ابي الفزعه شورن علي ياحريم

اهلا اختي , الله يديم عليكم المناسبات الحلوه على طول يارب
انا عن نفسي احب ورق العنب و محشي الملفوف في العزايم سواء الكبيره او الصغيره لان اغلب الناس يحبوه , ادا ماتزبطيه كويس ممكن تشتريه جاهز
وكمان ممكن تسوي نوع جديد من السطات يعني مو سلطه تقليديه , حطي في السلطه خس امريكي مدور وطماطم وخيار و زهره وبروكلي ودره و فاصوليه حمرا
الزهرا اسلقيها في مويه وملح دقايق بالضبط , والبروكلي اسلقيه في مويه وملح دقايق بالضبط عشان مايتهري
والفاصوليه الحمرا والدره تلقيها تتباع معلبه
الطماطم لو تحبي ممكن تحطي من الي تجي صغيره يطلع شكلها احلى
والصوص حق السلطه حطي في صحن صوص السيزر الي يتباع جاهز ومعاه صوص خردل برضو الي يتباع جاهز وليمون وملح وفلفل اسود وقلبيهم مزبوط وبعدين صبيهم على السلطه وقلبيها مزبوط
صدقيني السلطه طعمها مره لزيز
ومدام مسويين رز ولحم عند الطباخ الافضل تكتفي بالرز ونوع واحد سلطه وملفوف وورق عنب و مخلل مشكل او مخلل ليمون وسمبوسه لحم والمقلوبه
لاتكتري عن كدا احسن عشان يكون الاكل متناسق لان الرز واللحم ماينفع معاه صواني واكلات دسمه
ان شاء الله اكون افدتك , لاتنسيني من دعوه حلوه بظهر الغيب

شوي صينة خضروات
سهلة و دايم اسويها
قطعي خضار دواىر بطاطس فلفل اخضر باذنجان كوسا جزر
و اساقي دجاج و فتتيها صغار
و جيبي صحن اللي يدخل الفرن
حطي الطبقة الاولى دجاج
و الطبقة الثانية الخضار المقليه
و الطبقة الثالثه قشطة و جبن اخلطيها و حطيها و دخليها بالفرن
سهلة والله
و الطبق الثاني
طبخة اكلوني
سبوسه اي عجينة سمبوسه
و اقسميها بالنص
و حشيها لحم مفروم او دجاج مفروم طبعا سويه قبل بطريقتك و خلصيه بعدين حشي السمبوسه و خايها زي الرول طذا اصابع طوال
و رصيها بالصينيه و جيبي قشطة و جبن و حطيها فوقها و دخليها الفرن
دعواتك
و ربي يوفقك

الله يسر لك ويجملك قدام زوجك اهم شي لا تكثري مثل ماقالو وسوي سلطات مميزة غير المعتاد سوي سلطة فتوش او تبوله يحبونها كثير وزبادي بالخيار ومثلا سمبوسه ومطبق توزعينهم بصحون وصينية حلا وبالعافيه ودعواتي لك ودعواتكم لنا انا وزوجي بالتوفيق ويبعد عنا بنات وعيال الحرام ويحفظ عيالي ويرزقنا الرزق الحلال ويسعدك حبيبتي

الله يسعدكم يارب
الحمدلله تمت العزيمه على اكمل وجه
ماقصرتو