ياليت تساعدويني زوجي واهلي

وينكم فراشات؟؟؟؟؟؟!!!!!

انتي الحل الوحييد لهالمشكله لانك حلقة الوصل بينهم
نادي عمك او خالك واجمعي ابوك وزوجك مع بعض ولاتطلعو من المجلس الا وانتو متصالحين

على حسب المشكله
فيه مشاكل يحصل فيها صلح وفيه مشاككل لما تحااولين تصلحين تكبرينها
وانتي ابخص بنوع المشكله الحاصله
بس خليك محايده
قولي لهم الي بينكم مالي دخل فيه
الله يصلح الحال

مشكوره سيسمي ع رد الحلو
ومشكوره العهد ع ردج الحلو
مشكله ان اهلي طلعو قرون في زوجي ايام ملكه كانو مدخلين بكل شيء وما كانو يرضون نجلس مع بعض
ويوم حددنا انا وزجي نتزوج بسرعه ونفتك
رفضوا قالو حنا قلنا سنه
ويوم رحنا محكمه قاضي قال حق زوجي باي وقت تقدر تاخذ زوجتك سوا بعرس ولا بدون عرس
واهلي رفضوا لين اخر شيء تنزوجان وتم خاصم بينهم

الله يعينك
يلا رمضان على الابواب قولي لهم الصلح خيير

مشكلتك مره حساسه خليك محايد احسن

مشكوره موضي ع مروج الحلوو
ومشكوره الفراشه ع مروج
ادعوحقي الله يصلحهم
وخاصه ابوي يباني اتطلق من بعد ما صارت مشكله كل يوم يقول اتطلقي
ولا يقول سمعت ناس تقول بنتك ناويه تتطلق
ولا امي يوم خبرته اني حامل باول مره والحمدلله ع كل شيء اجهضته
قالت حقي انتي مجنونه اتجبين عيال من زوجك يا ويلك تجبين عيال لن طلاق احسن شيء حقج
والله اهلى تعبووا نفسيتي
مدري كيف اتصرف معهم
ومشكله ابوي قال حقه قبل زواج طلق البنت وهو ما رضي
والحين اذا صار بينا خلاف بسيط بيني وبين زوجي يقول حقي هي اكيد اهلك يبونك تتطلقين
مدري كيف اتعامل مع زوجي ولا مع اهلى

الله يفرجها عليكي ويريح قلبك بالي تبغيه عاجل وغير أجل
ياتري لو كان الامر معكوس وانتي الي متضايقه من أهله .. كان هيسمحلك تعاملي أهله بالأسلوب الغير محترم هادا ؟!!
تري السلام لله والأحترام للكبير واجب ..بابتك رجال كبير وعيب الي يسويه زوجك المفروض زي أبوه يعامله
والشئ الي سووه اهلك قبل زواجك كل الأهل يسوه .. ماهي جريمه لدرجه انه يعاملهم بالشكل دا ؟؟؟؟؟؟
خلي زوجك هو الي يكبر راسه .. والمفروض هو الي يبدأ بالتصرف الحسن مو بابتك .. ورمضان جاي وخلي النفوس تتصافى
وهادي فرصه تعزمو بعض علي الفطور وتتجمعو
انتي لكي دور في مصالحتهم علي بعض حنني قلب زوجك علي أبوكي والعكس
بالكلام الطيب والعزايم والهدايا
يعني مثلآ حاولي تجيبي هديه حلوه لبابا
تكوني مختارتها أنتي وزوجك ولا تقوليلو غير بعد ماتختاروها مع بعض
ولو زعل اتدلعي عليه وذكريه انهم أهلك هما الي اهتمو فيكي وبتربيتك وتعليمك لحد ماصرتي ماشاء الله عروسه حلوه وزوجته
ومهما صار هادول أهلك واحترامهم وكرامتهم من كرامتك
وزي مابحترمي اهله وتعامليهم أحسن معامله لازم هو كمان يحاول يحترم أهلك علشانك
وصدقيني بابتك لو شاف منه اي تصرف طيب ومحترم
هو كمان راح يحاول معاه ويتصرف بهدوء علشان خاطرك
أكيد الموضوع يبغاله فتره وصبر ومحاولات منك ومن أقاربك
بس أن شاء الله الامور راح تكون أحسن .. تفائلي خير وحاولي ولا تيأسي
الله يوفقك ويسعدك مع أهلك وزوجك ويهدى النفوس بينكم يارب

تسلمين توته ع رد الحلوو
الله يسمع منج
كم مره حاولت مع زوجي انروح نتعشى بيت ابوي مب راضيه
ومشكله حنا جيرانا يعني بينا حايط بس
اهله كلهم زين مع هلي يتكلمون يسالفوون الا هو مكبر راسه
الله يهديه