ابي منكم مساعدة وبدعيلها من قلبي الي بتساعدني

أم ذياب

14-12-2022 - 11:52 pm

السلام عليكم يا احلى فراشات ابي مساعدة الله يخليكم انا قلت مالي الا طباخات الفراشة ضي العين ولا يهونون الباقيين او اي وحده عنده خبرة المهم ماراح ا طولها وهي قصيرة انا شريت رز باسمتي اول مرة استخدمه المشكله انه لما اطبخه احس فيه لزوجه مادري بنات فهمتوني قلت راح اجرب مااغسله وزاد الطين بله ولما غسلته اكثر من مرة يعني احسن شوي بس مافي طعم كلش وحتى لو قللت الماي برضوا يتلازق مع بعض مادري شسوي المشكلة اني شريت كيس كبير ابو 40كيلو يعني حرام اقطه بس الله يخليكم اللي يعرف شيء لايطنشني مثل سؤالي اللي صار له تقريبا اسبوعين وما حد رد علي على العموم شكرا مقدما لكم حتى لو مارديتواواسفه على الاطاله

التعليقات (6)

البنفسجه اليتيمه

15-12-2022 - 03:24 am

تقدرين تردينه من المكان الي شترتيه وقولي حقه شو قاعد يصير برز
وسامحيني على الكلام البسيط

أم ذياب

15-12-2022 - 04:25 am

مشكورة البنفسجة اليتيمة على ردج بس انا بطلت الكيس ماظني بيردونه ولا شو رايش
ومسموحة حبيبتي ويابنت بلادي

umsarah81

15-12-2022 - 05:26 am

للاسف ماعندي اي فكره عن الموضوع وحبيت ارفع لك الموضوع,,,الله يدلك على كل خير ,,,سلامي لك

مغروره و من حقي

15-12-2022 - 06:27 am

طيب جربي اغسليه كذا مره وانقعيه مده نصف ساعه علي الاقل وكل ماطول احسن له وشوفي وش يصير عليك
اتمنى اكون ساعدتك.........

*المها2*

15-12-2022 - 07:28 am

انزين اختي اغسليه وانقعيه في ماي لمدة نصف ساعه وسخني ماي في القدر واضيفي عليه زيت بس مش كثير وملح وخليه يفور الماء وبعدين اضيفي الرز عليه ولاتخلينه يطول عشان مايلتبك وصفيه في المصفاه ورجعيه للقدر واضيفي عليه زبده ووطي على النار الين مايطلع البخار وان شاءالله تضبط معات هذي الطريقه لاني انا استخدمها وماشيه معاي تمام ويطلع الرز نثر...............

أم ذياب

15-12-2022 - 08:29 am

لكم مني كل الشكر ماقصرتوا حبيباتي
umsarah81 مشكورة عيوني والله يسلمك
مغرورة ومن حقي الف شكر عل المساعدة والله يوفقج
المها2 ماقصرتي ياالغلا وباجرب طريقتج وان شاء الله تضبط معاي
اشكركم جميع

بروستد بس بتتبيله غير وطعم ولا احلى←
إيدام باذنجان ناشف→