ابي طريقة ملوخيه

شوفي حبيبتي هذي طريقتي في الملوخيه انا اشوفها سهله وما تاخذ وقت
اخذ جدر واحط فيه شوي زيت زيتون واحمر فيه البصل واوراق الملوخيه الى ان تذبل ويتغير لونها هذا اذا كانت طازجه اما اذا كانت من الفريز احطها فوق البصل بعد ما احمره زين واتركها تذوب على راحتها واضيف لها ماي الدجاج واحك لها طماطه واضيف لها ملح وفلفل اسود شوي وكزبره مطحونه لما تقرب تستوي احمر لها فصين ثوم كبار مع كزبره خضرا طازجه ومقطعه وكثري منها تطلع اطيب في زيت زيتون حوالي ملعقتين كبار لما اخلص منهم احطهم فوق الملوخيه واحرك الخليط واتركه يكمل استواء وبالعافيه على قلبك ارجو اني افدتك

مشكوره اختي وتسلم ايدينك

هلا انا اطحن الملوخيه مع الطماط والثوم من قبل واحطه بلفريزر بااكياس الشفافه واطلعها واحطها بماء فاتر عشان تفك وهى بلكيس طبعا اما وقت الطبخ:1اخذ قدر احط فيه زيت اذ صار حار احط فيه الدجاج الى مغسلته ومقطعته واحركه لماتتحمر الدجاجه وتستوي2احط بعدين فوق الدجاجه البصل مقطع صغيرو قليل بهاروفلفل اسود وملح وحبه وحده ماجي وملعقتين صلصه واحرك 3واحط ماء قليل مقدار كاس واتركه شويه عشان تنضج الدجاجه عدل 4ثم احط الملوخيه عليها بعد متفك وتذوب واخليها مده ربع ساعه بس مجرد تطبخ الملوخيه*هذه طريقه سهله ولذيذه واطحنى الملوخيه مع الطماط والثوم اريح وعشان مايطلع بلملوخيه قطع الطماط *انا دائم احط كاس ماء واحد عشان الدجاج مازود لانى مااحبها خفيفه ولاثقيله جربيها وقوليلى رايك وطبعا يتقدم مع الارز الابيض وبلعافيه

هذي طريقتي سهله وطعمها يهبل اول شي قطعي نصف دجاجه قطع صغيره وحطي عليه مويه في قدر وحطي مكعبين ماجي وبهارات واتركيها على النار حتى تنضج وتقل مويتها مره بعدين صبي الملوخيه فوقها وحركيها اذا قربت تنضج حطي في قدر ثاني ثوم مطحون وزيت واقلي الثوم وبعدين صبيه على الملوخيه وحركيها شوي دقيقتين وطفي عليها تطلع تهبل جربيها وبتقولي قموره قالت