يا فراشات كل وحده تدخل تقولنا شنو راح تسوي غداها

ابدا انا:
مره سويت العيش الصيني ومات عليه زوجي ..يمكن اسويه باجر
--------------------
العيش الصيني:
1كيلو خضار مشكله مجمده
كيس ربيان(مجمد او عادي)(نسلقه نص سلقه)
2فص ثوم مفروم
3ملاعق صلصة الصويا(انا ما حطيتها لان ما عندي:حطيت ملح وفلفل اسود)
2كوب ارز مسلق ومملح
-----------------------------
نحط الجدر على النار ونحط فيه زيت ونحمر الثوم ثم نحط الربيان ونقلبه..ثم نحط الخضار ونقلبه لعشر دقائق او حتى تنضج ثم نحط الارزونقلبه..ونصب الصويا عليه..
نصيحه:جربوها
والله روعه

شنو؟؟ مافي احد يسوي غداء؟
اليوم انا ماسويت العيش بالربيان(الصيني) علشان ماعندي ربيان
لكن سويت مرقة الكوسه والبطاط والقرع مع العيش الابيض
--------------------------------------------------
كوسه مقطعه مكعبات
بطاط مقطع مكعبات
قرع مقطع مكعبات
2معجون طماط
مرقة دجاج(ماجي)
ملح
فلفل اسود
بصله مفرومه
لحم (مقطع قطع متوسطه)
---------------------------
نحط بالجدر شوية زيت ثم نحط البصل ونحمره
ثم نحط اللحم ونقلبه ونتركه شوي
نحط البطاط والكوسه مع اللحم ونقلبهم ونتركه يستوي شوي
ثم نحط 2كوب ماء ثم معجون الطماط
ثم نحط الفلفل الاسود والملح والماجي
---------------------------
زوجي مات عليه وقال لي كل يوم سويه لي
وعليكم بالعافيه

عزيزتي حلوة فكرتك و أتمنى البنات يشاركون
لكن أنا توني مبتدئة بالمطبخ
ما أقدر أوصف للحين
شكرا عزيزتي

الطبخة الثانية نفس طريقتنا بس ما نحط قرع مع الكوسا
يعني بس كوسا وبطاط
و أكيد حلوة مثل ما قلت

مشكوره على مشاركتج اخت هناء

اليوم سويت مجبوس لحم روعه وطبعا زوجي حبه حيل وقالي (ياليت يكون غدانا كل يوم جذي)
لحم(حسب الرغبه)
مستكه
فلفل اسود
ملح
عودان قرفه
مرقة دجاج
عيش
زبيب+بصل(للحشو)
بصله
طماطه
هيل صحيح(مو مطحون)
بهارات
=======
نضع الزيت بالجدر ثم نضع الهيل+المستكه
ثم نضع اللحمه +طماطه مقسومه +بصله مقسومه
نغطيها ونتركها شوي
ونقلبها
ثم نضع عليه ماء حتى يغطي اللحمه+ملح+فلفل اسود+مرقة الدجاج+البهارات
ونغطي الجدر
حتى تستوي اللحمه
نصفي الماي(الشوربه) بمصفه ونضع اللحم على جنب
ناخذ الشوربه نضعها بجدر ونضع فوقه العيش(بعد غسله)
نتركه ليستوي
(نعمل الحشوه):
نضع زيت بالمقلاه ثم نضع بصله مفرومه ونقلبها حتى تتحمر وكل شوي نضع من طرف المقلاه شوية ماء (كل شوي حتى يتغير لونه للبني) ثم نضع الزبيب ونقلبه..
اذا استوى العيش نضع فوقه الحشوه ثم اللحمه ونغطي الجدر علشان ياخذ العيش ريحه حلوه..
ثم نشيل الحشوه واللحمه على جنب ونغرف العيش بصحن ثم نضع الحشو ثم اللحمه
ويقدم بجانبه المرق(الدقوس)(الصلصه)
جربوه والله ماتندمون