يابنات ابي فزعتكم تكفون

بنات وينكم ...
مكنش العشم والله

شوفي أنا عندي طريقة كيك خطير
تعرفين كيك العلالي الأبيض
سويه وحطي فوقه توفي يطلع خطير
وكميته كثيره كمان
طريقة التوفي: 2 فنجان سكر_ علبة قشطه
تحطي السكر على النار وتقلبيه الين مايصير لونه ذهبي
وتحطين القشطه عليه وتقلبين وبعدين تحطينه على الكيك

يونه ياقلبي الف شكر على المساعده الطيبه .... كلك ذوق
الله يسعدك دنيا وآخره ... ويوفقك ويحقق لك كل اللي تتمنينه يارب
ننتظر الباقين

مرحبا اختي .. هذا حلى مرة سهل والمقادير
متواجدة بالبيت ,,, وبعد اذا ماعندك حليب نستلة
انا منزلتلك طريقة,,,
المقادير :
2 علبة بسكويت الشاي
1 علبة كبيره حليب نستله
1 ملعقه كبيره جوز الهند
نصف اصبع زبده
1 ملعقه صغيره فانيلا
بسكوت مطحون للزينه الطريقه :
يقطع البسكوت قطع صغيره
وتسيح الزبدة وتضاف على البسكوت
ثم توضع جميع المقادير
ويمزج الخليط
ويكوركور صغيره وتغمس الكور بالبسكوت المطحون
وبعد الانتهاء يرش عليه الشكلاته السائله
ويوضع فى الثلاجه لحين التقديم
طريقة عمل حليب النستله
المقادير / بياله شاي حليب بورده
بياله شاي سكر
بيالتين شاي مويه
جميع المقادير السابقه توضع بالخلاط حتى تتجانس وبعدين ضعيها على النار مده 3 دقايق وسوف تحصلين على حليب مركز نفس طعم حليب نستله الجاهز .. وانا بصراحة ماجربت الحلى مخزن بجهازي...
وهذا حلى تاني...
حلى الزبادي بالنسكافية الشفاف المقادير :
ط1 :
باكيت بسكويت مطحون + إصبع زبدة لين .
يخلط ويرص في قاع صينية بايركس المقاس ا لوسط .
ط2 :
في الخلاط : ( علبة زبادي + 7فناجيل حليب بودرة + 3 فناجيل سكر )
تخلط ثم توضع على ط1 وتوضع في الفرن حتى التماسك ولكن لاتحمر .
بعد خروجها من الفرن ط3 :
( ثلثي كأي ماء + ظرف كريم كراميل بودرة + ملعقة نسكافية صغيرة . )
تغلى على النار ثم تحرك قليلا لتفتر ثم تصب على ماسبق "ببطئ أو بالملعقة " وتترك لتبرد ثم تقطع صغار أو حسب الرغبة وبالعافية موفقة ... ويارب يعجبك كلها سهلة وماتتحتاج
شروات من برا ... ادعيلي .. ان شاء الله افدتك..

افا ا
تحتاجين و tetto موجودة
شوفي يا عسل
هذا حلى التوفي مرة حلو وسهل ومقاديرة متوفرة في كل بيت
- خمس بيضات
- 2كاس حليب بودرة محمس ولونة ذهبي
- نص كاسة سكر مطحون
- نص كاسة زيت
الطريقة
- اخفقي البيض ومعه السكر
- اضيفي الزيت
- افرغي الخليط في وعاء خارجي واضيفي الية الحليب والبكنج بودر طبعا ملعقتين صغار
حطية في صينية متوسطة الحجم ودخلية الفرن من تحت االنار فقط لمدة 45دقيقة
تنبيه ؟؟!!1 لاتروحين تفتحين الفرن قبل انتهاء مرور 20دقيقة تنفشة وتهبط معك وتصير يابسة <<<<<< اسأليني ياما تورطت فيها
- بعد نضوجها سوي توفي وهو
2فنجان قهوة سكر يحرك على النار الى ان يذوب ويضاف لة اى نوع من القشطة علبة وحدة ويصب على الكيك
واذا اتبعت الخطوات هذة زي ما هي رح تطلع معك خيالية
واي استغسار عن الحلا انا جاهزة راسليني على الخاص والكمية انت تزيدينها يعني اذا تبغين كيك اكبر حطي 12 بيضة و4كاسات حليب وهكذا
اختك tetto

نجلاء مشكوره حبيبتي على المساعده الطيبه والحلى الروعه
لاهنت حبيبتي
والله يسعدك ويوفقك دنيا وآخره ... ويحقق لك كل اللي تتمنينه يارب
ويفرج لك همك زي مافرجتيلي همي
تفضلي عزيزتي

تيتو الف الف شكر ياقلبي على المساعده الطيبه والرد اللطيف
الله لايحرمني منكم ولامن مساعدتكم اخواتي
موفقه يارب في كل خطآويك .... والله يحقق لك كل اللي تتمنينه يارب
تفضلي حبيتي

بروح ازين الحلى ... دعواتكم اخواتي <<< حشى حرب خ