يادلوعه خلي زوجك مايشوف غيرك

=دايم نوعي في المكان الي تاكلون فيه مره بالمطبخ ومره بالصاله ومره
بمجلس الرجال ومره بمجلس الحريم
يضفي جو حلو
=اذا قالك انا عازم ضيوف لاتذمرين وتقولين له ليش وبيطولون
قولي ضيوفك ضيوفي هلافيهم عساك على ع القوه
لاقال اطبخي كذا وكذا قولي ابشر من عيوني برفع راسك عندهم
لاتقولين كل هذا اطبخه لا تذمرين لان كذا بيشوف فيك اشياء ويصير مايعزم
لاخليك عند حسن الظن حتى لو طبخك مو ذاك الزود الي يبيه سويه
من عيوني ماطلبت شي يالغالي
تعلمو ع الطبخ واشتروا كتب الطبخ وتعلموا
=لاتحسيسينه بالجوع قبل فترة الغداء اذا كان موجود جيبي له كاس عصير بارد يسد به الجووع
عصير برتقال لانه يسد الشهيه قبل الاكل خ^تنذلي فيه
يعني قبل الفترات بوقت جيبي له عصير وكيك
والعصر اكيد قهوه وشاي وحلا ومكسرات وبعد مايخلص عطيه شي بارد
وبعد المغرب او العشاء سوي له سندوشيات او فطاير معها شاي او عصير
لاتخلينه يجوع عندك ترا اغلب الرجال ماييبنون انهم يحسون بالجوع
انتي ماعليك مثل ماقلت سوي كذا
واذا رفض قولي تزعلني غلاي من يدي ترد يدي ترا بزعل ومدي البوز لاحد الباب خ(قلدي الاطفال)
وكليه الاكل من يدك واذا خلى بقية من الاكل اكليه
واذا ترك شوي من العصير اشربي الباقي قدامه راح يستانس
قولي ام ياحلو سورك دايم خل لي من سورك
واذا اكل وخلص قولي له غلاتي خلصت وقومي معه وغسلي له يدينه ونشفيه عدل وفرشي له اسنانه وتمايلي
وتدلعي وانتي تغسلين يده وتفرشين اسنانه
ثم لاوصيكم ع العناق تعانقيه وبوسيه
واذا بينام احرصي دايم انك تنومينه عودييه ع هالشي
اسحبي الفراش واخذي يده وخليه ينام وضمي راسه لصدرك وامسحي ع شعره وسولفي له او غني له لين ينام
او قولي اغنية نام حبيبي نام اذا شفتيه نام نزلي راسه بشويش ع المخده خ
بعدين لحفيه وطفي النور واتركيه
وروحي كملي شغلك او اكلك ونظفي البيت والمطبخ وغيري ملابسك وتعطري وتحممي ونامي
معه ودايم احرصي تنامين قريبه منه ويدك ع خصره او ع ظهره او كوني قريبه من صدره
= خليه ينام لاتصحينه اذا ماقالك صحيني مثل اذا شفتيه طول بالنومه
روحي صحيه قولي حبيبي قم يرضيك جالسه بروحي وتدلعي وانتي تصحينه وجهزي له كم اكله
=العبي معه لاتصيرين ثقيله اللعب يعطي احساس حلو وكثير الالعاب الزوجيه ابحثي تحصلينها
مثلا اذا هو متعود ع طلتك اذا دخل البيت يوم من الايام تخبي في دولاب ملابسه وخليه يدور عليك واكيد بيفتش بالدولاب
وانتي سوي نفسك نايمه بالدرج استهبلي
واذا صحاك سوي نفسك نايمه لاتضحكين العبي الدور صح ثم سوي نفسك ماتدرين وين انتي ثم قولي يوم وش جايبني هنا
الله يسامحك تذكرت كنت اشم ريحتك بملابسك وشكلي نمت من الشوق عليك ثم ضميه
او تخبي بيوم من الايام مثلا بالمطبخ وقعد يدور وشفتيه دش المطبخ تعالي وراه وخوفيه مثل قولي واو ونحاشي
راح يلحقك
واذا كشف مكانك حطي يدك ع عيونك قولي بشوفك تفقدني
او فاجيئه مثل لاسويتي طبق معين بالاكل حطي صحن فاضي وغطي الصحن
وقولي حبيبي امسك امسك بينكب حار خليه يقوم مرتبك ويصدق ويمسك بيشوف مافيه شي
=اي مشكله تصير بينكم لاتطلعونه لاحد حلو مشاكلكم بنفسكم لو طلعت بتكبر
وتؤذيكم اكثر ويمكن الناس تعطيك حل يعقدها اكثر
= اذا قالك اليوم بنزور الاهل حتى لو ماتحبينهم لاتكسرين كلامه وقولي
ان شالله من عيوني وجهزي نفسك ولاتروحين لهم ويدك فاضيه لا سوي صينية حلا او فطاير وخذيها معك
=احرصي ع اقامة ليلة رومنسيه لو مره واحد اومرتين بالشهر
وتكشخي فيها بلبس غير عن لبس تعود ع شوفته لو تلبسين فستان سهره قصير او طويل وحطي مكياج غير عن المكياج الي حفظه عليك
وسوي تسريحه او اي شي بشعرك
=ساعديه في لبس ملابسه لبسيه الشماغ او الطاقيه اوالثوب او البنطلون والشورت
مافيه شي بالعكس تسعدينه وعطريه وخلي يدك بيده لين توصلين الباب ودعيه بقبله او ضمه اوبوسه وكلمه حلوه ودعوه حلوه
وتدلعي اذا جاء يطلع قولي بروح معك وبوزي وسوي نفسك متضايقه
وقولي اصلن من اول متتلع منيه اتضايق واجد هالكثر وضحي هالكثر بيدينك
او اسبقيه ع الباب قفليه واخذي المفتاح وقولي ماراح تطلع مابيك تطلع اتضايق
واذا قرب سوي نفسك تبلعين المفتاح
واذا اخذ منك المفتاح او عرف يصرفك عطيه المفتاح ودعيه
او حطي المفتاح بصدرك وقولي ضاع وخليه يطلعه
=خليك رومانسيه بتصرفاتك وافعالك ودلعك وشكلك خليه يشوف الانوثه ع اصولها معك
تصرفات الرومانسيه اتوقع ماتجهلكم وخليك عفويه وبريئه في تصرفاتك
يتبع

= نظافتك لبيتك وشغلك تبين حقيقتك فاحرصي عليهم
ونظافة زوجك ونظافة ملابسه صوره عاكسه لك احرصي ع تنظيف ملابسه لاتخلينه يقولك اغسلي
انتي دايم فتشي ملابسه وشوفي الي مونظيف ونظفيه وعطريه
وخلي بدولابه فواحات
واذا جاء يحلق شنبه ودقنه قولي ....(اسم الدلع) عنك بحلق لك باصير لك صالون وحاولي
معه بدلع لين يعطيك الموس وحلقيه لاتجرحينه
ثم قولي وش رايك انفع اصير حلاقه انا بفتح صالون هنا لك كل شي بسويه لك
واذا راح يتروش جهزي الشامبوات والمنشفه وادواته وحطيهم بالحمام
وعبي البانيو مويه وجهزي له كل شي
واذا دخل قولي غلاي يصير اساعدك ادري شطحت بس مافيه شي
واذا رجع من الدوام وكان تعبان سوي له مساج ابدعي بطرق المساج وتفنني
=اذا طلع ورجع للبيت استقبليه احسن استقبال شكليا وتعبيريا
او اول مايدش مع الباب غني له مثل ياهلا بااغلى
الحبايب ياهلا بريحة هلي مع شوي هزات
او مرحبا بقدوم خلي يوجاء بمحلي
او استقبليه بعبارات ترحيب ياهلا بالي نوره غطاء نور القمر
او ياهلا بالي نوره طفى الكهرباء
او اول مايدش طفي الكهرباء ورحبي فيه واذا سئلك قولي
انا مطفيته ماشوف له داعي بطلتك خلني اشبع من نورك
=لاتخلينه يمل ويقضي وقته عند اخوياه ويسهر
لا سولفي عليه ونسيه العبو مع بعض املي وقته بي شي واذا راح
مو تقعدين تزعجينه بالاتصالات
هو اكيد عارف انك تنتظرينه ماراح يتاخر
او ارسلي له مسج اذا تاخر حبيبي طمني عليك تاخرت
والي زوجها راعي سهرات الله يعينها تقدر تشغله بي شي
ولاتقولين لاحد او تشكين زوجي يسهر ويطلع مايرجع الامتى
لا احفظي هالشي بينكم واصبري وعاتبيه بطريقه حلوه
= لاتضغطين عليه بالطلبات والمصاريف صيري اقتصاديه عشان مايتذمر منك
واذا موظفه او عندك فلوس ساعديه باغراض البيت راح يستانس
ولاتكثرين من الطلبات هات ود اخذ لا هو مو تاكسي عندك له مكانته احترميه
ومصروفك لاتطلبين كثير ع قد حاله واذا عطاك المصروف قولي غناي اذا محتاجه مراح اخذه لان
انت مومقصرمعي انا مو محتاجه شي لو مره تنازلي عن مصروفك لعيونه
واذا عطاك مصروف وانتي عندك فلوس اعتذري قولي انا عندي مصروف لاتكلف ع روحك انت ماقصرت
الله يطولي عمرك الفلوس ذي شف مكانها الي محتاج له وحطها فيه واعتذري خليك سنعه لو مره
واذا ماجاب الاغراض كامله او نسى شي لاتعاتبينه قولي خلاص
ياعمري حصل خير ماقصرت الله يعافيك
لاتجيبيه المره الثانيه لارحت جبه تعال ارتاح ياقلبو تعبتك يالغالي
مو تقولين وين ليش ماجبته رح جبه بتضايقنه وتزعلينه
=كلامك دايم خليه يقطر عسل واغرقيه بالعسل وخليك اجتماعيه اذا عزمك احد روحي اذا هو سامح لك
واطلعي معه لاي مكان قالك عنه حتى لو تعبانه لاتكسرين بخاطره روحي ونسيه واسعديه
=اذا عندك طلب ورفضه لك لاتتضايقين ولاتزعلين هذا زوجك وله سلطه عليك
وتخلين ليلتك زعل بسبب رفض طلبك لاتخلي الطلب اهم منه ولاتخلينه يزعل بسرعه اعتذري وطيبي خاطره
واذا قالك لا عن الطلب قولي باستهبال مافيه خيارات دور منا منا
قولي اوكيه الي تشوفه يصير واطلعي واذا ناداك وقال زعلتي قولي لا حبي مازعلت خلاص
قلت لا انا مقدر ارد كلامك ولااقدر ع زعلك اهم شي رضاك
كان نفسي بالطلب بس عشان خاطرك تنازلت
يعني خلي الكلام الحلو استغلال لبعض مواقفك ماتدرين يمكن يوافق من كلامك
وانتي افهمي لاقالك لا لا امسكي ارضك ولاتناقشينه واعرفي
ماقال لا الامشغول او مايقدر قدري كلامه
لو شافك عامله له الف حساب راح يعطيك الف حساب
وتاكدي لو عاملتيه بكل لطف ورقة ودلع وماقصرتي عليه ماراح يرفض

=خليه ملجى لك اذا تضايقتي او زعلتي من احد خليه اول انسان يسمع
الي مضايقك راح يستانس ويحس بمكانه عندك
(اذا سمعتي من احد ان حماتك اوخالته اوعمته تسب فيك مو تقومين الدنيا وبسرعه
تعلمينه لا شوفي المشكله من مين وانتي متاكده منها سمعتيها بنفسك حتى لو كان ثقه لاتصدقين
ولو قلت لزوجك اكيد ماراح يصدق وبيعاتبك يعني سكري اذنك عن حكي
الناس حتى لو صدق لاتسمعين له لان لو سمعتي بتبلشين وتوهقين)
=انصتي الى زوجك ولكلامه مو تقاطعينه ودائما امدحيه وبيني اعجابك فيه وفي تصرفاته وقولي انك فخوره فيه
=وفري الراحة لزوجك في بيته مو تنكدين عليه بطلباتك او اخبار السيئه وعدم اهتمامك فيه خليك انيسته في البيت ومتاعبه وهمومه
لاشفتيه متكدر ماتتركينه خليك بجنبه و واسيه ولطفي الجو بعبارات وتصرفات مضحكه
= اشكريه دائما كلمة الشكر لها مفعول حلو مشكور ياعمري الله لايحرمني منك الف شكر لك
ياربي لاتحرمني منه مدري وشلون اشكرك تفنني بعبارات الشكر
= انظري الى محاسن زوجك لاتنظرين الى عيوبه عامليه ع محاسنه تكسبينه اذا تصرف معك
بشي يزعجك استدركي محاسنه وتذكريها وعامليه ع اساسها
قد ماتقدري امسحي عيووبه
=دائم استخدمي انوثتك ودلعك ورقتك بتصرفاتك وكلامك الانوثه سلاح قاتل للرجل
= اذا غضبتي من زوجك فاصمتي لاتكلمين يمكن تنطقين كلمه لاتحمد عقباها ويحاسبك عليها طول عمرك
=دائم ذكريه بصلة الرحم وذكر الله وادفعيه الى الخير واسئليه اتصلت في اهلك وش اخبار مامتنا
وانتي خليك حريصه ع اهله وعلاقتك فيهم وتطمني عليهم
= لاتبخلين عليه بعواطفك وحنانك اغريه باسلوبك ودلعك وتغزلي فيه من حين لحين
تغزلي فيه اذا اكل قولي له ياربي ماني مصدقه خليه ينفجع بيقول
وش فيك قولي اول مره ادري ان للقمر فم وياكل ياحلوك
او لاتاكلين اسرحي فيه لاقالج وراك ماتاكلين وش فيك تنهدي باهات وقولي احبك
اذا كنتي تابعون التلفزيون التفتي له وطالعيه خلي التلفزيون لاقال وش فيك قولي
لو بابقى طول عمري اطالعك ماشبع من حلاتك وبوسيه
احرصي ع تقبيل يده من حين الى اخر
خليك حنونه معه اجلسي جنبه وضميه لصدرك والعبي بيدينه وسولفي عليه
دائما اذا ضحكتي مو تفتحين فمك قدامه لا حطي اطراف اصابعك ع فمك او لفي وجهك واضحكي
خليك دلوعه لاقالك شي محرج حطي يدينك ع وجهك او غمضي او اندسي وراه
او حطي راسك بحضنه او صدره
عانقيه واحضنيه وضميه وبوسيه خليه طفلك المدلل شوفي كيف تدلعين الطفل ودلعيه
اذا جاء وقت النوم مو تنخمدين قدامه لا لاتنامين الا معه تحملي واسهري ومثل ماقلت لك طريقة تنويمه
وبوسيه واقري عليه الاذكار
وتدلعي وانتي بفراشك بطريقة نومك وخلي شوي من شعرك ع عيونك او حطي اصبعك بفمك
وتدلعي بنظراتك نامي مثل طريقة البيبي وكيف تكون حركة يدين الطفل وهو نايم
او استهبلي قولي حبيبي مافي نوم بنام معك ثم ضميه ع خفيف ثم قوليله حياتي
قولي قصه بنام واذا قالج قصه مو تغطين بسرعه^بتخرب افكارهم خ
لا اخذي شوي سوي نفسك تغفين العبي الدور بعدين سوي نفسك نايمه غمضي لين الله يفرجها
او ارسلي له رساله اذا نام اخذي جواله وحطيه ع الصامت وارسلي حبيبي ياحلوك وانت نايم اذا صحى الصبح بيقراها
وانتي تاكلين مو تاكلين ورى بعض كن فيه احد بيطردك لا اكلي بنعومه وبشويش والاكله خليها صغيره
لاتطلعين صوت وانتي تاكلين ولقميه بيدك واكليه وساعديه بالاكل
اذا جاء بيطلع من البيت قولي حبيبي اسمع الخبر الي جاني بالجوال الارصاد الجويه مضيعين قمر انتبه لايمسكونك
= الجمال ماهو جمال الشكل جمال الروح
كم من زوجه خاليه من الجمال لاكن زوجها متعلق فيها
وكم من زوجه فتنه بالجمال وزوجها يتذمر منها او متزوج عليها
الشكل مو كل شي بالحياة الزوجيه
خليك مثقفه وصاحبة اخلاق وروح عاليه ومتفهمه لزوجك ومحترمه لرايه وكلامه اتركي اخلاقك فوق كل شي
(احسني معاملتك له يحسن لك)
=تدللي وتدلعي دائم اذا جاء بيكلمك ويتحدث معك مو كنه يتكلم مع اخته لا خليه يشوف للكلام معك حلاوه
يعني اذا استشارك بشي حطي يدك ع رقبتك وانتي رافعتها وطالعي فوق وقولي ام وعطيه رايك
او طالعي فوق يمين ويسار بدلع وحطي اصبعك ع فمك وعطيه رايك
وهو يتكلم اغريه بنظراتك وابتسامتك والعبي بشعرك والعبي باصابعه ويده
=ارقصي له الرقص مثير جدا خصوصا الي تعرف تهز الرقص يضيف
جو حلو تقدرين تفتنيه لاقمتي وهزيتي مناطق معينه بجسمك مع الرقصه وحطيتي بالك انك تدوخينه لول بيدوخ
=امسكي يده ودخليها في بلوزتك وحطيه ع نبض قلبك وقولي وش تسمع قولي حبيبي كل نبضه تقولك احبك اهمسي بذنه
خليه يساعدك بملابسك قولي تعال حبيبي سوى لي سحاب البنطلون او التنوره او لبسني السوتيان ماعرف اسكرها
وسوي حركات وهو يلبسك اغريه انتي وشطارتك
= امدحي لبسه لاشفتيه لابس وكاشخ قولي وش هالحلا ياربي حتى طلتك فيها حلاوة
تغزلي فيه
= احضني يده وذراعه لماتكونو مع بعض حتى لو بسياره خلي فيك رومانسيه ودلع مثل نزل من السياره
يبي يجيب غرض خلي معك كرت او ورده وحطي مثل الكرت ع الدركسون واكتبي فيه احبك موت
او رشي المقعد كله ورد لاقال وش ذا قولي هذا مكانك الصح انت الي مثلك
ينفرش له ورد ^هذا اذا ماقال شيليه خ
اواذا عطاك الاغراض عطيه الكرت قولي مدري حصلته بسيارتك بس ماقريته خلي منظر كرتك عادي جدا
واكتبي فيه فلان
انا اموت فيك وشعر وحطي اسمك
او لاشفتيه مندمج بالسياره ارسلي رساله واكتبي فيها اي عباره مثل
الله لايحرمني منك او اموت عليك وشوفي كيف يطالعك
او تحركي من مكانك كن قارصك شي لاقال وش فيك وارفعي شوي من ملابسك خليه يشوف شي من جسمك خليه
وقولي تعال معي انا خايفه اقعدي ناقزي وانفضي ملابسك بدلع وقولي احس بشي من عند فخوذي يمشي وخليه يتلمس
وانتي صايحي وناقزي والشاطره الذكيه تعرف تغريه انتي وشطارتك كملي باقي الموقف بطريقتك لو عرفتي تضبطينها صح انتي الكسبانه انا ماقدر اكمل اخاف ****
=في مواقف معينه ما تتطلب الجدية تصرفي تصرفات طفله يعني كأنك
ما تعرفين بالدنيا شي .. وتعمدي تسألينه بإستعباط واستغراب
=خليك شطوره وقد المسئوليه تعلمي الطبخ وفاجئيه باطباق حلوه احرصي ع بيتك ونظافته
ونظافة
طبخك واواني المطبخ بيتك بشكل عام احرصي عليه يبقى في احلى منظر
لاتخلين زوجك يمسك عليك شي
اكلك نوعي فيه مو طبق واحد ولاتسرفين اطبخي ع قدكم
وخلي الاكل جاهز اول مايرد من الدوام مو تنقعينه ساعات لا اطبخي بتوقيت حضوره الرجال مايحب الانتظار
في الفراش خليك نظيفه واحرصي ع ازالة الشعر من مناطق جسمك وعطري جسمك واتوقع
مانتي جاهله باشياء الفراش ومحتاجتها من عطورات وملمعات ومرطبات
توجد مرطبات عند نكتار بنكهات حطيها ع جسمك وخليه يلحثها اسئلي نكتار بيعلمك بكل شي
خليك مغريه بالفراش اقري عن هالمواضيع واستفيدي
واول ماتجين عنده مو تطبقين كل شي لا سوي نفسك جاهله ماتعرفين شي
خليه هو يعلمك راح تستفيدين كثير منه
شعر جسمك دائم احرصي ع ازالته
=ارسلي له مسج وهو بالدوام او ارسلي له مسج من فتره الى فتره
اتصلي فيه مو خلاص تنسين المسجات والمكالمات مع ايام الخطبه
لاخليك وفيه
اتصلي فيه قولي جاء بخاطري اسمع صوتك وسولفي معه ثم قولي
امي جات او اخوي جاء راح ينصدم اضحكي قولي حبيت ارجعك لورى ايام الملكه ومكالمتنا
و بس دعواتكم

موضوع روعه
مشكوره يالغلا لاهنتي

يعطيك العافيه ع الجهد
تسلمين

أستغفر الله وأتوب إليه
بالتوفيق

يعطيك الف عافيه

موفقه حبيبتي
سبحان الله والحمد الله ولااله الاالله والله اكبر

مشكوره على الموضوع
المفرووض كل وحده تسوي هالشي عشاان تسعد نفسها وعشان تحب نفسهاا اكتر
وهالشي راح ينعكس على زووجها
اما اذا سوت كل هالشي عشانه
ابسط شي اذا ماانتبه لها او قالها كلام حلو
تجي تكتب موضوع وتقول انا اسوي له كذا وكذا وهو مو مهتم
باختصار اذا قامت بهالشي عشاانها فماراح تنتظر مقاابل
واذا عشان زووجها راح تنتظر مقاابل واذا مااهتم او ماجاها مقاابل راه تتعب
وبدل ماتكحلها تعميها