اسياخ الدجاج المقليه مع المكرونه على طريقتي بالصور

هاي صبايا
يلا شمروا معاي وساعدوني
وسكروا فمكم لاتسيل سعابيلكم على هالطبخه
اولا تحتاجين صدور دجاج مقطعه مكعبات كبار شوي
بطاطس مسلوقه نص سلقه
بصل مقطع كبار
فلفل رومي مقطع مربعات كبار وممكن فلفل ملون المتوفر
بيض وبقساط اللي هو الخبز الناشف المطحون
ملح وفلفل وثوم مدقوق وليمون
زيت و اسياخ خشب
اول شي نخلط الدجاج + البصل + الفلفل الرومي + الثوم المدقوق + الليمون + الملح والفلفل ونتركها بالثلاجه اقل شي ساعه الى نص ساعه والافضل اكثر عشان تتبل ويتشبع الدجاج بطعم الليمون والثوم
زي ما انتو شايفين
ندخل الدجاج في اسياخ الخشب
وتكون مره صدر دجاج ومره بطاطس مسلوقه ومره فلفل رومي ومره بصل وهكذا
نسيت اصور هالخطوة للاسف بس بتكون واضحه في الخطوات الجاية
بعدين لما تكتمل الاسياخ نبدأ نغطسها في البيض مثل ما انتو شايفين ويكون البيض مملح
الان تجي خطوة البقسماط
بعد مانغطس السيخ بالبيض نغمسه بالبقسماط <<< نغطس ؟؟؟
ماعلينا شوفوا معاي
واحلى شي اذا عندك بنوته تساعدك تحطين السيخ بالبيض وهي بالقسماط مو عيال قشران
بعدين ياطويلات العمر نبدأ القلي بعد ما اكتملت الاسياخ مثل ما انتم شايفين
بنات ملاحظة مهمه كبر الجدار لاتضغطون المكونات كلها بالسيخ خلوها تاخذ راحتها ومتباعده عن بعضها
مو لاصقين ببعض ومتحاشرين وسعوا بينهم الله يوسع عليكم عشان شسمه ذا
تستوي زين ويتغلغل الزيت من بين صدور الدجاج والقطعه اللي جنبها يارب اكون وصلت المعلومه
فاشلة بالشرح
وهنا الشكل النهائي بعد القلي وطعمها يمي
طبعا اختك في الله زيرو في التزيين مو عشاني ما اعرف لالالالا اعوذ بالله
بس لاني اسوي الغدا في اخر لحظة ويكون الباشا ينتظر على احر من الجمر
والله لويدري اني جالسه بعد اصور
الموهيم يابنات انا قدمت هالطبق مع مكرونه بالكريمة والجبنه
المكرونه سلقتها ولما استوت صبيت فوقها كريمة الخفق ومكعب ماجي ورشيتها بجبنه موزاريلا وشوي تشيدر وقلبتها
وصارت المكونات ذايبه مع بعضها وبس سلامتكم
يارب يارب يارب انكم تردون على موضوعي وتفرحون قليبي
وان شاء الله تعجبكم الطبخه