يلا بنات الجامعه ادخلو هنا ملف لبنات الرياض

وعليكم السلام
ابدأ ياعسل
بالنسبه لي انا شريت كم بدي من مس سلفرج..وايتام ونكست
وشريت شنطه من بيرشكا..وودي بوحده ثانيه
وشريت شنطه للمكياج من اكسسورايز وبعض الارواج للجامعه..
هذا اللي شريته...
وانتي وش سويتي

الا على فكره نسيت اسالك انتي اي جامعه..؟
انا بالامام

اهلين ام عمر صراحه الموضوع حلو بس فين البنات
ماأشوف حماس""بصراحه انا لحد الان ما اشتريت
شي :::: نبي نعرف وش الجديد
معزبتكم من جامعه الامام ""يالله ياحلوين نبي حماس
تحياتي ........شاطئ الحب

موضوع رائع ويختصر المسافه وبقوه بعد
ايتام... عنده تشكيله واسعه من الموديلات للجامعات والكليات
ولي عوده لكم,,,

نصيحه من قلبي لكم اخذي شنطه جنز كشخه واستفيدي منه مع كل الملابس انا جربتها العام ومرتاحه من تغيير الشنط نادر مااغيرها والجنز مريح تاخذ الملازم وبعض الكتب.....
للاسف لسا ماشريت شي......اذا شريت سيده هنا اقولكم..
بغيت تدلونا محلات تنانير جنز حلوه مره وعمليه...؟؟؟؟؟؟؟؟؟
واذاعندكم حركات عشان الشعر الطويل كيف امسكه.... تدرون جونا بارد خ...

بعد اذنك يا أم عمر+
سويت لموضوعك دعايه بملف بنات الرياض بصراحه يستاهل.....
السموحه..

مرحبا
بناات
شكلها الدعوه كلها جامعة الامام
وناسه خ
بصراحه لسه ماشريت شي!
بس حاطه ببالي ( زارا , مانجو , بريشكا ....)
اما اكسسوارات ( آلدو, مون سون , مس سلفرج.....)
اما بخصوص الشوز ( بوما ) لون مميز طوال الترم
الله تحمست ودي اروح السوق
اما الشنطه مره محتاره؟؟؟!!!!!! --------> ايه واضح
بصرااحه كل همي اشوف صديقاتي يوه مشتاقتلهم

والله فكره حلوه
عني انا شريت تنانير جنزاما عن الشنطه شريتها من عزيزمول مره حلوه وعمليه وتكفي الكتب والملازم
والشوز شريت من عند عبدالغفور امين ولي عوده ان شاء الله

اهئ اهئ اهئ
انا هالسنه خلصت الجامعه اهئ اهئ اهئ
ادعو لي القى وظيفه عشان اروح واشتري مثلكم ههه
بجد بجد ياحلو الجامعه وايامها ا
على فكره ردو على بموضوعي اللي بملتقى المعلمات (صرت كبيره ههه)
معليش ياقلبي دخلت عرض بموضوعك ههه
بس بقولكم انا رحت غرناطه قبل فتره حلو واغلب المحلات عندهم ملابس وبلايز مره حلوه
من مدخل د كيف
وكمان هايبر بنده العزيزيه مول بضاعتهم مره حلوه
وانا شريت لي من فل فري جزمه الله يكرمكم (وش المناسبه مدري بس تعودت اني اشتري للجامعه وشريت كذا عشان مااحس اني كبرت) وكمان شريت جزمتين من عبدالغفور امين تجنن طبيه وعمليه وسعرها فيها راقيه جدا
بس طبعا اسفه على اللقافه بس اذا شريت شي بقولكم
وبالنسبه للشنط بلاك ايز حلو وفيه محلات ثانيه بس مافي شي ببالي اذا جد جديد وبرجع واقولكم