يافراشات عندي سؤال وعرسي قريب

اول حاجه تبتدين في شراء الذهب هذا المعروف عندنا يالخليجيات وبعدين الملابس وبعدين المكياج وملحقاتها من عطور وغيرها .................واتمنى لك زواج سعيد واتمنى كذلك اني افدتك ..............اميرة الوردي

هلا وغلا اختي
انا بنصحك بنصائح وانا الحين بادية اجهز لزفاف إختي
شوفي خلّي الذهب أخر شيء
ثلاث أشياء اهم من بعضها ولازم كل عروس تبتدي فيها:-
الاول ...
أبدي اول شيء بفستان العرس سواء خياطه ام إيجار وهذا الشيء محتاج منك تاني وتروي ولاتستعجلين خذي راحتك بالتجول بالمشاغل ((ويشمل فستان الليله الاولي وبدلة الصبحية )) 00
الثاني 000
الصالون ..إحجزي صالونك من الحين علشان تضمني خروجك بدري وماتصادفين زحمت العرايس ..في الصالون 00
الثالث00
التصوير ..أحجزي مصورتك من الحين 00
هذي ثلاثة امور مهمة وانصحك البدأ فيها علشان تتفادي خروج الوقت من يدك وماتفقدي اعصابك إذا حسيتي بان الوقت ماعدتي تسيطري عليه 00
ومن بعد هالامور الثلاثة إبدأي بتفصيل الدراريع لانها أصبحت مهمة بوقتنا الحالي 00
وبعدين خذي راحتك بالتسوق000وخلي يومك متنوع فيه التسوق يعني لاتحددين بانك راح تخلي اليوم هذا للبدل او الشنط أو الصنادل ام قمصان النوم يعني روحي ولكن بتفكير وضبط ميزانية 000 لانه بتضيعي وتشتري بكميات كبيرة وتندمي 000
وإذا رجعتي للبيت فكري بكل اللي شريتيه وشوفي إن كنتي تحتاجين اكثر او إكتفيتي 000
ولاتنسين مع الزحمة المسكة 000 وهي محتاجه وقت للإختيار وعلى حسب الفستان ام المكياج 000
وهذي نصيحة مني لكي خصوصا اني متخصصه بتجهيز عرايس عائلتنا 000
على فكرة انا زواج إختي بداية شهر 9 ولحد الحين مابلشت بالتجهيز ولكني على علم والحمد لله باني سوف اسيطر على الوقت من خلال خبرتي 00فلكي كل الاماني بتفكير سليم وروي بما تختارينه من تجهيز لزفافك البهي 000
ولاتنسين إستشيري فقط من تجدي فيها روح الاناقه والرقي في لبسها ,,,فلا تعتمدي على الآراء الكثيرة من قريباتك 00
اتمنى اني قدرت افيدك بسؤالك ,,
ولاتنسين إعزميني 000
أختك
جموح الليل

ان شاء الله بالتوفيق ياقلبي..
اهم شي فستان العرس والصالون
وقمصان النوم والذهب والعطورات والاكسسوارات والدراعات اذا زاركم احد
والميك اب.
والله يوفقج.

بصراحه كان ودي اقولك وانصحك
بس اختي جمووح الليل ماقصرت كفت ووفت
بجد كلامها حكم
ومره اسلوبها راقي
واهم شي الكوفيره
لازم تحجزيها بدري
عشان ماتتوهقين

بالضبط النقاط اللي ذكرتها الاخت جموح الليل هي الصحيحه
و بالاضافه الى الصاله اللي تبين تتزوجين فيها
اذا قررتي عليها روحي بسرعه حجزيها عشان تتأكدين من الحجز و تعرفين موعد التصوير و الصالون و كل شي