يامتزوجات أدخلواأبي آخذ رايكمأدخلو لاتفشلوني

1. أهو طبعا مايدري..قال لي ليه مسويه كل هذا؟ قلت؛حبيبي علشانك

بسم الله الرحمن الرحيم
السلام عليكم ورحمة الله وبركاته
أخواتي بقولكم عن موقف صارلي مع زوجي وبعد هالموقف كرهت أسوي له حفلات وسهرات خاصه
بس تكفون أبي تفاعل منكم وأبدوا آرأكم هذا أول موضوع لي تفاعلوا الله يخليكم
كان زوجي طالع عن البيت معزوم عندربعه على العشاء فتذكرت أن اليوم هذا يوم ميلاده فقمت وتجهزت وسويت له كيك وعصيرات وجيلي ومن هالحركات..... بعدين لبست وكشخت وولدي وديته لبيت أختي حتى مايسوي لي قلق ويزعجني..المهم بعد ماخلصت أتصلت في زوجي الساعه 11ونصف وقلت له أبي أغراض؟قال اذاجيت بجيبها معاي؛قلت لاحبيبي أبيها ألحين لأن أختي بتجي زوجها بيستلم وبتسهر عندي وأبي أغراض للسهره؟؟؟خلاص بكتبها لك في ورقه وتعال للبيت وخذها؟قال OK
المهم جاء للبيت قلت له كل عام وأنت بألف خيروشغلت المسجل أغنية عبد المجيد عبد الله غنو لحبيبي وقدمواله التهاني في عيد ميلاده عساها مية عام

أهو طبعا مايدري..قال لي ليه مسويه كل هذا؟ قلت؛حبيبي علشانك

أبتسم وقالي طيب أبي عشاء والله ماتعشيت عند ربعي الأكله ماعجبتني؛يالله أبي أخذ لي شوروأرتاح عند التلفزيون وبعد مأتعشى نسوي اللي تبين... وأنا عارفه أن أكل المطاعم يسبب له حرقان يعني غصب عني أسويله عشاء فاحترمت نفسي وقمت وغيرت ملابسي ولبست لبس بيت عادي ولميت شعري ودخلت المطبخ وسويت له عشاء بصراحه وأنا أسوي العشاء ودي أصارخ من القهر
جبت العشاء وجهزته على الطاوله ورحت له بالغرفه وقلت يالله العشاء جهز قال يالله تعالي نتعشى قلت لابس أنا سابقتك راح وتعشى وأناجلست بغرفتي وطفيت الشمعات والحركات وجاء قال؛أنا بطلع أمشي ألحين والساعه 2 برجع علشان اللي أنت مسويته وطلع؛؛؛قمت ولميت الأغراض والحركات والعصيرات ووديتها للمطبخ ورجعت لغرفتي ونمت ولا صحيت الا لصلاة الفجرناظرت لقيته مابعد جاء سمعت جوالي يرن فرحت قلت أكيد هو اللي يتصل كلمت لقيتها أختي وش رايكم باللي سواه فيني أسأله ليه سويت كذا يقول آسف ماتوقعت أنك بتزعلين ...
أقول له ليه سهرت برا يقول عجبتني جلست الشباب وجلست قلت وأنا قال السهره بدالهاسهره
تكفون أبي آراء وردود تقنعني آسفه على الاطاله