رز هندي واو جنان

السلام عليكم ورحمة الله وبركاته
هالرز يابنات ماعمر احد ذاق الرز عندي الا ياخذ طريقته مني وماحبيت ابخل عليكم يابنات الغاليات خاصه النشميات الي يحبون الطبخ
طبعا سامحوني ماعرف انزل صور ولاكان صورته لكم والي لها بال طويل ماتقصر ياليت تفزع وتعلمني
على فكره ترا الكميه انتي الي تحددينها لاني انا اطبخ بالعين يعني عيني ميزان
اولا تقطعين بصل عادي وبصل اخضر وثوم
ثانيا الخلطه السريه للرز الهندي تحطين بالخلاط طماط وشوي صلصه وملعقة ملح ليمون وهنا السر الي يخلي طعمه رهيب وبرضو تحطون حزمة كزبره بالخلاط وتخلطينه لين يختلط زين
ثالثا تقطعين الدجاجه ارباع وتقلونها بدون تبهير واذا قيلتيه حطيه على جنب
رابعا تجهزين قدر وتحطين فيه موي وهيل حب ودراسين ومسمار وزيت وربع ماجي وخليه يغلي على النار
الطريقه
تحطين بالقدر زبده وزيت وتحمسين البصل العادي والاخضر لين يصير اصفر حطي مكعب ماجي
وحطي بهارت عدله وبهارت مطحونه واحمسي وبعدين حطي الدجاج الي قليتيه واحمسي وقصري
النار كل ماحمستي بنار هاديه كل ماكان اطعم وبعدين حطي عليه خلطة الطماط مع الكزبره والملح
الليمون والفلفل القرون واحمسي زين وغطيه شوي
وجبيي رزك واغسليه وكبيه على القدر الي حطيناه يغلي واسلقي الرز نص سلقه فقط واشخليه
وكبيه على الحمسه وحركيه لين يختلط رزك مع الحمسه وقصري نارك واذا نشف جيبي شوي زبده
وحطيها فوق الرز مع موية كادي وفلفل بارد قطعيه طوال وحطيه بالرز وشمي ريحة الرز
تصرع
واعذروني يابنات ودي اني حاطه صور بس للاسف مااعرف انزل الصور
والي تجربه وتعجبها تدعيلي
منقول