جبنية بدون قلي بس لذيذه

صباح الخير ياحلوين
كل عام وانتم بخير وتقبل الله صيامكم وقيامكم طبعا كان اليوم مثل أي يوم أدخل فيه المطبخ من الظهر الله لايوريكم أحوس على بال ماأسوي فطور يبيض الوجه <<<<قصة حياتي
المهم ياحبايبي لقيت لكم طريقة جبنيه(أنما أيه)لقيتها في كتاب أمي المقادير: علبة جبن المراعي(الجبنه البيضاء)
نص كاس حليب بودره
بيضه وحده
نص ملعقه بكينج بودر
وحده ونص كاس دقيق أبيض
ثلاثة أرباع الكاس زبده مذابه
ذرة ملح,ذرة سكر
كاسه وحده شيره
.............................
الطريقه كما يلي:
حطي الجبن والزبده والبيضه في زبديه وأخلطيها بعدين حطي عليها الحليب والسكر والملح وأخلطيها مضبوط ألين ماتتداخل زين
وحطي فوقها الدقيق والبيكنح بودر وأعجنيها مع بعض وأفرديها في صينيه بعد ماتدهنينها وتدخلينها الفرن اها بس يكون الفرن حار وأنتبهوا لها يالسنعات لا تنحرق ترى ياما سوتها فيني بس أنا وراها ألين ضبطت معي
اوه نسيت أقول لكم بعد ماتطلعونها من الفرن صبوا الشيره عليها وهي حاره
وبالعافيه عليكم مع حبي
أنتظرووني