المفتول

1. (6) حبات بندورة "طماطم " (مقطعه على شكل x


2. وهاي رح تعطي نكهه وطعم لذيذ جدا للمفتول .


3. وهلأ بدنا انحضر المفتول


4. بعد ما يستوي المفتول ضيفي ملعقة سمنه على الوجه .


5. هلأ رح نعمل مرقة المفتوول

اليوم رح أعرفكم على طبق فلسطيني اكتير معروف ... ورح اتشوفوا كيف رح تكون طريقة عمله اكتير سهلة
وهذا الطبق هو
المفتول
اولا: المقادير

• بكيت من حبوب المفتول ( وبسموه كمان حبوب الكوسكوسي) (500جم
• كيلو لحمه .
• (10) بصلات متوسطة الحجم .(كامله ومقطعه على شكل x وتبقى محتفظه بشكلها

(6) بصلات مفرومه فرم متوسط

(6) حبات بندورة "طماطم " (مقطعه على شكل x

(5) ملاعق طعام من الجرادة . (ههه جرادة هاي مو حشره ,,, هاي نوع من الاعشاب ).

• كاسة حمص حب مسلوق
• ملح حسب الرغبة .
• بهارات ( فلفل اسود - حب هيل - قرنفل - ورق الغار )
• مكعب ماجي .
• فلفل اخضر حسب الرغبة .
• ملعقة صغيرة من الكركم .
• زيت للقلي .
• ملعقة سمنه كبيرة .

ثانيا : الطريقة

• اول شي نسلق اللحمه وبعد الغلي نرفع الزفره وبعد هيك نضيف كل البهارات للمرقة ونتركها حتى تستوي اللحمه.

لعمل دقة المفتول

• رح اندق (فلفل اخضر + الجرادة + نصف كمية البصل المفروم +ملح )

وهاي رح تعطي نكهه وطعم لذيذ جدا للمفتول .

وهلأ بدنا انحضر المفتول

• نضع قليل من الزيت في الطنجرة وانقلي نصف الكمية المتبقية من البصل المفروم حتى يشقر لونه .
• وبعد هيك انضيف حبوب المفتول ونقلبهم مع بعض اشوي .
• انضيف دقة المفتول وانقلب جميع المكونات مع بعض .
• ونضيف المرقة على المفتول + مكعب ماجي + ملح ( بحيث تغطي المرقة المفتول )

ملاحظه :
1- المرقة لازم اتكون سخنه .
2- لازم تنتبهي على المفتول لانه رح يتشرب المرقة بسرعه, ولو لاحظتي انه ما استوى ضيفي اله المرقة بكميات قليله .

بعد ما يستوي المفتول ضيفي ملعقة سمنه على الوجه .

هلأ رح نعمل مرقة المفتوول

• نقلي حبات البصل الكاملة بالزيت حتى تحمر اشوي.
• رح انضيف اللحمه + الحمص + المرقة ونتركهم يغلو حتى يستوي البصل نصف استواء .
• بعد هيك انضيف حبات البندورة الكامله للمرقة + ملعقة كركم + ملح ونتركهم حتى تستوي

والخطوة الاخيرة رح نسكب المفتول في طبق التقديم ونضع فوقه المرقة المكونه من (اللحمه +البصل +الحمص +البندورة ) على وجه المفتول
وان شاء الله ينال على اعجابكم