يابنات الله يخليكم ساعدوني أنا اول وحده اتزوج في بيتنا ومو عارفة ايش اسوي

قلبو لاتخافين ولاتتوترين راح افيدك ان شاء الله بألى اعرفه
اول شي مبروك وربي يتمم لك على خير وتطلعين قمر بليلتك
عندك وقت قدامك 18 يوم
من الحين ابدي عنايه بشعرك وجسمك ووجهك اهم شي يكون مناسب لبشرتك عشان لاتعدميها
اول شي حددي وقت مناسب قبل شبكتك لتنظيف جسمك بالحلاوة
والفتله لوجهك او المشقرة شوفي اش الي يناسبك ومايطلع لك حبوب بوجهك
اما بالنسبه للدلكة ماعمري سمعت انه فيه وحدة سوتها لشبكتها كل الي اسمعهم انهم يسووها لليله الزواج
يعني قبل يوم الشبكة بيومين
مثلا شبكتك يوم الخميس نظفي جسمك ووجهك يوم الثلاثاء عشان الربوع تكون مرتاحة ومتهيأه نفسيا للشبكة
بالنسبة للفستان حلوة انه يكون منفوش شو مومرة
اختاري صالون يكون حلوو شغلهم وتعملي عندهم المكياج والتسريحة طبعا تروحي لهم من قبل وتشوفي شغلهم اذا عجبك شغلهم على احد
اسألي من الي عملت لهم المكياج والتسريحة واطلبيهم بالاسم عشان لاتتوهقي يومتها وتروحي تجلسي تحت اي وحدة تخبص بوجهك وشعرك
واختاري التسريحة الي تناسبك ووريها الكوفيرة كيف راح تطلع عليك حلوة واسأليها عن الوان المكياج الي بتحطه لك لانه شكلك تبي الشي الهادي
وخبريها بكل شي انتي تبيه واذا يناسبك مثلا اولا لانه البعض يعملوا مكياج مرة ثقيل وبعدها تزعل وتعصب عالكوافيرة وهي السبب لانه ماخبرتها من قبل
اختاري مسكة ورد مناسبة لالوان فستانك
الكوشه اذا تقدري جيبي احد يزينها لك بالوان فستانك طبعا من الاشخاص المتتخصصين بهذا الشي وطبعا الكراسي برضوا يلبسوها بلون فستانك
اذا انتي حابه هالشي وعندك ميزانيه
بالنسبه للكيكة ايه ياقلبي جيبي عشان تقطيعها انتي والمحروس ولاتنسي كاسة العصير
جيبي كاسه كبيرة وحطي بداخلها مصامصتين اول شي تشربي انتي وهو العصير وبعدها تقطعوا الكيكة
اما بالنسبه للاغاني بصراحة ان شاء الله البنات يفيدوك
بس انا تعجبي بالزفة وتكون بالبدايه الي هي انشودة اللهم صلي على محمد مرة حلوة
لاتحطي بشبكتك ولازفتك اغاني من اجل ربي يوفقك
ان شاء الله اكون قدرت افيدك بالي اعرفه
دعواتك لي انه ربي يشفيني
ويرزقني الزوج الصالح التقي عاجل غير اجل
وتفرح فيني امي

بإذن الله تطلعي حلوه وجميله بعيون خطيبك واهلك وكل الناس موفقه يارب

هلا ياقلبي
ممكن امسك لكي ليله الشبكه بكل شي

موفقه يا عسل
الله يوفقك ويسهل اموورك
وتطلعي احلى واجمل عرووسه ^_^

حبيبتي لا تتوتري كذا ودام انو الشبكة في استراحه لا تخافي مو ذاك التعب
بالنسبة لنفسك اعملي دلكة مره في الاسبوع ورروحي اعملي حمام مغربي
يعني اهتمي في نفسك اكثر
وربي يسعدك ويتمملك على خير

الله يتمم لك على خير
يقلبي اذا عندك ميزاانيه روحي لمحل يمسكلك الحفله كله من الي

انتي من وين قولي عشان ادلك على محلات

الف مبروك ياقمر
أهم شي روقي ولاتتوتري << التوتر والنفسية تطلع حبوب بالوجه
أحجزي كوفيرة ليوم الملكة
واختاري مسكة حلوة تناسب فستانك واتفقي مع محل ورد يسويها لك
اشربي عصيرات طازة لأنها مفييدة للبشرة
سوي حمام مغربي بنفسك في البيت يفتح ويقشر وينعم < تلاقيه في العطارات
رطبي جسمك يوميا
أعملي حمام زيت لشعرك
وطبعا قبل الملكة بكم يوم < شيلي الشعر الزايد بجسمك
قولي انتي من فين حتى نساعدك بالمحلات

لا تشيلي هم ، القمر قمر شوو ماعمل ^_^..
والي ع راسه بطحه خليه يتحسس عليها ..
ابشري اش تبيني اساعدك فيه اخدمك بعيوني راسليني من الرابط في توقيعي
وخلي موضوع الزفه او تنسيقها لكن لززم اعرف مكان الزفاف لو يكون فيه صور افضل
حتى انسقها لك صح مع الافكار ..
والله يوفقك بحياتك ان شاء الله ..