دجاج بالكاري على طريقتي

السلام عليكم ورحمة الله وبركاته
كيفكم حبيباتي
بما اني حامل وطفشانه من الاكل وامس كنت مسويه على الغدا صينية خضروات مشكله ومعاها ارز ابيض
فقلت خليني اسوي دجاج بالكاري كنوع من انواع التغيير
الطريقه
نأخذ صدور الدجاج سواء بعظم او بدون عظم طبعا يفضل المنزوع عشان ما ياخد وقت طويل
(اذا كان بعظم يأذ ساعه على النار ولو منزوع العظم بياخذ نص ساعه)
نجيب بصله و2 حبة توم صغيره وملعقه صغيره كاري وملعقة ملح وفلفل اسود ومكعب مرقة دجاج ماجي واحطهم على بعض بالخلاط لين ما ينخفقون تماما
واكون مسويه شقوق بالسكين في الدجاج
وادهن الدجاج بها الخلطه واعبي الشقوق واخلي الدجاج منقوع بها الخلطه لمدة ساعتين او ثلاثه واخليه بالثلاجه
وبعدين اطلعهم واجيب طنجره متوسطه واحط فيها بصله مقطعه جوانح رفيعه مع شوية زيت وفصين ثوم واقلبهم مع بعض لحد ما يصير لونهم ذهبي وبعدين احط الدجاج واحط نص ملعقة فلفل وملح وكاريواغطي الطنجره واهدي النار ومن فتره لأخرى اقلب الدجاج لحد ما ينضج تماما واذا كان بعظم انتبهي يروح الدم من العظم واحط الفطر قبل مايستوي الدجاج بفتره بسيطه
وبعدين قبل التقديم مباشرة تجيبين كاسة ماي وتحطين عليها 3 ملاعق كبيره طحين واذوبهم مع بعض تماما واضيفهم لمحتويات الطنجره واخليهم عل النار لمدة دقيقتين فقط مع التقليب المستمر عشان الطحين ما يصير مثل المعجون وبالهنا والعافيه