الدونات ولا ألذ

السلام عليكم ورحمه الله وبركاته
::
الدونات
.. أخذت طريقتها من وحده بالنت ربي يجزاها خير
فقلت اطبقها وانقلها لكم هنا
.
هذي طريقتها منها
4 ك دقيق المروة
2 ك ماء
4 م ك حليب بودرة
1 إصبع زبدة سايحة
فنجال سكر
رشة ملح
4 م ص خميرة
2 م ص باكينج بودر
2 بيضة + فانيلا
ينخل الدقيق والباكينج .. وتوضع باقي المقادير في الخلاط ثم تصب على الدقيق وتعجن
تجي العجينة وسط انتبهي تكون قاسية ولا لينة مرة يعني أنتي وشطارتك
غطيها ببلاستيك وخليها تتخمر 40 دقيقة ,, أدهني يدك بالزيت ثم أبدي كوريها كبر البيضة الكبيرة تقريبا أو أكبر
أظغطيها شوي بحيث إنها تكون سميكة شوي وأفتحيها من الوسط بأي حاجة متوفرة عندك
أنا جبت ملعقة حليب الأطفال وقصيت اليد وبديت اشتغل بها
لأني جربت ألة الدونات مااعجبتني أبدا
تكونين مجهزة صينية وماسحتها بالزيت وأجمعي الدونات فيها وغطيها ببلاستيك وخليها ربع ساعة تتخمر
سخني الزيت متوسط الحرارة
أرفعي الدونات بطرف يدك ثم تكون معك الملعقة المسطحة وماسحتها بالزيت
وشيليها بها بلطف حطيها بالزيت ( يعني دليليها وانتي تشيلينها )
وأبدي بأول وحده كورتيها لأنها راح تكون خمرت أكثر
أقلبيها بالزيت على طول عشان تنفش معك أرفعي على النار حتى تتحمر
طلعيها وحطيها على ورق النشاف وأمسحيها بالمنديل عشان مايثبت الزيت بها ..
والدفعه الثانية طفي الزيت وحطيها بعدين ولعي عليه وسوي زي ماقلت قبل ..

• *

بالنسبه للدقيق انا سويته بالدقيق الكويتي .. وزودت شوي على مقدارها ( قست بالنظر )
لان الدقيق الكويتي خفيف شوي ويمكن ال 4 اكواب مع باقي المقادير تطلع العجينه خفيفه ..

• *

بالنسبه للتغطيه فجربت كذا تغطيه
بس مثل السكر البودره مافيش جداَ جداَ لذيذ
احط السكر البودره في كيس ثم احط حبه حبه دونت ولما تمتلي وتتغطى صح بالسكر طلعتها
وهذي صورتها من جوا
لذيذه جداً
وأي سؤال انا حاضره
^_^