يامرفأ اشواقي الأوحد بين الأنواء

((يامرفأ اشواقي الأوحد ...بين الأنواء))
ابطال الروايه:
ساكتب اسماء افراد العوائل فقط اما شخصياتهم واعمالهم فمن خلال القصه ستعرفون
عائلة ابوفهد..
ابو فهد:عمر..اخو ابو سلطان وعندو شركه كبيره شريك فيها هو واخوه وابو ماجد
ام فهد:سماح اخت اميره
فهد:عمره 24
جود:21
ليان:19
لمى:18
عائلة ابو سلطان
ابو سلطان:محمد.. اخو ابو فهد وشريكه
ام سلطان:اميره اخت ام فهد سماح لان اخوين ماخذين اختين
سلطان:24
سهى:20
عائلة ابو ماجد
ابو ماجد:عبد الله ..اخو ام فهد وشريك ابو فهد وابو سلطان في الشركه
ام ماجد:ليلى
ماجد:23
سالم:20
اروى:17
ام عمر:عزيزه وعندها ولدين وبنت لان توفو لها وهم صغار ولد و3بنات
وعندها بنت علي قولتها جات على كبر
اسمها اريج:وهي لها 3 اشهر متزوجه وعمرها 24وعلا قتها قويه مع بنات اخوانها
الجزء الأول
نظرت الي نفسها فى المراءة والى المره الالف تتاكد من اناقة ملبسها واكتمال مظهرها
ابتسمت لنفسها بغرور ووحملت العباءه على يدها وخرجت الى غرفة اخواتها تستعجلهم بالخروج
جود:لمى وليان بسرعه اتاخرنا عمانى وبناتهم دحين سبقونا
لمى وهي خارجه: طيب طيب
ووقفت تتامل جود:الله جود شكلك اليوم روعه وخصوصا مع اللون التركواز معطيك شكل
جود بخجل: شكرا لمو عيونك الحلوه وانتى الاحلي بس يالله اتاخرنا فين ليان
لمى :ليان مع امي تحت يستنونا
ونزلو البنات وراحو لبيت جدتهم لان اليوم خميس يوم اجتماع العائلة
............................................
البيت رجه والاصوات في كل مكان
البنات ليان وجود ولمى سهى واروى كانت معاهم لانهم متعودين يتجمعوا مع بعض جالسين في الصاله اللى فوق وانواع الهبال والسواليف واللى تحكي عن المدرسه واللي تتريق وجلسه حلوه بينهم
سهى:الله مين ينزل المطبخ يجيب لنا عصير الكوكتيل اللى في الثلاجه
لمى:انا مافي حيل خلي اروى تقوم
اروى :ياسلام واشمعن انا كل مافالو شي قلتى لمى وليه ماتقومي
لمى :مو يقولو صغير لقوم خادمهم وانتى اصغر وحده فينا يالله قومى
اروى :لاوالله بس شهرين ونص خلتينى اصغر منك بكثير واصلا كنت بقوم بس عنادا ماراح ومدت لها لسانها
جود: وبعدين معاكم دحين من اللى حيقوم
ليان:اش رايك جود اقوم انا وانتى
جود :ياللا خليهم ذولا كل وحده تقول للثانيه انتى بس لو جبنا الكوكتيل لى واروى مايشربوا
اروى :ماراح يكون طعموا حلو لو ماشرنا معاكم
لمى :احنا الحلى اللى فيه
اريج: مساكين مصدقين عمركم
جود وليان وسهى واريج:ههه
ولمى واروى مسوين نفسهم زعلو
.................................................. ..................
نزلت جود وليان
قابلتهم خالتهم اميره:جود فين البنات
جود: فوق ياخاله بس نازلين نجيب كوكتيل وقلت مره وحده اجيب معجنات ونتسلي
ام سلطان:خلاص بس لاتكثروا اكلل انو دحين بيجى العشي
جود:ان شاء الله خالتى
جود صبت الكوكتيل وليان اخذت المعجنات وطلعوا
.................................................. ...
اول مادخلو على البنات نطت لمى واخذت كاستين والمعجنات وشردت عند اروى وقعدوا ياكلو
جود: ماشاء الله عليكم انتو الاثنين اصلا كنت بحرمكم بس رحمتكم اقول ممكن تعطونا شويه
اروى: بعد التفكير والتدبير قررنا انا والعانسه عفوا لانسه لمى نعطيكم مهانا وذلك اكراما منا
لمى: عانسه فى وجهك هذا جزائى هيا مالك
اروى: افا لمو انا قصدى انسه زلت لسان بس امواح حبيبتى انتى
لمى :خلاص سامحتك اخر مره
البنات يضحكوا عل اروى ولمى:ههه
سهى :الله لايحرمنى منك جودى ولاليونه تسلمو والله
جود:عادى سهى اصلا كنا كلنا نبى كوكتيل وانتى اللى تكلمتى
جود: ياربى ماتذكرت اجيب الشطه ما احب اكل المعجنات الا بها
انا نازله لاتخلصو علي
لمى : من عنونا ابشري
.................................................. .........
في هذى الاثناء كانوا الشباب هلكانين بعد الكوره وجالسين في بيت الشعر اللى بي الحوش
فهد: هاه شباب ماجعتوا
سالم: ابوى يقول دحين بيحطوا العشاء
سلطان :والله انا بصراحه ما استحمل بروح اشرب مويه علبال ماتحطوا العشاء
فهد: اوكي بس لاتتاخر اذا جاء العشا ترى مابزهمك
سلطان:والله فهود تقدر تسويها انت خلاص سويها وشوف اصلا ما بتاخر وراح وهو مسوي نفسوا معصب
فهد وسالم:ههه
.................................................. .......................
راح سلطان المطبخ من الباب الخارجى وهو متعود يدخل دايما ومافي احد
دخل المطبخ وتفاجا ببنت قاعده تدور في الادراج ومي منتبهه لدخلتوا
سلطان ماقدر يمنع نفسوا من انو يطالع فيها ويقول في نفسوا: ماشاء الله من هذى روعه شعرها كستنائى وناعم منسدل علي ظهرها وجسمها متناسق ورهيب انخبل عليها
وفي لفت جود اللى لقيت الشطه ولا:طراخ
جود وهي معصبه: بسم الله الرحمن الرحيم لا احم ولا السلام عليكم داخل كذا
سلطان انحرج ونزل عينو:اسف والله ماكان قصدى اعتذر
جود :اوكي حصل خير سلام
.................................................. .....................
سلطان ضل واقف مكانو وهو يشوف جود وهي تبتعد
سلطان يكلم نفسوا: خساره زعلتها بس والله ماكان قصدى لكن
ماشاء الله عليها حلوه مدرى مين هذى ليان ولا جود ولمى بس اعتقد لمى واروي صغار
وهذى باين شكلها اكبر يمكن جود اوليان
وشرب مويه وطلع
.................................................. ..........
جود وهي راحت للصوفيا صوفيا شوفى الشطه طاحت منى روحي شيليها طيب
صوفيا: تيب ماما بس انا في خلص كوى وبعدين في روح
جود بعصبيه: ماما في عينك لادحين قبل لاتجى جدتى تخاصم
صوفيا بضجر:تيب تيب دحين خلاص
.................................................. ..................
ليان:هاه جود ساعه تجيبى شطه وفي الخير ليتك جبتيها
اريج :كنت سالت صوفيا ولا سوتامى عنها
جود: كانو مشغولين وما حبيت ارحلهم
سهى:ههه اصلا خلاص اذا لقيتيلك لمى واروى ماقصروا بلعوا نصها
اروى : كح كح لمو مو كانى سمعت اسمى واسمك
لمى وهي تاكل: ماعليك طنشيهم هم مقهورين مننا علشان اجسامنا حلوه وهم مومياءات
ليان وسهىواريج:ههه الحمد لله والشكر ما ادرى مين المنطاد
لمى : صح ما ادرى يمكن اروى
اروى: انا يابرميله منطاد اوريك وقامت فوقها تشد شعرها
البنات:ههه
لمى :لالا رورو مو قصدى حبيبتى انتى انا قصدى سهى
اروى: اها احسب بس
اريج: الحمد لله قبل شويه تضربها مسرع ماسامحتها
ليان: خبل الله يعينهم على نفسهم
سهى:ههه ايوه صادقه والله
ولمى واروى مقهورين
جود كانت متضايقه مره من تصرف سلطان وسهى لاحظت عليها
سهى:جودى حبيبتى ايش فيك؟
جود: ها لاولاشي
سهى: جو لاتخبي علي انا اعرفك
جود: خلاص سهى بعدين اقلك
وشويه نزلو للعشي......
.......................................
لمى: اهي اهي... العشي يشهى وانا شبعانه
اروى: واع حتى انا كمان
اريج: ههه تستاهلو محد قلكم خلصو صحن المعجنات حتى جود مسكينه مابقيتو لها
جود: لااصلا انا ماكنت مشتهيه بس قلت اكلمعاكم بالعافيه عليهم
سهى: بس يستاهلوا احسن دحين قلبى ارتاح
لمى : حرام عليك سهى احنا ماسوينا شي
ليان : عن البراءه بس يامصايب
ام فهد : بنات كلو وبعدين كملو سواليفكم الله يهديكم
البنات: ان شاء الله خالتى
......................................
اروى: لمى تعالى نطلع الحوش الخلفي عند المسبح
لمى : بس ماتخافي يكون احد من العيال هناك
اروى: لاما اعتقد قاعدين يتعشوا وكمان احنا بنروح بالحوش اللى ورى
لمى : اوكي ياللا
خرجت اروى ولمى
اروى: الله الجو جنان ياحظهم الاولاد كانو قاعدين يلعبوا
لمى: ايه والله
..............................
لمى : اروى طالعي للقمر اليوم مكتمل شكلو روعه
اروى تطالعو وهي ساكته ماترد
لمى: اروى وجع ايش فيك تكلمى
اروى: ايش اقول
لمى : اللى يسمعك اول يقول دى مسجل ماتسكت
اروى: طالعت فيها وسكتت
لمى: رورو انا اعرف ايش فيك لاتخبي تراهم طيبين ويسلموا
اروى: اه هذولا الناس هم الله واحشينى وربي مشتاقتلهم
لمى: الله الله اروى رومانسيه شكلك مسخنه
اروى: هو فهودى خلانى طيبه
لمى: الحمد لله والشكر محدق لك حبيه وكمان مافيه شي ينحب
اروى: حرام عليك والله انو طيب وعسول وحبوب وو...
لمى:ههه وايه كمان
اروى وهي تطالع للقمر: وانا احبو
لمى: اقول ترى انا ما اعرف هذى الخرابيط لاتعلمينى لسه صغيره عليها
وجلسوا لمى واروى يسولفوا
لمى: انا بردت بروح اجيب لي شال خليك هنا برجع بسرعه
اروى: اوكي لاتتاخرى
في هذى الاثناء خرج فهد وراح للحوش الخلفي يكلم احمد
فهد: ايوه خلاص ومتى بتروحوا الاستراحه
احمد:......................
فهد:طيب اتفقنا
احمد:......................
فهد: ههه خلاص وعد منى اجى مايسير في خاطرك الا الطيب
احمد:..............
فهد:يالله فمان الله
وهو يقفل موبايلو لمح وحده جالسه على طرف المسبح ومحطيه رجولها في المويه
شاف الشامه اللى في يدها وعرفها تنهد : اه يا اروى وربي احبك
قرب منها
اروى : هاه لمو جيتى
فهد: السلام عليكم
اروى انفجعت:وو........ عليكم........ الس السلام
فهد : كيفك يالغاليه ان شاء الله بخير
اروىفي قلبها واى قال الغاليه:الحمد لله بخير عن اذنك انا داخله
فهد: افا رورو مانصدق نشوف القمر يقوم مايبانا
سهى وهي مستحيه: لا بس ليان تبغانى يالله باى
فهد: الله معاك وبصوت واطي.....حبيبتى
سهى سمعت وارتجفت بس دخلت بسرعه وفهد ابتسم وراح للشباب
جود لهذى الدرجه متظايقه من حركة سلطان ولا شي ثانى خلاها تتضايق اكثر؟
سلطان ايش بيسوى بعد ماشاف جود؟
لمى بعد مادريت انو فهد يحبها ايش حيكون موقفها؟
سهى واريج وليان ولمى وجود واروى
سالم وماجد وسلطان وفهد
ايش دورهم بالقصه وايش الاحداث اللي حتسير لهم؟
انتظرو كل ذلك في الجزء القادم
مع احداثه المدهشه
لا تحرمونى من ردودكم وتوقعاتكم فانا في شوق لها
صدى الآمال

هلا حياتي
انا الصراحه مابعد اقراها
بس اكيد الحلو مايجي منه الا حلو
والي عوده بعد ماقراها اوكي
تحياتي

مشكوره حزن على ردك حبيبتى
وهذى اول روايه لي
واتمنى من قلبي انها تعجبكم
انتظر ردك
وباقي الردود

لا مو معقوله ولا رد
القصه ماعجبتكم
هي بس بدايه
والاحداث كلها في الاجزاء الجايه
ليه محد رد

انا مسافره وبعد اسبوع بكمل الجزء الثانى ولو مالقيت ردود
ماراح اكملها هنا في الفراشه
سي يو

يا حبيبتي القصة شكلها حلووه ..
ونا بكره مسافره لأجل كذا مابي أقرا ثمن أتعلق فيها .. لكن ليله بقرها على رواقه و نزلي بارت ثاني هع هع رشووه هاه ههه يلا سيا ليلله << حركات
ونا بشجعك لحد ما تخلصي القصة أحب أقرا من عند الكاتبه نفسها لأني ماحب أقرا منقولات بس هم نتظر بعض الأحيان نقرا منقولات ههه ..

القصةةةةةةةةةةةةة حلو بالمره تسلمي ع البارت وراح انتظرك

ثناء الحب
تسلمى ياقلبي اسعدنى ردك
وراح اكملها علشان خاطرك انتى وحزونه
يالله لاتحرمينى ردودك الحلوه
تحيتى لك

الجزء الثانى
في بيت ابو سلطان
سهى تكلم جود بالتلفون: وبعدين معاك جود ماقلتيلى ايش اللى ضايقك اخر شي
جود: خلاص سهى قفلي السالفه مافي شي
سهى: جود طيب....
جود: سهى عمرى معليش امى تنادينى اكلمك بعدين اوكي
سهى بقهروعارفه انه تتهرب :اوكي فمان الله
جود :باي
سهى: باى
قفلت سهى السماعه بعصبيه ومقهوره لان جود اول مره تخبي عليها شي
سلطان وهو داخل:اوف اوف شويه على التلفون مسكين ايش سوالك
سهى: سلطان تكفي خلاص مو ناقصه انا
سلطان: ليه ايش فيك معصبه
سهى : دى جود مدرى اشبها
سلطان ماصدق تفتح سالفة جود:اها جود اللي شعرها كستنائي بطبيعتو مو؟
سهى: ايوه ماشاء الله عليها تشبه جدتها الله يرحمها كان لون شعرها كستنائي بطبيعتو غير عن اخواتها
سلطان وهو مبسوط لانو تاكد انها جود: اها
سهى: بس انت ايش دراك
سلطان ارتبك: هاه لا ولا شي بس داخل مطبخ بيت جدتى لمحت بنت شعرها كستنائي وعلى طول خرجت
سهى طالعت فيه بنظره وابتسمت بخبث
سلطان وهو مقهور من حركتها: وبعدين ليه تطالعينى كذا
سهى: ههه لابس اخوى واعرفو على طول خرجت هاه
سلطان: أي على طول خرجت اقول سكرى فمك ابى اتفرج
سهى:ههه
*************************
جود بعد ماقفلت السماعه تنهدت ياربي ايش اقولها والله الموقف سخيف
وكمان انا يش اللى خلانى انقهر يمكن بجد سلطان ماكان قصدو بس انا مكبره السالفه عالفاضى وربي انى سخيفه بستنى المغرب واتصل بسهى اكيد زعلت واحاول اراضيها لانو الموقف ككل عادى
***********************
ماجد : اقول سلطان كلمت الشباب على الاستراحه
سلطان: اوه والله نسيت
ماجد عصب : طيب سلطانوه محد يعتمد عليك وانا مجهز كل شي عالبالى اتفقت مع الشباب
سلطان وهو عارف ماجد اذا عصب : لا خلاص دحين اكلمهم بس سالم جاي معانا
ماجد: لا ما اظن معاه مباراه هو واصحابه
سلطان: اوكي بكلم دحين فهد ولد عمى وجاسم وناصر وهم يتفقوا مع باقي الشباب
ماجد: اتفقنا ويوم الخميس نتجمع كلنا ونمشي سوا
سطان: ان شاء الله وانا اول واحد بسبقكم وبشترى الاغراض
ماجد: خلاص اجل اعتمد عليك وياويلك لو اتاخرت زي دايما
سلطان: ههه لاان شاء الله اسبقك
******************************
لمى: اروى تعالى عندنا من زمان عنك وحشتينى ياقلبي
اروى صارت ماتكثر جيات لبيت خالها لانها تستحى من فهد بعد ماعرفت انو يحبها: احم بس انا ما شتقتلك
لمى: اروى بلا بياخه تعالي جبت افلام سي دي من عند رويدا تعالى نتفرج
اروى:ههه امزح وربي حتى انا اشتقتلك وكان قلتى من اول انك جبت افلام خلاص بروح اكلم ماما
وسكرت السماعه بسرعه بدون ماتقول مع السلامه
ولمى تضحك عليها لانها تعرف حركاتها
وشويه الا اروى متصله
اروى: لمو مسافة الطريق وانا عندكم
لمى: رضيت خالتى
اروى: ايوا بعد ما جلست ازن على راسها لين رضيت يلا بروح البس علشان اجى
لمى :وانا كمان يالله سي يو
اروى: باي
***********************
فهد اتصل بسلطان: سلطان خرجت
سلطان: لالسه دحين بخرج
فهد : طيب اجل بروح معاك لانو سيارتى في الورشه
سلطان: دقايق وانا عندك
فهد : اوكي تسلم
********************
سلطان طالع نفسو في المرايه وهو يتذكر كيف شكل جود غمض عينه وابتسم لنفسو
واتاكد من مظهروا وخرج
سهى وهى جالسه فى الصاله والهدفون في اذنها
والا سلطان نازل من غرفتو
سهى: الله ايش دى الشياكه كلها لمين هاه ؟
سلطان: ههه مو لاحد بس متجمع انا وعيال عمى والشباب في استراحه
سهى: بس بدرى لسه دوبو المغرب
سلطان: ههه هذا ماجد ولد خالى ياويلي منو لوا تاخرت
سهى: ههه يعرفلك ماجد
سلطان: يالله تبي شي انا خارج
سهى: لاسلامتك الله معاك
*************************
في بيت ابو فهد
فهد كان برا يستنى سلطان اللى اتاخر عليه لين اذان العشاء
الا وسيارة ماجد جايه
ونزلت منها اروى
فهد وعينو على اروى: هلا والله تو مانور البيت
اروى دخلت بسرعه ولا ردت
ماجد :منور باهلوا وانت ايشبك واقف هنا
فهد: انتظر سلطان قال بيعدى على واتاخر
ماجد: يمكن نسي اركب معاي وانا اوديك
فهد: لابس هو مكلمنى قبل لا يخرج وقايلي اجهز
ماجد: انت ماتعرف سلطان يومو بسنه
فهد: ههه وانت الصادق
وركبو السياره ومشوا
***************************
جود وهي دوبها جايه من السوق هي وليان
جود: الله اروى عندنا ما صدق منوره البيت
اروى : منور باهلو غلاي
لمى: ايش اشتريتو يالا وروني
ليان: لحظه انتى مرجوجه دوبنى لسه جايه مهدوده خليها بعدين
لمى: ماسمعت كلامها وقامت تفتح الاكياس وتعلق هي واروي على الملابس والاشياء اللى اشترتها ليان وجود
جود: ايش رايكم اليوم نخليها سهره ونتصل بسهي تجى
ليان: فكره جود روحي اتصلى
جود: طيب بس بصلى العشاء ماصليت واروح اتصل
********************************
ماجد: لاحول دحين الساعه عشره وسلطان ما وصل
فهد:طيب اتصل عليه شوف
ماجد: من اول اتصل جوالو مقفل
فهد: غريبه سلطان مايقفل جوالو ابد
احمد: طيب اتصل على بيتهم شوفو
ماجد: طيب
واتصل ماجد ببيت ابو سلطان
سهى: الوو
ماجد وهو مستعجل ومقهور من سلطان: هلا كيفك سهى
سهى وهى متشققه من الوناسه بسماع صوت ماجد: الحمد لله طيبين وانت كيفك؟
ماجد طنش سوالها وقال: سلطان موجود
سهى: والله ما ادرى هوه ماجاء عندكم خرج من المغرب
ماجد وهو معصب: يعنى لو كان جاء كنت اتصلت يالله مع السلامه
سهى وهي حزنانه و مستغربه منو اول مره يكلمها كذا: مع السلامه
************************
ماجد : اوف مو فيه من المغرب طالع مدرى متى يلتزم بالمواعيد ويجى بوقتو
فهد: والله حتى انا المغرب اتصل وقلي استناه لانو خرج بس اتاخر
عبد العزيز: شوف لايكون فيه شي مو معقوله كذا دام انو خرج من المغرب فين راح
وجوالو مقفل
فهد: ايوه صادق ماجد قوم خلينا نشوف فين سلطان
ماجد: بكلم ابوه يمكن يعرف فينو
ابو سلطان: هلا والله ماجد كيفك يابوي
ماجد: بخير عمى اقول عمى ماشفت سلطان
ابو سلطان: الا المغرب قابلتو طالع للشباب بالاستراحه ليه هو ماجاكم
ماجد وهو مو عارف ايش يقول: هاه.. لاعمى انا مدرى لسه مارحت الاستراحه بروح واشوفو
ابو سلطان: طيب ياولدى تلاقيه سابقك لانو قايلى ماجد متوعدنى ليه ايش ناوى تسوى لولدي؟
ماجد بتوتر:ههه ولا شي بس لانو دايم يتاخر ياللا عمى استاذن
ابو سلطان: اذنك معاك ياولدي
**********************
بعد ماقفل ماجد من سهى
سهى وهى تبكي: ياربي انا ايش سويتلو علشان يعصب علي وكمان ايش درانى عن سلطان
الا شويه قامت نقزت: صح سلطان خرج من المغرب معقوله مالحقهم قامت اتصلت عليه جوال
الا جوالو مقفل وزاد صياحها مى عارفه ايش تسوى
*****************
جود: سهى قلبي ايش بو صوتك تبكى
سهى: سلطان ياجود مدرى فينو
جود: ليه هوه مو مع الشباب
سهى : ما ادرى بس دوبو ماجد اتصل ويقول فين سلطان وعصب عليه
وقامت تبكي
جود : خلاص حبيبتى لاتبكي دموعك غاليه دحين اتصل بفهد يمكن سلطان معاه
سهى: الله يسعدك ياجود اتصلي دحين ابى اتطمن وربي قلبي مو مطمني
جود : من عيونى بس انتى اهدئي دحين
جود وهي تتصل بفهد
جود: فهد سلطان عندك سهى على التلفون تبكى تبى تكلمو خايفه عليه
فهد: لا سلطان ماجاء اليوم بس انتى هدى سهى عبال ماندور لو
جود: ليه هو ماجاء الاستراحه اصلا
فهد بحزن: لاما جاء بس دخيلك ياجود لاتخلي احد يحس ولا تقولو لسهى بندور عليه وبنشوف
جود رقيقه مره شويه وتبكى على حزن اخوها وبكي سهى بس اتماسكت ورجعت تكلم سهى
جود: سهى ياقلبي سلطان مافيه شي بس هوه شويه مشغول مع الشباب
سهى: الله يخليك جود خليه يكلمنى طيب
جود: ما اقدر سهى فهد مره مشغول وفقال لي لعد اتصل لانهم يجهزو العشاء
سهى: طيب خلاص انا تعبانه بروح انام
جود: يعنى مو جايه عندنا
سهى: لا مره ثانيه
جود : الله معاك
سهى: باي
وقفلت جود عن سهى واتنهدت خايفه على ولد خالتها يسيرلو شي وحزنانه على سهى لانها عارفه انها تحب ماجد وماجد يحبها بس ماتدرى ليه عصب عليها
لمى: الاخت سارحانه جود
جود: وجع لمو متى تعقلي
اروى: لمن تحج البقره على قرونها تعقل
ليان: ترى انتى معاها ماخس من قديد الا....
اروى: الا ليان ههه
ليان:ههه ماتضحك هاه جود سهى جايه؟
جود : لا تبي تنام
ليان: اها خلاص اجل يلا ننزل تحت نكمل سهره جهزت الفديو والشبسات والبيبسي
اروى والله ياللا لمو قبل لايجو يخلصوها علينا
جود: لاانا منى نازله جانى نوم بنام
لمى: خلاص احنا تحت لو جفاك النوم فلا تترددى بالنزول
ليان: ههه بايخه لعد تعيديها اقول ياللا الفلم طويل خلينا ننزل نشوفو
اروى ..لمي: يالا ليان معانا انت يويلك نستفرد بك
ليان: اوريكم بس انتو سولي شي وحتشوفو
*******************
سهى وهي في سريرها: يارب يكون سلطان بخير
بس ايشبو ماجد معصب انا ماتكلمت بشي
غلط طريقتو هذى ليه كذا يسوي فيه ليه وقامت تبكى على اخوها والم قلبها
ونامت والدموع مبلله مخدتها
******************
فهد: هاه عبد العزيز لقيتو
عبد العزيز: لا لسه دورتلو في كل مكان اتوقع الاقيه بس مو فيه
ماجد: انا لله وانا اليه راجعون ارجع دحين ونشوف طريق بيتهم يمكن صار لو شي
فهد: اتعوذ من الشيطان سلطان ان شاء الله بخير بس يمكن مشغول
ماجد اتنهدوالا شويه جوالو يدق
ماجد:السلام عليكم
المتصل: ...............................
ماجد: لا انا ولد خالو عسي ماشر اخوى
المتصل:...........................................
ماجد: وين لاحول ولا قوة الا بالله خلاص دحين اجى
المتصل:.......................................
ماجد: لالاماراح اتاخر
وسكر السماعه وعلامة الحزن باديه عليه
فهد: مين هاذا ياماجد
ماجد :.....................
ماجد: فهد اتصل بعمى محمد خليه يلحقنا على مستشفى الملك فهد
فهد: ليه ايش صاير ماجد
ماجد : سوي اللى قلتلك عليه ولا تقلق عمي بس قلو يجينا هو واعمامى
فهد : ان شاء الله
وخرج الشباب من الاستراحه باتجاه المستشفى وكل واحد يتسائل في نفسوا ايش فيه سلطان والافكار توديهم
سلطان اين هو؟..
سهى ماذا ستفعل؟..
ماجد كيف سيتصرف؟..
ابو سلطان ماهي ردة فعله؟..
انتظر ردودكم علشان اكمل الجزء الثالث
تحيتى لكم حبايبى