الغداء اللي عملته أمس تعالوا خذووا الوصفات

بسم الله الرحمن الرحيم
مرحبا أحلى فراشات
اليوم جايبة لكم الغداء اللي عملته أمس
و ان شاءالله يعجبكم لكن القهر ماله صور لأني ما اعرف انزل هنا صور
الغداء اللي عملته أمس كان عباره عن أطباق صينيه لذيذه و سهله مره
و انتو شوفوا بأنفسكم
لكن اعذروني على شحي المطول بس شرحت بكل أمانه عشان لا اقصر في توصيل المعلومات
و الأطباق هي...

• أرز صيني
• دجاج بالطريقه الصينيه
• سبرنج رول بالخضار
• شوربة الذره

أرز صيني:
2 كوب ارز مسلوق
بصل مفروم
فصين ثوم مفروم
كوب خضار مشكله
نص كوب كروم شارئح طوليه
الطريقه:
يشوح البصل و الثوم في الزيت على النار
لحد ما يذبلوا فقط لا يحمروا يا حلوآآآآت
بعدين نضيف عليهم الخضار و الكروم و شوية ماء بس للنضج
بعد ما تنضج و تنشف المويه نضيف الرز المسلوق و نحركهم سوا.
نضعه في صحن التقديم و يزين بالبقدونس براحتك الزينه طبعا لول.
الدجاج الصيني:
صحن دجاج اللي من دون عظام و جلد احلى ماركة يا بنات ماركة رضوى طعمها حلو
بصله مقطعه شرائح طوليه
بيالة شاي معجون طماطم
فصين ثوم او ملعقه صغيره من بودرة الثوم
ربع ملعقه صغيره فلفل أسود نص ملعقه صغيره كمون
ملعقه صغيره من البهارات الصينيه او الاندونيسيه << تحصلوها في البقالات الاندونيسيه
((تتبيلة الدجاج))
نحط في زبديه الدجاج المقطع مكعبات
و نضيف عليه بيالة شاي صويا صوص المعتدل مو الحلوه
ملعقة طعام من البهارات الصينيه أو المتوفر عندكم
ملعقه صغيره بودرة فلفل أحمر حار << لو ما تبغوا عادي لا تحطوه
عصير نص ليمونه
نص كلعقة طعام خل
3 ملاعق طعام نشا
نغطي عليهم و ندخله الثلاجه
(( تفضل يا بنات تتبلوا الدجاج قبل ما ينطبخ بساعه عشان الطعم يمسك ))
الطريقه:
يشوح البصل و الثوم مع قليل من الزيت على النار
لحد كا يذبلوا مو يحمروا ,, ثم نضيف معجون الطماطم
ثم نضيف البهارات و الفلفل و الكمون,,, و 3 بيالات ماء و نغطي عليه لحد ما يطبخ
بعدين نطلع الدجاج من الثلاجه و نضيفه هو كمان مع البصل و الطماطم
انا حطيت التتبيله مع الدجاج كمان عشان مع الطبخ تطلع لذيذه
لو حابين حطوها او خذوا منها مقدار ملعقتين طعام
و لو نشفت المويه و اضيفوا شويه بس عشان ينضج الدجاج براحته
و بعد ما ينضج الدجاج و قبل لا تطفوا النار من عليه اهم حاجه
خطي مقدار ملعقة طعام مليانه في كوب و اخليطها مع شوية ماء تصير لك من الحليب
اضيفيها على الدجاج عشان تثقل الصلصه <<< اهم حاجه تراها
حركيه شوي بعدين طفي النار و قدميه في صحن تقديم.
السبرنج رول :
رقاق السنبله تبع السبرنج رول
بصل مقطع شرائح طوليه
جزر مقطع شرائح طوليه
كروم مقطع شرائح طوليه
فلفل رومي الأخضر و الأصفر و الأحمر مقطع شرائح طوليه
ملعقة طعام صويا صوص
بهارات ,,, ملح << حسب مقدارك
الطريقه:
نشوح البصل لحد ما يذبل ثم نضيف عليه الخضار كلها و الصويا و البهارات و الملح
لحد ما ينضجوا ولازم ينضجوا مره يعني تكون الخضار ذابله مره مو قاسيه شوي
ناخذ الرقاق و نحشيه بالخضار و نلفها بشكل اسطواني
((لو حابين تمسك زين و لا تفتح وسط القلي اخلطوا في كوب طحين مع ماء و امسحوا اطراف الرقاق بالعجين و تمسك معاكم))
بعدين تقلى.
و فيه حشوات كثير كل وحده براحتها
==================================
حشوة الدجاج << نفس مقادير الخضار اللي كتبتها مع دجاج مقطع شرائح طوليه
حشوة اللحم المفروم
حشوة الجبن مع النعناع
الخضار مع الربيان
الخضار مع الأرز << بس هذي يكون عليها صويا صوص كثير بحيث يصير لون الرز بني و مطبوخ مره
==================================
شوربة الذره:
مره لذيذهو سهله جداً انصح الكل يعملها بصراحه.
أولاً ناخذ كيس كبير من الذره المثلجه
لو من فتره مطلعتها و ذايبه حلو
لو لسه مثلجه نحطها كلها في قدر مع شوية ماء عشان تذوب
بعدين نصفيها في مصفاه
و ناخذ مقدار نص الذره و نحطه بالخلاط و نفرمها فرم ناعم انتبهوا لأنه فيها قشره يبغالها فرم كويس
و ناخذ قدر عادي او تاوه كبيره نحط فيها نص زبده ((زبدة الاصبع النحيفه))
بعد ما تذوب نضيف 2 ملعقة طعام دقيق و نحركها كويس لا تتكور علينا
و على طول نضيف عليها الذره المفرومه مع كوب ماء او أكثر على حسب الثقل اللي انتي تبغيه
و نضيف مكعب ماجي وشوية فلفل أسود و نحركهم كويس.
نضيف الذره المتبقيه اللي ما فرمناها و نخليها تطبخ على النار لحد ما تستوي,, و الملح لو حسيتوه ناقص زيدوا.
يا بنات انا عارفه باين شرحي طويل و مخيف حتستثقلوا تقروه
ههه لكن والله حاولت اوصل لكم المعلومات كامله
و الطبخات دي على فكره مره سهله و ممتعه..
جربوها و ما حتندموا ان شاءالله البيت كله حيقولك تسلم ايدك على هالطبخ
أتنمى يعجبكم أهم حاجه