تعالوا شوي

بار كوا لي الغاليات نزلت لي الدورة بعد حلم للأمومة دام 9 أيام
اليوم نزلت لي عند صلاة العشاء و كنت عند أهلي في البداية ما خبرتهم بعدي قلت يالله ما معليه خيرها في غيرها
قلت حق أمي " أمي ما باركتي لي" هنيه قلت خواتي طالعني و انا كملت" يتني الدورة"
والله العظيم اللي بيشوف خواتي بيقول إني أنا كنت حامل و سقطت من كثر الصدمة عليهن
وحدة من خواتي قالت لا مستحيل و الدمعة في عينها و الباقيات يطالعن بنظرة حزن قلت لهم ما تزعلوني زيادة انا اللي فيني كافيني
أمي المسكينة مب مصدقة لأنها راحت معاي عند الدكتورة و الدكتورة عطتنا أمل فقلت لأمي بسوي حفلة حق ريلي اليوم بعدل الغرفة و بتعدل و آخر شي بقوله فيني الدورة قالت لي حرام عليج قالت لي انتي عطيته امل ليش تبين تزعلينه زيادة قلت لها انا اللي عطيته أمل ولا هو ( أنا واثقة إن الرزق من عند الله) ريلي هو اللي زعلني زيادة لني مرة قلتله ليش خليتني بروحي في البيت قال لي ما خليتج بروحج عندج سلطان( انا كنت ناويةأسمي سلطان بس خلاص ما بسمي لين ما أحمل)
يوم رحعت البيت ريلي كان برا فحطيت منكير يوم رد قال لي نزلت الدورة قلتله هيه قال الحمدالله الله كريم قدر الله و ما شاء فعل
وهاي قصتي لهذا الشهر انتظروني الشهر الياي بقصة نهايتها حلوة بإذن الله