يجيم خاص للعرايس نزلني 30 كيلو من اربع سنين لهلا ما زدتهم

1. اول شي نصائح للعرائس:


2. الريجيم :


3. 10- للبنات اللي بيعانو من السيليوليت اللي حكينا عنو بالسابق:

مرحبا يا عرايس...انا اخصائية علاج طبيعي وحبيت اساعد العرائس بذكر طريقة لتخفيف الوزن لانو متلي متل كل العرائس مهتمة بانو اكون على الوزن المثالي بفترة العرس....وغير تخصصي فانا نزلت 30كيلو من وزني وحبيت افيدكم فيه .....صبايا واللي عندها اي سؤال تسالني فيه وراح اجاوبها ان شاء الله ......

اول شي نصائح للعرائس:

1- كثير من العرائس تلجا لرجيم سريع ومتعب والهدف منو انو تنزل وزنها بشكل كبير وسريع وهي مو عارفة انها بتقتل جسمها و جمالها وذلك لان الريجيم السريع والغير مدروس بمجرد ايقافه بتكون العضلات راحت فيه ومكانها بيصير دهن متراكم على شكل كتل.
2- كتير من البنات بتلاقيها نحيفة ومو سمينة وبتحكي انا سمينة من عند الحوض ولو انفحصت مزبوط للقت انو هادي مو نصاحة ولكن هادا سليوليت (زيادة بحجم الخلايا الدهنية نتيجة نقص التغذية الدموية فيها) وهي بالفعل ظهرت مو نتيجة زيادة الوزن ولكن لكثير من الاسباب والاخرى مثل طبيعة العمل اللي فيه جلوس لفترات طويلة وحلها سهل راح اذكره بس تابعي الموضوع.....
3- العرايس وكل النساء بيقررو انو يعملو ريجيم بين يوم وليلة بتكون تاركة حالها على الاخير وتاني يوم فجاة بتلاقيها حرمت حالها من كل شي هيك ولا يمكن تقدر تثبت على الريجيم وبعد فترة بتتركو كلو مرة وحدة اللي بيجي بسرعة بيروح بسرعة.
4- بنات بنات بنات الريجيم القاس بيفقدكم السوائل من جسمكم ووجهكم بخرب وبيصير اصفر والله الوجه هو مراية العروس وهو اول شي الناس بتشوفو ازا كان وجهك تعبان ومصفرن وكانك جاية من غرفة العناية الحثيثة والله بيحكو شو هالعروس ؟؟؟؟
5- كتير من الستات بتسجل بنادي رياضة لتريح حالها بس مشكلتنا انو في كتير من النوادي ما بتركز على مشكلة كل ست ولكن بتخلي الكل يعمل نفس التمارين واللي بتضر مرات اكتر ما بتفيد لهيك ازا انتي مثلا عندك مشكلة جناب على جنب حوضك ما تقومي بعملية الزحف اللي تعطى للي الهم خلفية زائدة فاهمين علي؟؟

الريجيم :

هذا الريجيم عبارة عن تغيير بنمط الحياة والايقاف الجزئي وتعديل العادات الغذائية وانا بضمنلك انك ازا التزمتي فيه ولا يمكن يرجع الوزن مهما صار لانو بيصير من عادات الغذائية السليمة...وما تحكي ما معيوقت وانا مو ضايل على عرسي شي انا لما جربتو باول اسبوع نزلت 6 كيلو (طبعا بختلف من جسم لجسم) ولكن الاهم انو ما رجعت زدتهم وازا نزلتي بسرعة ورجعتي زدتي ما تتهني بجهازك ولا راح تقدري تلبسيه واتي كلك كتل دهنية ...وهلا نبدا بسم الله:
1- مهم جدا البدأ بتطبيق نقطة نقططة ولما تتعودي عليها ضيفي نقطة تانية.
2- شرب السوائل كتير مهم اصحي الصبح واشربي كاسة مي دافية مع ملعقة ليمون. وازا ما حبيتي الطعم مي لحالا بتوفي بالغرض.
3- تجنبي شرب السوائل مع الاكل (مي،ببسي...) لانها تؤدي الا ظهور الكرش ولكن اشربي مي قبل الاكل وبعد الالكل على الاقل ساعة ثم اشربي ما تريدي.
4- ما تشربي الدايت ببسي ولا الببسي العادي واذا كنتي من مدمنين الببسي اخلطيه بشوية مي لتخفيفو لحتى تتعودي على تركه ليش الدايت ببسي ممنوع وذلك لانه يحتوي على نوع معين من السكر اذا اتحد مع الاكل اللي بيحتوي على انواع تانية من السكر بيصير كانك يا ابو زيد ما غزيت ههه جد لانو بيكتمل السكر عندك وصار وجبة كاملة ....لانو بعرف كتير بنات بيطلبو وجبة اكل جاهز دسمة وضميرهم بيانبهم عند الببسي كخ وهادا حكي فاضي ازا سمحتولي لانو بجد بيضر ما بيفيد.
5- الفطور لازم يصير وجبتك الرئيسية اهم شي هو الفطور اليي مو متعودة على الفطور تبلش يومها ببسكوتة صغيرة او تمرة على السنة او اي شي لحد ما تتعودي تفطري انا من لما عودت حالي صارت وجبتي الرئيسية الساعة 6 الصبح.
6- الاكل شوي شوي كتير مفيد حاولي حتى الجاج واللحمة انك تاكليه بالشوكة وما تغوصي فيه.
7- ازا كنتي معزومة على عرس وعارفة انو في عشا كتير ضروري تاكلي صحن سلطة يعبي المعدة قبل ما تروحي عشان ما تقدري تخبصي كتير هناك.
8- تقسيم صحن الاكل الى اربع اقسام:

• ربع سلطة
• ربع خضرا
• ربع بروتين (لحمة جاج سمك)
• ربع نشويات رز معكرونة خبرز

ابداي الاكل بربع السلطة وثم الخضرا وثم اللحمة وثم النشويات
9- تحتاجي للشعور بالشبع 20 دقيقة وما بيعتمد على كمية الاكل ولكن يعتمد على مدة تناول الطعام.

10- للبنات اللي بيعانو من السيليوليت اللي حكينا عنو بالسابق:

• اول شي كيف ممكن تعرفي انو سيليوليت ؟ بيكون شكل الجلد مثل قشر البرتقالة وذلك بسبب كبر حجم الخلايا الدهنية وظهورها تحت الجلد
• علاجها يكون بزيادة الدورة الدموية فيها عن طريق عمل مساج للمنطقة مساج عميق بجهاز مساج او بالاصبع ويكون مع اتجاه الدوارة الدموية ومع ضغط قوي شوي؟
• عمل تمارين رياضية مختصة بالمنطقة.
• استخدام كريمات تنحيف يساعد بزيادة الدورة الدموية وما في عندي نوع معين انصح فيه بس أي كريم ممكن يفيد المهم انو يكون بيزيد تدفق الدم للمنطقة.

11- احسبي لحالك شو بتاكلي يعني انتبهي انو يكون كل شي متوازن يعني كترنا شوكلاتة بهداك اليوم ما باكل رز وهيك فاهمة علي؟؟؟ اكلتي بمطعم بيوم واكتلي اكل زاكي تاني يوم بتغدا خضار سوتيه او صحن سلطة يعني حلو التوازن بكل شي بالحياة وما تحرمي حالك شي ما بتعرفي شو جاييكي ايام والله يجعل كل ايامكم هنا.
12- ما تلجؤو للاعشاب اللي فيها مسهلات لانها راح تخليكم تطرحو المواد النافعة من الجسم والله مو حلو عروس ووجهك اصفر ومو مستفيدة م المواد الغذائية اللي بتاكليها...
13- ما تتطلعو على اموديلز وعلى عارضات الازياء لكل جسم شكل معين يعني انتي مو متل اختك واختك مو متلك وصعب تصيري زي صاحبتك لانو التركيبة تاعت الجسم تختل وتركيب العظم يختلف...
بنات انا هادا اللي ببالي هلا من الاشياء اللي عملتها واللي صارت من نمط حياتي والحمد لله محافظة على وزني واللي عندها ا ي سؤال انا حاضرة للاجابة وما تنسونا من صالح دعائكم....