اريد طريقة المصابيب

ما توقعتها منكم
ليه تطنشوني ؟؟؟؟؟

السلام عليكم
لا تزعلين حبيبتي انا جيت ولك معي طريقه حلوه(على فكره انا سويتها الاسبوع اللي فات شويه عليه كلمة رهيبه )بس ما فهمت وش قصدك بطريقه مبتكره .... المهم هذي طريقه انا اسويها وان شاء الله تعجبك :
المقادير:(تكفي 5 اشخاص الى 6)
حليب 3 ملاعق
دقيق بر 2 كأس كبير
زيت ربع بياله
بيضه واحده
2 كأس ماء (ان احتاج الخليط اكثر نزيد)
خميره ملعقه واحده كبيره
ذرة ملح
الطريقه
طبعا بعد ما تخلطينهم كويس تخلينهم على جنب يخمرون شوي واذا حبيتي تضيفي مع الخليط السابق بصل مبشور يكون حلوو لكن انا ما افضلها
خلاص تحمين الصاج وتدهنينه بزيت وتجهزين ملعقه عشان تصبين الخليط بعد ما تاخذين كل ملعقه وتصبينها حركيها لما تفرش وتكون بشكل دائري وبعدين ابدي قلبيها لحد ما يصير لونها اشقر من الجهتين(وتكون طبعا استوت)
في الاخير لما تخلصين الخليط كامل يجيك دور اللتفنن
يا انك تكونين مذوبه زبده (او سمن)ومقطعه بصل صغار وتصبينهم عليها في صحن التقديم
او انك تدهنينهم بشويه جبت بس شوي وتحطين عليهم زعتر(يصيرون حلوين وغريبين )
او تخلينهم ساده
على حسب ذوقك
وبالعافيه

هي بطريقتين اما بالعسل او بالبصل العادي او الاخضر
وكلها نفس العجينه لان البصل يكون في الاخير
المقادير:
الماء على حسب الكميه اللي راح تحطيها وضعي الماء في خلاط الطماطم
دقيق بر تضعي منه بالملعقه حتى يثخن السائل
رشة ملح
رشه صفار الزعفران
بيضه
2 ملعقه كبيرة حليب بودرة
الطريقة:
ضعي الماء في خلاط الطماطم ثم الحليب ثم البيضه والملح وصفار الزعفران والدقيق ملعقه ملعقه حتى يثخن الخليط مع الاستطاعه في صبه بسهوله ويترك ربع ساعه واذا كنتي مستعجله مو لازم
العجينه كذا جاهزة اذاكنتي تبيها ببصل قطعي بصل مربعات صغيرة وضعيها على العجينه وحركيها بملعقه مو بالخلاط عشان ما ينفرم البصل
واذل ماتبيها ببصل خلاص تصير جاهزة لاتحطي عليها شئ
انا اسكب العجينه في الابريق تبع القهوة التركيه عشان يسهل الصب
وتكون التاوة تبع المراصيع وهي تجي دائرة كبيرة مسطحه مالها جوانب وممكن تستخدمي المقلاة العاديه بس تصير كبيرة عشان الحريه في الترصيع
وتسخن لحد ماتصير حاميه بعد توضع النار وسط وتدهن بمنديل به زيت فقط مسح
بعدها يصب قليلا على شكل دوائر صغيرة ويبعد بين كل دائرة مسافة نص سنتمتر
لحد ماتغمق ويروح البياض تقلب على الجهه الاخرى ويضغط عليها قليلا حتى تحمر في هالاثناء تكوني مجهزة حافظة الحرارة والزبدة اذا حمرت المراصيع ضعيها في الحافظه واغلقي عليها لحد ماتنتهي العجينه
اذا كنتي مسويتها ببصل ضعي الزبده عليها واغلقي الحافظه وهزي الحافظه عشان تمتزج الزبده بالمراصيع لان التحريك باليد يمزقها
واذا كانت بالعسل ضعي مع الزبد عسل وهزيها وتقدم ساخنه...

مشكورا عاشقة الرحمن
كثير تسلمين حبيبتي

تسلمين مايسه
كلك ذوق حبيبتي

يسلمو ...
الله يعطيكم العافيه ..خواتي (( عاشقة الرحمن 11.... مايسه ..))
.
.

هذا والله وقت المصابيب تم الحفظ