ارجوكم بنات من استشاركم ماخاب والمثل يقول اسأل مجرب ولا تسأل طبيب

ksh5a girl

14-10-2022 - 07:50 am

انا هالشهر كلت خلطه العسل مع غذاء اللملكات وحبوب اللقاح...

السلام عليكم
اخباركم فراشات
وحشتوني موت
بنات تكفون والله محتاجه مشورتكم

انا هالشهر كلت خلطه العسل مع غذاء اللملكات وحبوب اللقاح...

انا دورتي منتظه...الشهر قبل اللي فات كنت ماكله كلوميد بس بدون ابر تفجير ولا شي بس دوفستون قبل الدوره لمدة 3 ايام حبتين مرتين باليوم وتأخرت الدوره عن موعدها 5 ايام ونزلت لحالها....
لكن اخر دوره اللي كلت فيها العسل حسيت بالام تبويض ونزل دم خفيف وقت التبويض وانزلت الافرازات ولله الحمد لكن الصدمه الكبيره لما جا موعد الدوره الافتراضي ماحسيت بشي نغزات خفيفه لا ألم دوره ولا شي ولا حتى ألم صدر لان لازم قبل الدوره اشعر بثقل بالصدر والم..لكن ولا شي من ذي كله صار لي قلت بنطر يوميننطرت لكن مافي فايده حللت منزلي طلع سالب وكنت حزتها بسافر قلت لما ارجع من السفر بشوف وش السالفه سافرت وكملت اسبوعين بدون دوره عملت بالسفر مره ثانيه تحليل بول وانتو بكرامه بعد طلع سالب....
رجعت من السفر وبدون دوره كملت 17 يوم رحت للدكتوره قالت لي حللتي قلت لا قالت على السونار ورحت عملت السونار..قالت لي مافي شي في الرحم...انصدمت..
كنت تقريبا متفائله بس الحمدلله على كل حال....
قالت لي بعطيج الدوستونكس...يمكن هرمون الحليب مرتفع واكلي كل اسبوع حبه..ودوفستون لمدة خمس ايام باليوم 4 حبات حبتين الصبح وحبتين بالليل...
وخلصت الدوفستون قبل 3 ايام ونص ولا في خبر على الدوره ....
بس جاني ألم فضييع بصدري اليوم...
سؤالي...كيف يعورني صدري وانا اكل حبوب هرمون الحليب؟؟
وماسبب تأخير الدوره مع اني اخر مره سويت فيها تحليل هرمونات كان كل شي سليم؟..
ودام تحليل الحمل دوم سالب والتلفزيون ماطلع فيه شي...ليه شايره للحين...
مع اني مافكرت فيها هالشر وايد؟كل شهر اهري نفسي تفكير الا هالشهر..اللي مافكرت فيه تأخرت
يعني كلها كم يوم واكمل شهر بدون دوره؟...
شرايكم بنات والله محتاجه لرايكم...
انا بداخلي اتمنى انه يكون تبويض متأخر والدكتوره ماقدرت تكشف عليه..ابي احمل,,,واتمنى الحمل في كل لحظه ودقيقه...
تكفون بنات مشورتكم....
اختكم
ksh5a girl

التعليقات (9)

ksh5a girl

14-10-2022 - 10:30 am

اشدعوه بنات
ولا رد
ولا حتى الدعاء
ماهقيتها والله

الطيف الحالي

14-10-2022 - 11:31 am

والله غريبه حياتي دورتك هذي عزيزة نفس بس انتظري لما يخلص علاجك وروحي سوي تحليل لاتستعجلين والله يرزقج واتوقع متاخر التبويض باذن الله حامل يارب العالمين عاجلا غير اجل امين

أعقل مجنووونه

14-10-2022 - 12:32 pm

ياليت عندي معلومات عشان افيدك بس مااملك الا الدعااء لك الله يرزقك الي تتمنين ياارب وان شااء الله تكونين حامل يارب

dallyworld

14-10-2022 - 01:33 pm

والله مادري حبيبتي بس ان شاء الله ربي كاتبلك كل خير والله يرزقك ويرزقني ويرزق كل محرومه الذريه الصالحه باذن الله وطمنينا عليكي

× أحْلى دُنيـــَـا ×

14-10-2022 - 02:34 pm

الله يرزقك الذرية الصالحة يارب ياكريم

ksh5a girl

14-10-2022 - 03:35 pm

تسلمون يالغاليات على الرد...اختي الطيف انا خلصت العلاج من 3 ايام ونص وبكره الصبح اكمل ال 4 ايام وادخل بالخامس....
اعقل مجنونه تسلمين يالغاليه ع الدعاء....والله يجعله في ميزان حسناتج...
دالي ورلد...تسلمين فديتج ع المروح الحلو والدعاء الاحلى...
عزيزتي احلى دنيا تسلمين يالغاليه...

همس الدوحة

14-10-2022 - 04:36 pm

ان شاء الله تحملين قريب يارب ..

ليل العمر

14-10-2022 - 05:37 pm

عادة تنزل بعد 4 ايام انتي لاتحاتين لانه ممكن يكون نفسي

أميرة بأحساسي

14-10-2022 - 06:38 pm

الله يرزقك ويرزقنا الذرية الصالحه قولي امين

دورة بعنوان صحتك سر خصوبتك التطبيق العملي←
اصبري يا امي راح يجي يوم باذن الله وارفع السماعة واقولك باركيلي انا حامل يارب→