أبي فزعتكم يابنات بسرعه ساعدوني

يا هلا والله بأختي إذا عندك كتاب النخبة فيها اكلاات بالمرة جنان وطرقها بالمرة سهلة
والله يوفقكي

وازيد على كلام الأخت برنسيسة أبوها اذا عندك كتاب ام ريما بعد رهيب وان شاء الله البنات ما يقصرون معاك

اهم شي الرزمع اللحم
وسوي صينيية مكرونة
وسوي سلطله
وصينية خضار علشان اللي مايحب ياكل رز وشي ثقيل
وسوي سمبوسةبطاطس مقلي وعصير
ولاتنسين الحلى حلى قهوة وحلى بعد العشاء
ان شاء الله تبيقضين الوجه

الله يعطيكم العافيه
انا شفت كتاب النخبه بس مافيه شي جديد كله معتاد
ابي اشياء غريبه يعني تكفون اقترحوا علي
سلطات اطباق رئيسيه اطباق جانبيه
يعني ابي السفره تمتلي
تكفون ساعدوني

السلام عليكم اخيتي تقبلي مشاركتي المتواضعه
يفضل لو كان العداد كبير لاتكثرين الاصناف (عشان ماتحوسين)
نوعين سلطه (احدهم) سلطه حاره --طبق رزبلحم--ممكن مكرونه--صينيه خضار بلدجاج--حلى للعشاء(كريم كرميل)
سلطه اللبن=خس(يفضل الامريكي)-بصل اخضر-كزبره-نعناع-رجله-تقطع شرائح ثم نضيف باذنجان مقلي( وعلى حسب الكميه ) بخلط مثلا علبتين لبن زبادي- 4م ك مايونيز-4م م طحينه-عصير ليمون-ثوم-ملح-فلفل اسود والله لذيذذه
سلطه طبقات=يقطع كلا من البطاطس و الباذنجان مكعبات وتقلى ثم تعمل طبقات مع جزر مبشوروخس وخيار وفاصوليا حمراءوذره وبازيلا وعلى الوجه نخلط(لبن وثوم وخل وليمون و زيت زيتون ومايونيز )وقبل التقديم يرش خبز مقلي
وراح اعطيكي وصفة هذا الحلى الي كل اصحاب زوجي تعجبهم
طبقه كيك العائله ___ في الخلاط 4جبن كيري-4دريم ويب-1قشطه-رشه حليب سائل-____ وعلى الوجه كورن فليكس مكسر مخلوط مع نوتيلا
وان شاء الله مااكون ثقلت عليكى وجيت وصفات قديمه
والله يوفقك في عشاكي

يا قلبي انت شكلك عروسة لسه
نصيحة حبيبتي لا تخاطري و تسوي شئ عمرك ما سويتيه لانه مو وقت التجارب سوي طبخات انت تتقنيها مزبوط
و بقترح عليكي
قبل العشا بيوم جهزي الحلى واحد مع القهوة و واحد بعد العشا
و جهزي شئ زي كرات البطاطس و السمبوسة او السبرنج رول
و يوم العشا من بدري جهزي و قطعي و رتبي
و لا تسوي اكل كثير لانهم ماراح يخلصوه و بتبكي على وقتك اللي ضاع و انت تجهزين و تطبخين
و هذي حبيبتي اكلات اخذتها من بعض المنتديات و حبيتها إن شاء الله تفيدك
صينية البطاطس بعصير الخضار المشوية
المقادير : كمية من البطاطس
1فلفل اخضر – 1طماطم – 1 بصل تشوى على النار جيداً حتى تطرى ثم تخلط بالخلاط وتصفى جيدا ويضاف لها ملح وفلفل اسود
ندهن صينية بايركس بالزيت ثم تفرد البطاطس فيها ويدهن الوجه بالعصير وتوضع بالفرن
أصابع الدجاج
المقادير :
صدور دجاج بدون عظم
ملح ، فلفل ، بهارات مشكله
خل ، زبادي ، عصير ليمونه
قليل من الزيت
الطريقه :
قطعي الدجاج
و تبليه بجميع المقادير عدا الزيت
يوضع الزيت في مقلاة واذا سخن نقلي الدجاج حتى تتحمر وتخرج على ورق نشاف وترص في طبق التقديم
حلا بالتوفي
المقادير:
الخلطة الأولى:
كاستان حليب مجفف
نصف كاسة زيت
نصف كاسة سكر
بيضتان
ملعقة بيكنج بودر
الخلطة الثانية:
زبدة ثلاثة أرباعها
كاسة ونصف سكر
قشطة
الطريقة:
الخلطة الأولى:
نحمص الحليب على النار إلى أن يصبح لونه بني وبعد أن نخرجه من النار نضع السكر وهو مطحون ثم نضع البيكنج بودر والزيت والبيض ونخلطها معاً وبعد ذلك نضعها على النار لمدة 10 دقائق.
الخلطة الثانية:
نضع الزبدة على النار وبعد أن تذوب نضع عليها السكر إلى أن يصبح لونها بني ثم نضع القشطة وتوضع علىالخلطة الأولى وتقدم بارده
حلى الجالكسي
المقادير :
3 اصابع جالكسي + حليب السعوديه + بسكويت شاي + علبتان من القشطه .
الطريقه :
يبشر الجالكسي ثم يخلط مع القشطه ثم يبلل البسكويت بالحليب ويرص في صينيه ويوضع عليه قليل من الخلطه السابقه ثم توضع مرة اخرى طبقه من البسكويت بعد ان تبلل بالحليب ثم يوضع عليه باقي الخلطه ثم يبشر على الوجه اصبع جالكسي للتجميل ويوضع في الثلاجه ...
حلى الكيك بالجالكسي
كيك جاهز.. ويفضل بنكهة الشوكولاته
8 حبات جبن كيري
3 قشطه
3 ملاعق سكر
6 حبات جالكسي ساده
علبه بسكوت الشاي اولكر مطحون ..
:: الطريقة ::
الطبقة الأولى :: نقطع الكيك شرائح ونرصه في الصينية
......
الطبقة الثانية :: نضع في الخلاط (
جبن كيري +2 قشطه +سكر + البسكويت المطحون ) ونخلطهم مع بعض
ونصب الخليط على طبقة الكيك
......
الطبقة الثالثة :: نضع الجالكسي
بحمام مائي حتى يذوب ثم نضع عليه القشطه
نخلطهم ثم نصبهم فوق الطبقة الثانية ..
ونزينه بالشوكلاته المبشورة ونضعه بالثلاجة ويقدم بارداً
مكرونة بالباشميل
المقادير :
مكرونة إسباغيتي
موية للسلق
ملح
زيت
هيل
كنور خلطة الباشميل
نصف لتر حليب سائل
فلفل أسود
بقدونس للزينة
الطريقة :
نسلق المكرونة ونضيف لها الملح والزيت و الهيل 6 حبات
بعد ما ينضج صفي المكرونة مزبوط و لا تشيلي الهيل
سوي الباشميل وحطي الكنور و الحليب على النار و اضيفي شوية فلفل اسود
بعد ما يثقل شوي حطيه على المكرونة وقلبيها على النار دقيقتين بس
وبعدين حطيه في الصحن و زينيه بالبقدونس
و بالعافية على قلوبكم
اتمنى اكون افدتك غلاتي و موفقة

مشكورين وماقصرتوا
الله يعطيكم الف عافيه

ماقصرو البنات يعطيهم العافية