يا كثر البنات اللي صاروا يسوا بحوث

حبيباتي
الله يوفقكم
في الفترة الاخيرة لاحظت ازدياد عدد البنات اللي يسوا بحوث
لكن ما اعرف السبب ؟؟؟؟
بس دا شئ يبشر بالخير
يمكن زيادة وعي
يمكن زيادة دخل مادي
يمكن هوايات اتفجرت فجأة
يمكن مهارات ظهرت بدون سابق انذار
كلها اسباب ؟؟؟؟؟
لكن الاكيد انها شي يبشر بالخير لبناتنا
بس لنا وقفه بسيطة
يا ترا كل البنات يعرفوا اصول البحث العلمي ودارسينها والا مجرد بحث والسلام
اتمني كل وحدة تدخل وتحط تجربتها في ( كيف اتعلمت تسوي بحوث علمية )
عشان نستفيد من بعض
وانا ابدأ بنفسي
انا تعلمتها علي ثلاث مراحل :
المرحلة الاولي من ايام الجامعة لمن كنت اسوي بحوثي وبحوث صاحباتي اساعدهم فيها
واستاذة مادة " البحث العلمي " كانت قريبه من البنات مررة وانا اقرب وحدة ليها كنت ارتب لها اوراقها واساعدها في تقييم بحوث البنات واستفدت منها ومن خبرتها في معرفة ثغرات و عيوب البحوث .
المرحلة الثانية من يوم كنت مديرة مدرسة في الصباح في مدرسة اهليه والبحوث هوايتي وغرامي بكل انوعها احس بمتعه وانا اعمل بحث او نقد او استمارة استبيان .. فكنت احاول اخلص شغلي في المدرسة عشان اجي البيت لهوايتي المفضلة وهي عمل البحوث .
المرحلة الثالثة تركت المدرسة الخاصة وتركت الادارة وصرت اشتغل استاذة في " معهد ال ......... " بجدة ( استاذة مناهج بحث علمي ) و ( استاذة ادارة مدرسية ) " يعني ادرس الطالبات في المعهد كيف تسوي بحث علمي وتكسب منه خبرة علمية وعملية ومادية وكيف تصير مراقبة وكاتبة في المدرسة وتاخذ شهادة خبرة تفيدها في التوظيف الخاص .
هذي تجربتي الشخصية في عمل البحوث والدراسات
اتمني من جميع بنات البحوث ان تدخل وتحط تجريتها في عمل البحوث عشان نستفيد من تجارب بعض