وش نسوي عشان أزواجنا مايعيبون على أجسامنا

السلام عليكم اخباركم كلكم؟؟؟ إنشاء الله مستانسين؟؟؟ أهم شي تكونوا مستانسين المهم موضوعي عن الزوج اللي يعلق أو يعيب على شي بجسم زوجته كنت أسمع كثير يقولون بنحف لان زوجي يبغاني أنحف ولا بمتن لان زوجي يبغاني امتن بطول ولا بقصر ولا بفتح بشرتي ولا بسمرها إلا خدودي إلا شفايفي و.........................................إلخ لكن المرأة ولا أعرف لماذا دائما ماتتقبل شكل زوجها بل وتراه أجمل رجل بالعالم حتى لو كان شايب وأسنانه مكسره وحالته حاله طيب الرجل اللي يقول لزوجته إنتي فيك كذا موعاجبني تتوقعون لما يقوللها مايفكر إن هالشي مو بيدها وهي ماخلقت نفسها ولا يفكر بزوجته يمكن هي حساسه وهالشي يجرحها ويخليها تقول في نفسها((أنا ماأشوف فيه أي عيب شمعنى هو!!!!!!!!!!!!!!!!!!!!! لا وبعضهم يقارنها بأمه أو خواته ومحارمه طيب ليش؟ مو الحب أعمى؟ يعني لو تحبها بجد كان انعميت عن عيوبها صُدمت من زوجي البارح لما قاللي : إيدينك ليش سمرا؟ أنا انصدمت لان زوجي عمره ما عيب علي لكن مازعلت إلا لأنه قالها وهو عاقد حواجبه لكن مابينت له عاد قلتله ان أهلي كلهم كذا بيض مررة بس أيادينا سمر يعني مو سمر سمر لكن مقارنة ببشرة الوجه والجسم وقلتله الله خلقني كذا وهالشي ماينقص فيني وبعدها سكت وبعدين قعدت أفكروبالاخير كتبت الموضوع عشان نتناقش فيه مع بعض يعني إذا كان لون شعري عاجبني وماأبي أصبغه، هل أصبغه إرضاءا له؟ وإذا كنت ماأحب أطول أظافري ، هل أطولها عشانه؟ وإذا كان ذاك اللبس مايعجبني أبدا، هل البسه ارضاءا له؟ و..و...و صح إن المراة لازم تتزين لزوجها بس بشي هي تبغاه ومقتنعه فيه ويعجب زوجها أتمنى الكل يشارك وآخر شي طلب بسيط اللي عندها شي يفتح اليدين تقول >>>>> خلاص جتها عقدة وإذا ماعندكم بلبس زوجي نظارة تخلي الأسمر أبيض أختكم noreen88