يارب تنحف ويسير جسمها زي عارضات اللي ترد علي من بنات المدينه

*-*(ملكة الفراشات)*-*

24-05-2022 - 02:20 am

السلام عليكم ورحمة الله وبركاته
شو اخباركم يابنات ان شاء الله طيبين
الله يخليكم يابنات المدينة ساعدوني
انا دوبي مكملة سنه ساكنه في المدينة وحابة ادخل نادي واروح لاخصائية تغذية
انا زوجي يشتغل في مستشفى الولادة
ماادري الاقي هناك اخصائية تغذية؟؟؟
وابغى نادي رياضه يكون حلو وقريب مني شوي انا ساكنه في طريق العيون قريب من مسجد اليحيوي
واذا ماتعرفون شي قريب مو مشكلة اي مكان اهم شي ابغى نادي كويس
وياليت اللي تكتبلي اسم نادي وتعرف سعره تكتب السعر كمان
بليز ردو علي بخصوص اخصائية التغذيه
ومشكورين مقدما

التعليقات (9)

ريم العبدالله

24-05-2022 - 05:07 am

الغاليه
بوه بالمستشفى السعودي الالماني
أخصائية تغذيه
وعندهم نادي 800 ريال بالشهر
يعني 13 جلسه
بس والله بعيد شوين عنك
هذا اللي أعرفوه ويارب يحقق دعوتك
<<<<متعقده البنت

الاثيرة

24-05-2022 - 06:08 am

هلا اختي حاسه بمعاناتك جديدة بالمدينه ومو عارفه مكان شي هذا والمدينه الله يرضى عليها وعلى اهلها صغيرة فما بالك بي انا بالرياض (طولت عليكي )
في مستوصف الدار يمدحونه واعتقد قريب منك وبما ان زوجك يشتغل بمستشفى الولادة مرة قريب منه مستشفى المدينه الوطني (المطبقاني) مرة النادي تبعه روعه واخت وحدة اعرفها مرة نزلت عندهم على الايروبيك واعتقد فيه اخصائية تغذيه بس الاسعار ماادري تقدري تتصلي وتسالي
للامانه انا ما جربت اي واحد منهم بس اكثر من وحده اعرفهم جربوهم ويارب اكون فدتك واي سوال انا حاضرة

*-*(ملكة الفراشات)*-*

24-05-2022 - 07:09 am

مشكورين اخواتي وجزاكم الله الف خير
والله ماتقصرون
انتظر باقي الردود

ملكةالرومانسيه رقم2

24-05-2022 - 08:10 am

هلا حبيبتي
ربي يستجيب لدعوتك ياقمر وننحف كلنا
بالنسبه لمكان رياضه انا جربت المطبقاني بس دايما زحمه يعني جات ايام رحت ولا مشيت سير
بس جربت كمان المدينه الطبي كويس وعلى الشارع وقريب منكي
وربي يوفقك وتلاقي الخير

ranodah

24-05-2022 - 09:11 am

أختي العزيزة أهلا بك في المدينة المنورة
النادي الصحي بمستشفى المدينة الوطني ممتاز أنا جربته 26 جلسة أعتقد 1000 ريال كانوا عاملين عرض قبل سنتين
وكمان يمدحوا المدينة الطبي في شارع سلطانة
وكمان عيادات الدكتورة وفاء في الدائري على مااعتقد يمدحوها
والله يوفقك

ام تروكي القمور

24-05-2022 - 10:12 am

د.عزة في مسشفى المدينة الطبي
ناس دركولات عندنا صارن نانسي عجرم يهبلن
النادي فيه وفاء الطبي الجلسة ب200ريال بس ما جربتها ......................يعني ثلاثة مرات بالاسبوع يعني 600 ريال
يعني بالشهر 2400ريال ..................انت و زوجك احق منهم فيها
الدار ما يمدحوه ..............................
اقولك سويلك نادي في بيتك ..عند التلفزيون
خذي الاجهزة من الفالح للرياضة في شارع الملك عبد العزيز ب400ريال و في جهاز للبطن ب 350ريال
تنحفين بشهر
قبل الاكل اشربي برقدوش بدون سكر.....................راح نتحفي باذن الله
البردقوش منظم لجميع هرمونات الجسم .....................................

مابوه نيم

24-05-2022 - 11:13 am

هلا فيك اختي بينا ..
انا جربة عيادات الدكتوره وفاء بالدائري بجوار ديرسن
عندهم 13 جلسة ب 350
بس زحمه حيل والمكان صغير والاجهزه كثيره .. وبيني ويبينك انا تركت النادي وانا ماخلصت الجلسات :(
وبالنسبة للدكتوره عزة بمركز المدينة الطبي كثير مدحوها
والله يسهل امرك

*-*(ملكة الفراشات)*-*

24-05-2022 - 12:14 pm

مشكورين والله يعطيكم العافية
شكلي ان شاء الله بروح للدكتورة عزة
ام تروكي
عندي سؤال: الفالح للرياضه رخيصه اجهزته؟؟
يعني بكم الاقي السير عندهم
ومشكورين جميعا

*-*(ملكة الفراشات)*-*

24-05-2022 - 01:15 pm

انتظر باقي الردود

ابي ازيد وزني ساعدوني←
لرشاقة الجسم دون اى رجيم يالله اتفضلوا→