افكار للعشاء اليومي لزوجك وعيال

1. السلام عليكم ورحمة اللة وبركاتة.


2. 1-كودو بالبيت

السلام عليكم ورحمة اللة وبركاتة.

طبعا الكل يبتلش اذا جا العشاء لان الفطور معروف عدس فول جبن او فلافل او معلبات او بيض.,الغدا غالبا بالسعودية كبسة بس العشاء بلشتة بلشة للمعلومية مانفعت روحي وعشان كذا بنفعكم لان الي عندي ملول مرة مايبي اي اكل وانا عجازة اذا ماشفت قبول الحين بكتب لكم افكار للعشاء طبعا اغلبها سهلة وبسيطة :

1-كودو بالبيت

2-همبرجر بالبيت فية نوع كانها حقت هرفي من امريكانا بيف برجر وخصوصا الجمبو (يعني حجمها كبير شوي) حطي البرجر على مقلاة حارة بدون زيت لان البيف فية زيت يكفي واذا استوت حطيها بالخبز حق البرجر وتحتها جبن وخس مفروم مع مايونيز ورشة فلفل فوها بصل شرايح او مفروم وطماطة شريحة وكتشب واخيرا مخلل خيار افكوا لة نكة تجنن.
3-توست يقطع اطرافة ويصف بصينية وفوق طبقة التوست طبقة دجاج محموس مع فلفل اسود للي يحب الحار اوتونة على حسب الرغبة ويحط فوق طبقة الدجاج طبقة ثانية توست ثم تدهن بشوي جبن سايل مع قشطة وتحمرمن فوق بالفرن.
3-مكرونة سرعة بس مو زي الاندومي عاد الاندومي ماهي صاحية ن سرعتها كنك تصخنين مو تسوين المهم ارجع للطبق حقي تسلقين مكرونا الحجم الصغير مو صغير مرة اقصد الكايل والي كانة حلقة او الاسطواني اي نوع تحبونة طبعا تسلقونة مع ماء وملح وزيت وفلفل اسود واحمر اذا حبيتوا بس للنكهه الي مايحب الحار لايكثر وخلية يستوي وبعدين حطية بصينة بايركس وفوقة تونة محموسة مع بصل وفلفل اخضر ثم تحطين طبقة مكرونا ثم طبقة من جبن الكاسات وممكن تخلين مع الجبن قشطة وحمرية من فوق .
وفية اباق خفيفة ثانية ممكن الي تبي تضيفها