الطعمية اللذيذة

1. والطريقة تكون بالفول فقط بدون الحمص وتكون خفيفة ..


2. يلا ما اطول عليكم ..

السلام عليكم يا فراشات ..
انا بصراحة عندي صديقة مصرية ومره عزمتني عندها ورحت وذقت طعمية تجنن عن جد كان طعمها حلو ، ورجعت البيت وانا افكر في الطعمية ههه وماقدرت ما اخذ منها الطريقة واجربها ..
بس اول مره ما ضبطتها عدل وصارت خشنه ،، بس المره الثانيه ضبطتها بتعديلات واضافه ماء ..

والطريقة تكون بالفول فقط بدون الحمص وتكون خفيفة ..

يلا ما اطول عليكم ..

• المقادير :
• فول ابيض مجروش ( ينباع بالكيلو مو الي بعلب )
• بصلة
• 2 فص ثوم
• كرات ( بقل )
• كزبرة حبوب
• دقوس
• ملح
• سمسم
• سماك

الطريقة :
1. ينقع الفول المجروش مع الماء لمدة يوم كامل
2. يفرم الفول مع الكرات والبصل والثوم في الخلاط .. والمقادير مثل الكباب تكون على حسب الكميه
واللون يطلع لك اخضر متوسط ..
3. تضيفين ماء للخليط بحيث يكون طري
4. رشه ملح وشويه كزبرة ودقوس
5 . تسخنين الزيت للقلي وتحطين شوي من الخلطة بملعقه طعام كبيرة وتضغطين عليها عشان تاخذ شكل دائرة مسطحة
6. ترشين السمسم على الخليط بعد وضعه في الزيت
7. بعد القلي ترشين عليه شويه سماك وتقدم مع البطاطس المقلية او الطحينة ع حسب الرغبة واذا بغيتو طريقة الطيحنة قولي لي ..
وبالهنا والعافيه على قلوبكم ..
والي تجرب الطريقه تدعيلي وتخبرني كيف صار طعمها ..