وين احصل مثل هذي الاكواب

يتــ الدهر ــيمة

16-09-2022 - 03:01 pm

السلام عليكم ورحمة الله وبركاته
كيفكم ياحلوات ..
تكفون ابي فزعتكم معي وخصوصا بنات الشرقيه او الرياض ..
انا لي فتره ادور اكواب الكابتشينو مثل الي بالصوره ودورت في محلات كثيره واخره هوم بلازا لاني قبل فتره شفتها عندهم لكن الحين للاسف ماحصلتها ..
لاني ابيها في فترة نفاسي ولو انه لسى بدري عليه لكن ابي ابتتدي اجهز من الحين ..
فياليت الي تعرف تدلني على المحل ولها مني دعوه ولو يكون بالدمام يكون افضل ..
وهذي شكلها ...
..

التعليقات (9)

سحرالانوثه

16-09-2022 - 05:49 pm

لو بالطائف كان دليتك
بالتوفيق حبوبة

عاشقه دمدومه

16-09-2022 - 06:50 pm

لو انت من سكان الرياض بتلقينها فى الدانوب

محبة الأطفال

16-09-2022 - 07:51 pm

تقول أختي بالدانوب

يتــ الدهر ــيمة

16-09-2022 - 08:52 pm

مشكورين الله يعطيكم العافيه
بس ياليت اذا احد من الدمام يعرف ..
وبالنسبة لبنات الرياض وين موقع الدانوب بالضبط؟؟

*مشمشة*

16-09-2022 - 09:53 pm

الدانوب تلقيه في حياة مول طريق الملك بابا عبدالله ,,,,,,,,,الله يحفظة يارب

روابي الرياض

16-09-2022 - 10:54 pm

اذا تقصدين الكوب لحالة ...فية عند بيت امي اثنين..
وان جيتي للصراحة وعن تجربة ..مو زين الشرب فية ابد.. صدقيني ما ترتاح اصابع يدك وانتي ماسكتة ..لان زي ما انتي شايفة المسكة حقت الكوب مثنية ..!!!! ماهي عملية ابد
حبيت انقل لك تجربتي
اما عن المكان اللي امي جابتة منة ..بصراحة ما ادري ..بس اكيد في مكان ما ..في الرياض

يتــ الدهر ــيمة

16-09-2022 - 11:55 pm

مشمشه مشكوره ياقلبي واذا ماحصلته بالدمام شكلي بروح للدانوب..
روابي الرياض انا مايهمني شكل المقبض انا الي عاجبني حركة الصحن اني را اقدر احط جنب الكابتشينو او القهوه الفرنسيه نوعين من الحلى ..

see love

17-09-2022 - 12:56 am

وين الصورة ؟؟؟؟
مافي صورة ياقلبي ؟؟؟؟؟؟؟؟؟؟؟؟؟؟؟؟؟؟

غزلان الأمارات

17-09-2022 - 01:57 am

من الدانوب بس انا شاريتها من محل يقاي اواني في الرياض
وتلقينها عند ستي w بس احلى من السادة اشكال تجنن

بنات ساعدوني←
لحمامات وأرضيات سيرميك تلمع بدون بقع باهتة مع رائحة زكية والتجربة خير برهان→