يوميات قروب قطر كرز وحبة سكر

1. .:. الي عندها نصايح تجي تقولنا والي عندها اسئله كمان تتفضل ..


2. .:. مع كل وجبه حنشرب لبن اكتيفيا الزامي برضو ..


3. وكمان وصله صغيره مرا خبز اسمر واقولكم ليش ..


4. المهم

..
..
.
.
قروب ,’ قَطًرُ كَرَزٍ ,’ وحَبْةُ سُكَرْ
طبعاً دا موضوع يومياتنا لكل الي اشترك بقروبنا ..
http://alfrasha.maktoob.com/alfrasha19/thread1283242/
علي الرابط السابق واحب انوه انو التسجيل مفتوح بس عشان نعرف كل وحده تحط الشعار بتوقيعها ..
الصفحات دي حتشمل مايلي
.. يومياتنا
:: الاكل ..
:: الرياضه ..
:: قياس الوزن ..
:: اليوم المفتوح ..
:: نصائح ..
:: وعقاب للي مايطبقو الشروط المطلوبه
البرنامج عباره عن ..
.:. ,’ كل وحده فينا تمشي علي نظام الاكل الي هي تفضلو لانو كل وحده قوام جسمها يختلف وكل وحده جسمها ينحف من اشياء معينه
فما حنجب البقيه باتباع نظام موحد طبعا الطباع والنفسيات والبيئه المحيطه كلها تختلف من عضوه لتانيه ..
عشان كده نظام الاكل كل مين براحتو بس بشرط مايكون في وجبات غير ملائمه لطبيعة النظام ..
.:. كل يوم جمعه حيكون قياس الوزن ..
.:. الرياضه اهم عنصر بالقروب يعني الي تتخلف يوم عن الرياضه في لها عقاب مي قدو ودا تنبيه كبر راس العدو ..
.:. المويا حتكون شي اساسي بيومنا يعني اول مانصحي كاستين مويا فاتره ميحاره ولابارده مرا والمويا زي الرياضه الزامي طيب ياويل وحده تجي بيومياتها ماتجيب طاري المويا وقتها ليا معاها كلام تاني
.:. الي حابه تشرب زنجبيل يكون احسن يعني حنخليه من ضمن نظامنا بس طبعا بدون الزام كل مين وراحتو

.:. الي عندها نصايح تجي تقولنا والي عندها اسئله كمان تتفضل ..

.:. طبعا الرياضه حتكون ساعه ونص يوميا ودا شرط اساسي بقروبنا يعني الي تحس انها ماحتطبقو لا تجي توطوط فيذا <-- امزح وي
بس من جد ساعه ونص الزامي وكل وحده تقسمها براحتها بس حتكون في ساعه القروب كولو يلتزم فيها وهيا رياضه المشي العصر الساعه 5 اعتقد انو وقت مناسب للكل والي مايناسبها مو لازم بس ياويلها لو ماطبقت نظام رياضي لمده ساعه نص باليوم متفرق او متصل براحتها ..
.:. الشاهي الاخضر بعد كل وجبه بساعه ونص الي ساعتين ولحد يجي يقول انا مانحفني الشاهي الاخضر دا النظام وكلنا حنمشي عليه ..

.:. مع كل وجبه حنشرب لبن اكتيفيا الزامي برضو ..

.:. قبل النوم كاستين مويا الزاميه برضو ولازم نكون شربنا باليوم اقل شي 10 كاسات مويا كاستين الصباح وكاستين قبل النوم والبقيه متفرقه لباقي اليوم وياريت لو اكثر لانو قريبتي نحفتي علي شرب المويا من جد جسمها سار خقق عشان كده باقولكم ركزو ع المويا ..
.:. السناك الي هو الاكل بين الوجبات لو حسيتي انك مرا جيعانه كلي تفاحتين او تلاته اناناس خيار

وكمان وصله صغيره مرا خبز اسمر واقولكم ليش ..

وقت الاحساس بالجوع المعده تفرز ماده تحسسك بالجوع وتكون باعلي المعده دي الماده فلمن تاكلي شي قاسي زي التفاح الخبز حيسحب الماده دي معاه لنهايه المعده وتقعد المعده تنشغل بهضمو وماتحسي بالجوع لكن لمن تحسي بالجوع وتربي سوائل السوائل مابتسحب الماده الي افرزتها المعده فبس تخلصي العصير تحسي انو لساجيعانه عشان كده ننتبه لوجبات السناك طيب حبايبي ..
.:. الصباح اول ماتصحو حاولو تشربو نسكافه او شاهي او قهوه لانو دا يساعد بعمليه الايض والايض دا شي مسؤال بجسمنا بحرق الدهون اي شي فيه كافين يساعد من قوه حركه الايض وحكره الايض تكون باديه من ساعات الصباح الاولى وتقل كل مامشي اليوم يعني نركز ع القهوه والشاهي بدون سكر والنسكافه بالصباح بس مو اكتر من كوب بدون سكر طيب حبايبي ..
دي كل النصائح الي عندي والي ان شاءالله حنمشي عليه لو افتكرت شي حاضيفو لكم والي عندها شي تقولنا كمان ..

المهم

دا شعار القروب كلنا نحطو بتوقيعنا ويوم ا لجمعه القادمه حنظيف الجداول علي اساس يكون القروب اكتمل واترتبنا ونشوف مين مشي معانا تمام باول اسبوع عشان الي ماحيمشي تمام ما حنضيفو بالجدول بس حيكمل بالقروب بس بدون جدول <-- عقاب
صح قبل ماانسي الكورن فليكس حنستخدم سبيشل كي والعصير حيكون سيزراناناس لانو افضل من غيرو من ناحيه السكر والمواد الحافظه ..
..
..
.
ويالله من دحين الكل يسجل ايش كان يوم اليوم
. 25 - 4 - الي هو بدايه نظامنا والي ماسوت نشاط رياضي تقوم بالذوق طيب