يومياتي انا منقا انا الحلوه انا الرشيقه انا يومياتي

بسم الله الرحمن الرحيم
ادري غاثتكم بمواضيعي ويومياتي
بس مالي شغل لازم اسوي تدوين لانجازاتي التي سوف تدمر القسم تدميرا شاملا
الوزن في بدايتي : 133 كان في شهر رمضان 1431 ه
بداية الرجيم : شهر 10 بعد العيد مباشره ( الرجيم الكيميائي )
وبدأت في اشتراك في قروب مع حبيبتنا راما لمدة شهر
ووخلال شهر الحمد لله نزلت 10 كيلو ( ومارجعت ابد ابد الحمد لله )
وبعدها وقفت لمدة شهرين ماسويت رجيم
ورجعت بشهر 1 \ 1432 هجري قلت لازم اكرر الرجيم الكيميائي عشانه جاب لي نتيجة حلوه المره اللي راحت
وكتبت قبل شهرين موضوع عن يومياتي الجميله في ( تكرار الرجيم الكيميائي ورجيم اللبن والتمر )
اضغطي هونا
لكن للاسف محاولتي في نزول وزني فشلت
وسبب الفشل :
1- رجيم اللبن والتمر نزلني بسرعه 5 كيلو بالاسبوع لكن بمجرد اكل قطعتين باشميل رجعت ال 5 كيلو بالعافيه فعرفت بعدها ان هالرجيم مايصلح لي
2- الاخصائيه قالت لي شي فجعني تقول : الرجيم الكيميائي نسويه مره وحده بس واذا كررته ممكن يسبب لي مشاكل منها الفشل الكلوي ( قلت لنفسي الله لا يبلانا اجل ماراح اكرره )
وقبل اسبوع صرت اراجع مع اخصائيه تغذيه
والحمد لله عطتني رجيم يناسبني ( رجيم 1500 سعره )وراح استمر معاها لحد ما انزل للوزن اللي ابيه
وبنفس الوقت انا الان مشتركه بكذا قروب هنا بالقسم عشان الحماس يزيد
لكن لازم اخلي لي موضوع مستقل فيني اكتب فيه يومياتي لأني متاكده ان يومياتي هذي بتصير مرجع للقسم بكبره >> احلفي بس ههه
اهم شي
مهما خبصت ومهما فشلت راح استمر واستمر واستمر
لين اوصل للي ابيه باذن الله
معلوماتي اللي تهبل :
الوزن في البدايه: 133
الهدف الأول : 120 ( تحقق مع الرجيم الكيميائي )
الهدف الثاني : 110 ( جاري تنفيذه )
الهدف النهائي: 65 يارب اوصلها بالعافيه هالسنه
الرجيم الحالي : رجيم 1500 سعره
دعواتكم يادبدوبات