ياناس ياعسل الرز البخاري من ايدي وبالصور وصل

السلام عليكم ورحمة الله وبركاتة
هذا رز بخاري ولا أروع لأني بصراحة أشوف هالمطاعم ماغير كمون حب واكتشفت إنه هو سر النكهة للرز ..
وقلت فسري عن ايدينك يا أم عموري وجربي وش أنتي خسرانة ... والله ماصدقت أم عموري وبدت بالشغل
وهذي المقادير الله يطول باعماركم على حسن عمل :
دجاجة وتبليها بصلصة وبهارات وملح وكمون وثوم وفلفل أسود وشوي زيت زيتون وإذا عندك الشواية تطلع
ياسلام ..
أنا عندي الشواية اللي لها قاعدة صغيرة زي الصحن المجوف شوي وتجي معها حدايد تثبتينها عليها بشكل
طولي وتاخذ دجاجة وحدة بس .. إذا أمكن نزلت لكم صورتها لأني اليوم طابخة نصف دجاجة وحطيتها بصينية
ودخلتها الفرن من تحت وبعدين يوم جيت أحمرها من فوق عصرت عليها شوي ليمون لأن يخلي الدجاج
يقرمش وهذي طريقتي أمي الله يحفظها..
أما الحين نجي لطريقة الرز:
(أنا استخدمت هنا الرز ابو حبة كبيرة)
أول شي أحمس البصل لين يتحمر وأضيف له جزر مبشور وأحمسه معه شوي وأضيف البهارات وكمون حب
وهذا سر النكهة وهيل عدل ومسمار وقرفة .. بعدين أضيف صلصة وبعد ماينحمسون شوي أضيف لهم
طماطم مطحون بالخلاط وحبة ماجي وأضيف لهم ماء على حسب كمية الرز اللي عندي وبعد مايطبخ شوي
أضيف الرز عليه..وأخليه لين يستوي ... وهذا شكل الرز مع الدجاج..
وهذي صورة ثانية..
وألف صحة وعافية على قلوبكم .. وأي استفسار أنا جاهزة..