادعوا ربي يتمم لي على خير ولكل البنوتات يارب...
أدري طولت عليكم وغثيتكم بس السموحة،،، أبغى تشجيعكم