وش اسوي بشعر بنتي للعيد افكاركم

السلام عليكم جميعا
شلونكم وشلون رمضان معاكم اه مابقى شي ويخلص الله يتقبل منا ويعوده علينا يارب
قولو امين
طبعا الحين الكل قاعد يجهزز لعيد وحوسته وفرفره الاسواق انا الحمد الله خلصت لي ولعيالي
بس باقي شي واحد ابيكم تساعدوني فيه
فستان بنتي احمر ساده ودخلت عليه شوز وشنطه لون ذهبي مايل للبيج
عاد باقي شعرها مدري وش احط لها لا تقولون لي طوق فيه ورده لان كل عيد اسوي لها نفس الشي
ودي اغير وخصوصا اني مطوله شعرها للعيد صحيح انه خفيف بس ميخالف علشان يطلع شكلها وحلو وشعرها بسم الله عليها ناعم مره قولو ماشاء الله مايخذ لفه ولا اقدر اسوي فيه ولا حركه
تكفوون فيدوني وش اسوي لها شريت لها شباصات فيونكات بس هم بعد مو مقتنعه مليت كل نفس الافكار
اللي عنديها فكره جديده ياليت تنقذني قبل العيد
واكون لكم شاكره من كل قلبي
وكل عام وانتو بخير وصحه وسلامه يارب