يالبيه يا أنا وياحلاتي لا أشتغل رآسي حلا يمي يمي دلع وسنع

•¦რѕнọάr ε

23-09-2022 - 11:58 pm

.
.. .. .. .. { ..
؛ ,
.. ..
مساء الخير .. لعيون كل الصبآيآ اللي دخلو هون ..
وياهلا وألفين سهلا والمهلي ما يولي ..
..
أخباركم .. شعلومكم .. وكيفكم مع المطر الجونآآآن أكيد أحلى روقآآآن
انا لي مدتن عن المطبخ والمنتدى تقريبا .. وأشتقت لكم حيل ...
مريت على قسم المطبخ وشفت حملة دلع وسنع وقلت أشارككم الشغل الطيب والحركات الحركيه
وجايتكم ومعي شي سهل مالقيت له إسم .. بس خطر في بالي من كم إسبوع إني أعمله ..
عموما مارآح أطول عليكم ..
قبل كول شي .. أوريكم الصور وعقب نسولف عن تفآصيله ..
بسم الله نبتدي ..
يمي يمي .. وأنا أرفع الصور أشتهيته وسعابلي قوطرت ..
طيب ها الشي الدميل والمغري .. عباره عن شو يا ميشو ..؟
عباره عن معمول ميني حلواني وشوكلاته خآآآآم بس
ذوبت الشوكولاته 3 انواع .. وغطست فيها المعمول ورفعتها على ورق زبده ..وزينتها بخطوط شوكلاته
البيضا زينتها بني والعكس ..
وخليتها الين جمدت الشوكولاته .. ورصيتها في علبه وغلفتها وأرسلتها كآآآدو لطيف ..
سهله وماتاخذ وقت وطعمها والله خيآآآآل ..
أتمنى تجربوهآ وتعطوني رأيكم ..
حبي لكم ..