ربيآن مقلي ومشوي بطريقتي بالصور لذيذ

كبـرياء انثى

30-09-2022 - 08:56 am

بسم الله الرحمن الرحيم
مسآء / صبآح الورد يآحلوات
اليوم طبخت روبيآن مقلي ومشووي كآن خاطري فيه من زمان قلت لازم اسويه يعنى اسوويه
قسمت الربيان الى نصفين نصف للمشوي ونصف للمقلي وسويت معه رز وصلصه حمراء وسلطة خيآر بالزبآدي ..
مالكم بالطويله
المقآدير :
ربيان منظف ومقشر بس مو كله
نتبله بطريقه كالتالي ..
بهارات {كل شي حطيت بدون مقادير}
ليمون اسود مطحون
كمون
زنجبيل
بهارات سمك
دارسين
فلفل اسود
ملح
بهارات مشكله
عصير ليمونتين
خل
زيت زيتون
بصله وحده مفرومه
و4 حبات ثوم مفروم
نخليه نص ساعه
والطريقه :
نخلط كل المقادير مع بعض
ونشوي بالشوايه ..
مقآدير ربيآن المقلي :
ربيآن منظف ومقشر تمامآ
ملعقه صغيره {فلفل أسود + كمون+ثوم+ بهآرات ربيآن+ بهآرات مشكله }
ملعقه صغيره زيت زيتون..
ملعقة ملح
ليمونتين
ماء
طحين
الطريقه :
ناخذ الربيان ونحط عليه الطحين والبهارات كلها والليمون وزيت الزيتون
وماء نحاول نخلي الخطله مو سايله حيل ولا ثقيله حييل يعنى معتدله
نخليه نص ساعه ونشغل الزيت وناخذ حبه حبه ونحطهآ بالزيت لين مايستوي ..
بالعآفيه ..
وهنآ سفرة الحلى :
دعواتكم الحلوه

التعليقات (8)