حلاء للعجازات فقط لاغير

1. خلاص فهمتن الطبقه الاولى يعني نطلع إمنه


2. الطبقه الثانيه

الي ماهيب عجازه لا تدخل احذركن تراه
نبدى بالحلاء اول شي نسفن اكمومكن وضفن اشوشكن وشدي الهمه
حشى نبي نذبح ذبيحه على غفله
نبدى بالحلاء خلاص تجهزتن انحرك
يالله نبدى
اول شي جيبي صينية قزاز واطحني بسكوت النخاله الي كرتونه احمر وإذا ما عندتس عادي حطي اي بسكوت متوفر عندس (ياحليلي ماجبر احد على نوع معين شفتن بس يالله إدعلي)امين يارب
سيحي زبده وحطيه على البسكوت وحطي اشوي قشطه واعجنيهن مع بعض وحطيهن بالصينيه وافردي البسكوت بالصينيه بس ابشرط انه يكون سخف طبقة البسكوت مثل عرض الورقه

خلاص فهمتن الطبقه الاولى يعني نطلع إمنه

الطبقه الثانيه

حطي بالخلاط (حليب نستله+جبن كيري) انا ابصرحه حطيت كيري وجبن طعمه وصبيه على البسكوت وتصير مثل الطبقه الاولى بس تكون اشوي اعرض بس علشان تمسك الطبقة الثالثة ودخليه الفرن من تحت وفوق لين اتماسك النستله وعلى طول طلعيه وصفي فوقه وهو حار نوع بسكوت ابكاكاو (كرتونه عنابي بابيض مكتوب عليه بالعنجليزي( swissbisc)صناعه سويسريه حشاء ملابس على غفله
ثمن دخليه الثلاجه لين يجمد وإذا برد طلعيه وقطعيه على احدود البسكوت وصفيه وقدميه
بس اسمعي وش يقولون
الشكل رزه والطعم يم يم يهبل
وعلى فكره تراي افرزره وخليه لوقت الزنكه إذا طب عليتس اضيوف طلعيه بس يحل على بال ماتزينين القهوه ثم قدميه والله راح يحسبونتس توتس امصلحته
بس جودي التغليف علشان مايطعم
تراي اول مره ابنزل صور علشان كذا لا اتواخذنن والي تعرف اتصغرالصور الله يجزاه خير اتفاهم معهن لاني اعليميه بالكمبيوتر بس اكتب وانزل اما صور ميح
الله يخليكن صلحنه تراه لذيذوالله على ما اقول شهيد