يابنات اشعة الصبغه دعواتكم

1. انا جديده عليكم واتمنى اكون اخت لكم وفي هذا الموقع


2. المهم يافراشات اللي سوت اشعة الصبغه تعلمني هي تعور اولا؟

صباح اخير كيفكم بنات

انا جديده عليكم واتمنى اكون اخت لكم وفي هذا الموقع

المهم يافراشات اللي سوت اشعة الصبغه تعلمني هي تعور اولا؟

انا لي سبع سنوات الله ماكتب لي الخلفه.الحمدلله على مايجي من الله. انا عندي بنت من زوج سابق.وعمرها الحين 8 سنوات. وانا متزوجه من سبع سنوات من ولد عمي ولا حملت , عملت كشف قبل 4 سنوات عند الدكتوره رنا بالمستشفى السعودي بأبها وقالت لي عندي ضعف بالمبيض الايسر وعندي هرمونات الحليب مرتفعه حوالي 26 .وبعدين طلبتها تعطيني كلوميد ورفضت وقالت ماراح اعطيك إلين اشوف تحليل زوجك. وبعدها قطعت معد راجعت ,زوجي عمل تحليل سائل منوي قبل 3 سنوات بمستشفى سليمان الحبيب بالرياض وطلع عنده مليون و500 حيوان 40%منها متشوه. وماكمل العلاج انقطعنا . بعدين بدأو اهلي واهله الايام تمر والسنين وانتو ماراح تحسون بضرورة الاطفال إلا عند الكبر والخ الخ الخ الخ. وبعدها قررنا قرار نهائي نبدأ من أول وجديد , احنا نتعالج في الحرس الوطني بالرياض. وبدأنا بالعلاج من أسبوع. امس اللي هو عندي ثاني يوم من الدوره سحبوا مني دم , تحليل هرمونات الحليب , بس اللي مستغربه منه أنهم اخذوا مني 4 انبولات دم. وطلبو مني الاسبوع الجاي أعمل اشعة الصبعه ووالله اني ميته خوف. والمشكله اننا ماراح نقابل الدكتور إلا بعد مانسوي كافة التحاليل والاشعة. وامي قد سوت الاشعه وتقول عطوها مضاد حيوي قبل الاشعه بأربع ايام ووقت الاشعه وبعدها ,منها تمنع الالتهابات وقت الاشعه ,ومنها انها تهدي الاعصاب. طيب انا مااعطوني لامضاد حيوي ولا شي . وش اسوي ادق واستفسر أو اخذ من غير ما اكلمهم؟؟؟؟؟ وعندي تحليل يوم ال21من الدوره تحليل ثاني لهرمونات الحليب.وطلبو من زوجي يعمل تحليل دم وتحليل سائل منوي . ادعولي ان الله يهون علي الاشعه وانها ماتألمني . واللي قد سوتها من قبل تطمن قلبي وتعلمني .
اسأل الله العليم رب العرش العظيم ان كان الاشعه فيها خير لي ان الله ييسرها علي وان كانت شر لي ان الله يعصمني منها , وان كان الاطفال خير لي اسأل الله ان يرزقني وان كانوا شر لي اسأل الله ان يعصمني منهم. اللهم آمين واخر دعواي الحمدلله رب العالمين والصلاة والسلام على اشرف الانبياء والمرسلين سيدنا محمد وعلى آله وصحبه آجمعين.
اسأل الله العظيم لكل وحده تقرأ اوترد على موضوعي ان الله ييسر امورها ويفرج كربتها ويرزقها من حيث لاتحتسب اللهم امين..........
تقبلوا تحياتي % اختكم شد5ن