يا خ ساره

يا خسارة..
كل شي ذلني فيك ...
عيونك ... إحساسك ... قلبك
الا طيفك ..
حس فيني وأنت ولا حسيت..!!
/
/
/
كل ليله ..
احكي له عن همومي
اشكي له من هروبي
والقاه حس فيني وأنت ولا حسيت
ليه ياطيوفه ..
معي تسهرين
وما تجافين وتتركين..؟؟
ليه أني أشوفك بعيوني
أوفى منه في حضوره ..!!
/
/
/
ليه ياطيوفه تسمعيني للأخير..؟؟
وبالنهاية من حزنك علي
معي تبكين..!!
/
/
/
يالدمع يا للي لأجله انسكب
يا اسمة يا للي بدمي أنكتب
بقولها بكل إحساسي
اشتقت لأغلى ناسي
وادري انك ياطيوفه
حسيتي وهو خذلني ولا حس فيني ..!!
/
/
/
يا أوجاعي ..
اكتبي أقسى عذابي
كيف اني أموت بداخلي
ولا اجرح حبيبي..!!
/
/
/
يا رعود الألم ..
يكفي لاتجرحي خاطري
لا تزيدي في ضياعي
يا قسوة أيامي بغيابك
يا وحشة مكاني بدونك..!!
/
/
/
الدنيا بعيوني غياب
والحزن كله عالباب
احظن الهم واشيله
ولا لقيت من اشتكيله
وطيفك الغالي..
حس فيني وانت ولا حسيت..!!
/
/
/
هنا كان
اخر احساس
/
/
/
البلسم الشافي