يحسبوونه سجد شكر لله

السلام عليكم ورحمة الله وبركاته :
هاذي القصه صارت لواحد
كان شاب في أواخر الثلاثينات متدين جدا محافظ على كل الصلوات في المسجد مايفووته فرض واحد
أبووه متوفي من يووم كان صغير وأمه هي اللي ربته ماتزوجت عاشت له هو وأخوانه
ربتهم أحسن تربيه كل عيالها يحبونها بشكل غير طبيعي وخاصة هالشاب
باار فيها جدا جدا وكانت دايم تقوول كل عيالي عيوني لكن هذا قلبي رووحي
وكان متزوج من حرمتين وعنده عيال
مقتدر ماديا جدا سخي للغايه مع أهله ومع الناس حتى اللي مايعرفهم اللي يطلبه يعطيه
أخلاقه جمييله وعاليه يشهد له كل الخلق
كان دايم يزور مكه المكرمه للعمره يحج كثير داايم يزور مسجد رسول الله صلى الله عليه وسلم
كان أب حنون جدا عياله يموتوون فيه
مرت حياته بسلام وسعاده حتى جا ذاك اليووم اللي رأت فيه زوجته الأولى له رؤيا
خافت منها وإرتعبت وطاح قلبها وهو لاحظ عليها التغير والخووف
ماكان ودها تقوول له لكنه أصر يعرف وقالت له :
شفت أبووك الميت في أحسن حال وفرحاان مره ويناظر فيني ويقول أخيرا ولدي حبيبي بيجي عندي وأشوفه
وقعد ينادي عليك يافلان تعاال تعاال عند أبوك وحشتني وهو ماد إيدينه وصحيت من نوومي مفزووعه
ضحك على زوجته وقال لها ماعندك سالفه تدرين وش معنى الحلم ؟ قالت له وش معناه ؟
قال إنك إنتي اللي بتموتين قبلي وقعد يضحك ويضحك ويضحك
وبعد فتره على غير عادته قرر إنه يسافر بلده الأم سياحه وإستجمام
مع إثنين من أصدقاءه بالجيب حقه بر
وهو في الطريق بس يتصدق على كل الناس اللي يشوفهم من مبلغ كبير كان ماخده معاه مخصوص لهذا الغرض
للصدقه فقط
وبعدين قال لأصحابه هذا المبلغ اللي في الظرف لفلان وهذا الظرف الثاني لفلان وهذا لفلان وقعد يعدد أسماء كثير من الأشخاص لهم
وقال لهم إذا مت وصلوا الظروف هاذي لأصحابها إستغربوا أصدقااه من تصرفه وقالوا له بس إنت الحين عايش وتقدر توصلها لهم بنفسك
قال لهم سمعتوا اللي قلته هاذي أمانه برقابكم
وبعد دقايق بس صار لهم حادث وإنقلبت فيهم السياره ومن قووة الإرتطام طار قريبي هذا وطااح على الأرض وهو ساجد وتجمهروا الخلق
ولا واحد من أصدقااه توفى الله يرحمه والثاني إنكسر ظهره وحالته خطيره
وقريبي ساجد الناس تحسبه سجد شكر لله لأنه نجى من الحادث ولا صابه شي ولكن يووم طوول راحوا يشووفونه إلا وهو متوفي الله يرحمه وهو مبتسم ومافيه إلا خدش بسيط في جبهته والله كل النااس بكت عليه
وفي العزى جووا ناس كثير مانعرفهم ولا حتى أهله يعرفونهم يبكوون عليه بحرقه ويدعون له بالرحمه ولما سألناهم مين إنتوا ؟! قالوا حنا اللي كاان فلان كافلنا ويصرف علينا وعلى عيالنا وبيووتنا كانوا حريم ورجال
وأمه وزوجاته لليوم يبكوونه رغم إن له ثلاث سنواات متوفي
الله يرحمه ويغفر له ويحفظ عياله من بعده بصلاحه في حياته آمين