يابنات الاحساء شوفوا بلاوي الكوافيرة ام سالم الريحان وخواتها

1. السلام عليكم ...........

السلام عليكم ...........

شفتوا ايش صار لي من هالانسانة الله يسامحها واتمنى انكم ماتتعاملون معها لانها غير امينة وغير صادقة هي واخواتها........
قبل شهرين تقريبا دقيت عليها وهي كوافيرة تجي للبيوت وتزين فيها وانا تعرفت عليها في مشغل والله ناسية اسمه بالضبط لكن لو وصفت مكانه بتعرفونه هو جمب مشغل صبايا بالراشدية بالضبط بيكون وانتي داخلة لصبايا هو يكون بسارك!!!!!!
المهم كنت رايحة المشغل اعمل بدييكير وهي تعملي قامت اشوي اشوي وتقولي انها تجي للبيوت وان عملها زين وتمدح بنفسها انا قلت بجربها ويوم حسيت اني ودي بهالخدمة قامت قالت لي انتبهي تراني اجي على حسابي ماله دخل المشغل الي اعمل فيه كانت تقولي الكلام وكانها خايفة حد يسمعها من صاحبات المشغل!!!
وانا اثاري اني غبية كيف انسانة تخون اصحاب عملها وامانة العمل الي هي فيه معقولة ماراح تخون فيني كيف اقبل اتعامل معها!!!
المهم دارت الايام واحتجتها في ملكة اخوي وبنفس اليوم قلت اجرب وادق عليها قالت لي لو انك داقة علي الليل كان صرت من نصيبكم لكن الحين عندي حجز من ناس.. وقالت لي لو تبين حد اساله من البنات الي اعرفهم اكلم لك قلت طيب خير وبركة وكلمت وماحصل بيني وبينهم نصيب ...بعد كذا نبهتني اني ادق عليها بوقت مبكر وهي حاضرة!!
ودارت الايام وقبل شهرين دقيت عليها علشان احجز عندها وقلت لها تاريخ زواجنا والي هو يوم الثلاثاء هذا الجاي 4/8/1429 هجري قالت لي حلو انا لسه ماني محجوزة لذاك الوقت وبعطيك رقم دقي عليه هي اختي ولازم الاتفاق يكون معها!!!
قلت اوكيه ودقيت واتفقنا على كل شيء لدرجة انها قالت كل وحدة راح اجي لها المشوار راح يكون ب 50 ريال (غريبة اول مرة اسمع بهالمشوار)لاني انا بديرة ة مو بداخل الاحساء وانما باطرافها!!!
يعني لو كنا 10 مع الصغار راح تاخذ فينا 500 ريال ولا مشوار الرياض باللموزين هاذي واحنا نبعد عنها نصف ساعة !!! وهم وافقنا!!
المهم تجي امس توه وتقولي هاه انتوا على حجزكم قلت لها اي اكيد قالت طيب حلو واعطيتها رقم اختي الكبيرة علشان راح يكون الاتفاق بيوم الزواج على المكان ووصف البيت معها...
والاحظ عليها وهي تكلمني تقولي عدي لي كم وحدة انتوا مع ان انا مخبرتها بالعدد بالضبط من قبل!! اشوف انها قامت تغير الاسعار الي اتفقنا عليها واستغربت وقمت قلت لها ترا احنا ماتفقنا على كذا وعدلت من اسعارها على حسب اتفاقنا وقالت ان شاء الله مافيه خلاف وماراح نختلف على الاسعار!
طيب لحد هنا كل شيء اوكيه هذا الكلام بالظهر لكن بالمغرب تقريبا دقت على اختي وقالت لها احنا نعتذر وجاتنا ظروف دقت اختي علي وقالت لي وقلت ماهو على كيفها وهي خبرتك وشي الظروف قالت لا؟!!
المهم انا قلت لو الظروف حالة وفاة شيء كبير شخصي قلنا معليه..... بس لابد انها تعطينا سبب مقنع لكن سبحان الله الله كشفهم !!!!!!!!
انا طبعا دقيت عليها لقيت عندها انتظار قلت مالي الا مصدري الاساسي وهي ام سالم اختها دقيت عليها الا وتقولي لا ان شاء الله احنا جايين لكم اختي توها قبل ساعة قايله لنا للشلة كلها وحدة وحدة نتجمع عندها علشان نتفق على كل شيء ومتى الطلعة!!!!!!!!
قالت شوفي ادق واتاكد وادق عليك على طول المهم انتظرت ساعة ساعتين 3 - 4 ساعات قلت لازم ادق عليها واتاكد وش السالفة وماردت ورسلت رسالة واعتذر فيها على الازعاج لانه بوقت متاخر واستفسر!!!!!!! إلا تدق اختها من جوالها وهاذي وحده ثالثة وتقول اعذرونا مانقدر نجيكم اقولها وش السبب تقوم تلف وتدور عندهم ظرف وش الظرف الا وتسال عن عددنا بالضبط مرة ثالثة وبعدين تخيلوا بكل بجاحة ووقاحة وتقول يالله انا قلت لكم بدري علشان تتصرفون هاذي ياغبية ياتستغبى قبل يومين من الزواج وتقول بدري !!!!!!!!
ماقول الا حسبنا الله ونعم الوكيل فيها والله لا يوفقها حتى في روحتها هاذي!!!!!
وتوني اقول لها عطيني اختك ام سالم صاحبة الجوال الا وتقولي اي اي بتكلمك وتصك بوجهي الاتصال!!!!!كنت ودي اكلمها علشان تعطيني ارقام كوافيرات علشان احل هالمشكلة!!!!
والحين فهمت السالفة انهم جاهم عرض ازين وافضل منا اخدعوهم وصدقوا خدعتهم وقالوا يالله انكنسل الطيبين والي هم احنا مادروا انهم سوا فينا موقف ماندري كيف نتصرف فيه!!!!
وانا احذركم تتعاملون معهم لانهم غير صادقات وخاينات الاتفاق.......!!!!!!!!!!!!
قال رسول الله صلى الله عليه وسلم ((المسلمون على شروطهم)).