الكيمر العراقي

تدللين حبيبتي وهذا اطيب كيمر هو كيمر السدة
المقادير
1 لتر حليب ويكون دسم
2 لتر كريما
نجمع المقادير سوية ونحطهم بقدر واسع حتى من يفور ميسقط على الطباخ على نار قوية الى ان يبدي الحليب يفور ثم نبدي نحرك الحليب ومنتركه حتى ميصير بيه حرك واذا لا سامح الله احترق من الاسفل مباشرة بدلي القدر باخر نظيف
نستمر بالتحريك بواسطة مغرافة عميقة الي نستعملها لصب الشوربة التشريب بالعراقي نسميهة جمجة ههه
هناك سر بطريقة التحريك هي التي تساعد على تكوين الطبقة السميكة للكيمر
وهي اثناء التحريك تاخذين قسم من الحليب بالمغرافة وترفعين يدك الى الاعلى ثم تسكبيه من جديد فوق الحليب وهكذا اكثر من مرة لاح تشوفين شلون تتكون فقاعات فوق الحليب
ثم تتركيه لحظة وتعودين بنفس الطريقة تحركين الحليب وتغرفين منه تم تسكبيه فوق الحليب اكثر من مرة الى ان تشوفين الحليب بدا بالغليان وصار حار جدا بس انتبهي بدون ميحترق من الاسفل
بعد نصف ساعة على هذا الحال او اكثر تقللين النار الى درجة واطئة جدا وتتركين الحليب يهدا على النار وتتجمع الطبقة الدسمة فوق الحليب وتتركيه على النار الهادئة مدة ساعة تقريبا بدون غطاء
وبعد ذلك ترفعين الحليب بهدوة وتضعيه في مكان اخر وتغطيه بطانية او شرشف ثخين الى ان يبرد من كيفه لحد الليل
وقبل لتروحين للنوم ترفعين القدر بهدوء وتضعينه في الثلاجة بدون غطاء للصبح
لاح تشوفين الصبح شلون الطبقة مال الكيمر متجمعة وسميكة ترفعيها وتضعيها في صحن
والف عافية عيوني

عبير الورد تسلمين حبيبتي على الوصفة
وباجر ان شا الله اسوية واذا ضبط وياي راح اخبرج واذا ما ضبط اجي احجي عليج
ههه لالالا امزح
انا جدا معجبة بتوقيعج كلش حلو ما شاءلله
على فكرة انا اول مرة افوت هذا القسم واول مرة اشوف اسمك
ان شا ءالله يكون الكيمر مناسبة حلو للتعرف عليج اكثر
واذا كان رقم 83 المكتوب يم اسمك معناها مواليدج فاني وياج نفس العمر
اختج العراقية

عبير الورد تقصدين بالكريم ؟؟ الويب كريم ؟؟؟؟ لو اي كريم بالضبط

حيبيتي الكريمة الي توضع مع الاكل
اسمها كريمة الخفق

عاشت ايدج على هالكيمر اللي ان شاء الله اجربة
مشكورين حبيباتي العراقيات

ملكة عشتار تدللين حبيبتي من تجربين كولي شطلع
معاج قيمر لو جبن ههه

thanks