حتى العجايز ياربي مين بقي

1. الأم قامت تصيح وتقول هذي بنتي..

بسم الله الرحمن الرحيم
السلام عليكم و رحمة الله وبركاته ...
ببدأ لكم بالحادثه وهي صارت بالمنطقه اللي أنا ساكنه فيها ..)الطايف( وهو حدث في إحدى الأسواق التجاريه الكبيره عندنا..
طلعت بنت مع أمها للسوق والبنت في العشرينات من عمرها ومو من البنات اللي مو مستتره عشان نقول يستاهل مايجيها أو ملفته للنظر..
المهم كانوا بالدور الثاني ولقوا عند الكراسي حرمه كبيره بسنها لدرجه إنها كانت على عكاز ونادت البنت وأمها وقالت إنها تعبانه وماتقدر تنزل مع الدرج وماتعرف تستخدم الليفت ( الأصنصير ( وقالت لهم ياليت تفتحونه لي قامت الأم وقالت لبنتها أفتحيه لها ودخليها فيه راحت البنت وفتحته للعجوز_ الله يحرقها بها اليوم _ وقالت العجوز بس أنا ماأعرف لانزلت إني أفتحه .
قالت الأم خلاص بنتي تنزلك وتطلع لي.. قامت البنت ونزلت هالعجوز _الله ينتقم منها _
المهم الأم تنتظر بنتها ترجع ومارجعت إلى إن مر من الوقت ساعه وأكثر وراحت تدور عليها ومالقتها قامت الأم تصيح في السوق وجو رجال الأمن اللي متواجدين على الأبواب وسألوها وش فيها قالت لهم بنتي نزلت مع عجوز كبيره بالسن بالليفت توصلها تقول إنها ماتعرف تستخدمه ومارجعت ..
قالوا لها حنا جتنا عجوز كبيره بسنها وفاتحه الليفت وتصيح تقول بنتي أغمى عليها وتعالوا ساعدوني الله يخليكم وصلوها معي السياره وشلناها وطلعناها ووقفت سياره عند الباب فيها اثنين شباب وساعدونا وراحوا..

الأم قامت تصيح وتقول هذي بنتي..

وجت الشرطه بس بعد مافات الأوان طلعت العجوز وحده ماتخاف ربي متجرده من الإنسانيه وماعندها ضمير وتتاجر بأعراض الناس والعياذ بالله كانت تصيد البنات وتجيبهم للشباب وهالبنت ضحيه بعد ماركبت معها الليفت رشت العجوز عليها حاجه خلتها تدوخ وتفقد الوعي ..
والله العالم بحال البنت ألحين وإلا وين أراضيها .. والأم الله يلطف بحالها بالعنايه المركزه..
تكفون يابنات أنتبهوا وياأمهات أحرصوا على بناتكم وعلى أنفسكم حتى المحلات إذا دخلتوها لاتدخلون لأخر المحل إلا إذا كان في المحل زباين كثير شفتوا كيف كان مخططهم من كان يتوقع هالعجوز إنها تتاجر بأعراض البنات جت المسكينه تكسب فيها خير مادرت إنها تكسب في نفسها الهلاك..
الله يرد البنت لأهلها ويشفي أمها ..
لا حول ولا قوة الا بالله
انتبهوا يابنات الدنيا الحين تروع والله
والثقه ماعاد تنفع ابد
الله يستر علينا يارب
منقول